《奇蹟小店》每集都帶大家走訪有故事的小店，並有鮑聖光深情獻唱貼近主題而又感人的經典金曲，第四及第五集金曲分別為《My Friend》及《前程綿繡》。
由肥媽夥拍《中年好聲音》主持、並由有「音樂情人」之稱的鄭子誠作聲音導航的《奇蹟小店》，逢周一至周三晚上10點半翡翠台播映。明晚（14日）播出一集，肥媽帶領龍婷及丁文俊分別走訪日趨式微的傳統上海理髮店，及深水埗舊式手錶店。顏老闆及太太經營上海理髮店超過半世紀，理髮店除了是二人現時消磨時間、與客人閒話家常的聚腳地，亦見證了二人歷盡歲月的愛情；對於舖頭和老婆，顏生的承諾都是「一生一世」。當年為了「嫁雞隨雞」，顏太隻身跟老公來到香港開店，人緣超好的她更大方公開待客經驗之談：「呢個係服務性行業應有嘅態度，對客一定要好」。
點擊看圖輯
傳統上海理髮店老闆顏生顏太。
佢哋Sweet足咁多年，有圖有真相。
顏生同肥媽及龍婷講，當年生意好嘅時候，間舖淨係工作人員都有成30人。
龍婷親身體驗傳統上海理髮店嘅服務。
佢話曾經因為想慳錢，有諗過做髮型師。
龍婷好襯呢個Look喎。
深水埗舊式手錶店陸老闆，佢成日笑臉迎人好可愛。
由爸爸手上接過手錶店的陸老闆，話打理店舖時會偶爾諗番起昔日父子相處嘅點滴。
呢集好聲音代表仲有丁文俊。
肥媽帶埋人生第一隻擁有嘅手錶上節目，足證佢份人幾咁念舊。
原來陸老闆呢間舖經歷過好幾次槍林彈雨。
呢個係斧頭痕。
呢個係子彈窿。
手製繡花鞋店第三代Miru
肥媽話喺唔少外國人眼中，繡花鞋其實係寶嚟，佢仲笑言自己嘅英文，係當年賣繡花鞋學番嚟。
節目入面仲會介紹埋繡花鞋嘅類別同歷史。
當初只係為興趣學繡花嘅Miru，為咗將爺爺嘅心血延續落去，加上有一天突然深深感受到舖頭似已走到盡頭，所以毅然決定接受經營。
曹敏寶話有一直Keep住出嫁當日嘅繡花鞋，仲話諗住將來送畀仔女，仲要係手快有快慢冇。
店舖咗不少小工具，都充滿住Miru對爺爺嘅思念之情。
Miru別具特色嘅繡花鞋，一度吸引美國時尚達人Iris Apfel注意。
呢一集仲會介紹埋用環保物料做嘅波鞋，都係made in Hong Kong架。
曹敏寶試著嘅呢對繡花拖鞋，就係Miru精心設計嘅作品之一，著咗對腳除咗會修長啲，功能性亦都好足。
傳統上海理髮店老闆顏生顏太。
佢哋Sweet足咁多年，有圖有真相。
顏生同肥媽及龍婷講，當年生意好嘅時候，間舖淨係工作人員都有成30人。
難得到訪在六十至九十年代曾盛極一時的上海理髮店，來港後一直都想體驗香港特色傳統文化的龍婷，自然有親身落場一試顏師傅手勢，並頂著懷舊髮型化身花樣年華，別具風味。龍婷恤髮期間，笑言由於初來港時有感剪頭髮太貴，曾想過投身剪髮行業「慳錢」，可惜最終遭母親一句打沉：「我有喺屋企試過幫媽咪剪咗幾次頭髮，我諗自己見住人哋剪咗咁多年，咪試吓咯，剪完之後媽咪就話：『貴咪貴啲咯，下次我都係出街剪』。」
龍婷親身體驗傳統上海理髮店嘅服務。
佢話曾經因為想慳錢，有諗過做髮型師。
龍婷好襯呢個Look喎。
至於丁文俊走訪的舊式手錶店，店主陸老闆除大談店舖興衰，還分享了當年數度經歷槍林彈雨的駭人往事，除店舖的防彈玻璃有遭斧頭劈過的痕跡，天花板及牆壁亦有不少當年留下的子彈窿，老闆憶述：「真係有夥記驚到瀨尿。」肥媽、丁文俊及老闆又大談手錶的重要及珍貴性，肥媽還展示了當年辛苦儲錢買下的第一隻手錶：「人可以話走就走（離開或離世），但一件死物可以留番好多回憶，係嗰種珍惜同害怕失去嘅感覺。」
深水埗舊式手錶店陸老闆，佢成日笑臉迎人好可愛。
由爸爸手上接過手錶店的陸老闆，話打理店舖時會偶爾諗番起昔日父子相處嘅點滴。
呢集好聲音代表仲有丁文俊。
肥媽帶埋人生第一隻擁有嘅手錶上節目，足證佢份人幾咁念舊。
原來陸老闆呢間舖經歷過好幾次槍林彈雨。
呢個係斧頭痕。
呢個係子彈窿。
後晚（15日）一集，肥媽帶領曹敏寶走訪了兩間風格截然不同、以香港製造為主的鞋店，當中手製繡花鞋店第三代Miru，為了令面臨失傳的繡花鞋傳統藝術得以延續，除緊貼潮流、一再突破傳統框框轉變經營模式，更引入潮流元素，一度成功吸引美國時尚達人Iris Apfel注意；曹敏寶在節目試穿的繡花拖鞋，便是Miru精心設計的作品。在繡花鞋匠人眼中，繡花鞋可為人生不同重要時刻增添意義，曹敏寶坦言至今仍有Keep著當年出嫁時所穿的繡花鞋：「我有一仔一女，睇吓個跑出先，送畀新抱抑或我個女。」
手製繡花鞋店第三代Miru
肥媽話喺唔少外國人眼中，繡花鞋其實係寶嚟，佢仲笑言自己嘅英文，係當年賣繡花鞋學番嚟。
節目入面仲會介紹埋繡花鞋嘅類別同歷史。
當初只係為興趣學繡花嘅Miru，為咗將爺爺嘅心血延續落去，加上有一天突然深深感受到舖頭似已走到盡頭，所以毅然決定接受經營。
曹敏寶話有一直Keep住出嫁當日嘅繡花鞋，仲話諗住將來送畀仔女，仲要係手快有快慢冇。
店舖咗不少小工具，都充滿住Miru對爺爺嘅思念之情。
Miru別具特色嘅繡花鞋，一度吸引美國時尚達人Iris Apfel注意。
呢一集仲會介紹埋用環保物料做嘅波鞋，都係made in Hong Kong架。
曹敏寶試著嘅呢對繡花拖鞋，就係Miru精心設計嘅作品之一，著咗對腳除咗會修長啲，功能性亦都好足。
