莊思敏運愛用品往杭州 第三批有愛馬仕勞力士值數十萬！

莊思敏又嚟晒自己的Hermès啦！

馬來西亞拿督千金莊思敏（Jacquelin）自從在杭州置辦咗一個大豪宅，就密密在社交平台和網民分享在杭州豪宅的生活點滴，同網民參觀完豪宅，又帶網民睇自己去揀擇新家具等，惹得唔少網民大喊羨慕。依家莊思敏已經在杭州住咗一排，近日她又和網民分享自己新到的第三批行李，唔介紹唔知，個行李加埋值數十萬，嚇親唔少網民！

片中，莊思敏透露陸續有唔少自己的「珍品」由香港運到杭州，今次係第三批，除咗介紹咗一啲自己的日常用品，價格最昂貴的當然就係Hermès手袋和Rolex手錶，莊思敏介紹到Hermès的30吋Lindy和Herbag都係方便工作的時候使用，而小型的Hermès Evelyne就係出去同朋友一起玩先用，而Rolex就係莊思敏好鐘意的手錶，難怪去到杭州都要帶埋一齊去啦！

Jacquelin毫無女明星包袱。

莊思敏（Jacquelin）近年主攻內地發展，不時更新內地社交網站與網民分享生活點滴，但亦不忘香港觀眾，拍劇之餘亦會積極參與直播帶貨。早前Jacquelin再一次夥拍Mixx Collection直播帶貨女王ViVi Chan飛往日本大阪及京都，豪住七星級溫泉酒店，同時一連3天密密開Live分享生活百貨、零食及護膚品。

莊思敏孖帶貨女王ViVi做直播

飛往日本大阪及京都帶貨

一連3天密密開Live

不消30秒化妝棉已泛起灰黃

莊思敏全無女明星包袱

落力帶貨

分享生活點滴

介紹具120年歷史的皇室貴族御用毛巾品牌

合體帶貨

介紹多款產品

為了顯示產品功效，Jacquelin大方示範美容儀使用方法，即席導出千年積。結果不消30秒，化妝棉已泛起灰黃，力證去死皮角質威力，但她不忘笑稱:「大家唔洗猶豫，沖涼洗面我日日都有做㗎吓，但究竟我有幾污糟呢？頸哩啲位點洗都洗唔乾淨！」落力帶貨，全無女明星包袱。

分享身心靈秘訣

她與ViVi還特別介紹了具120年歷史的皇室貴族御用毛巾品牌及40年老字號的京都極品線香，包括：龍涎香、麝香及伽羅沉香，樣樣high class有品味，因而被現場工作人員戲稱兩位尊貴如「武則天」。ViVi亦分享身心靈秘訣：「好多人成日心煩意亂，可以透過頌經冥想來放鬆吓。」Jacquelin在旁亦附和，謂配合燃點線香如同告解作用，可以將「衰嘢」化解，教網民消取業障。