莊思敏捲室內吸煙風波 疑出PO公審拍片者引網民炮轟

45歲的「拿督千金」莊思敏（Jacquelin）向來敢作敢為，近日她被指疑似在室內吸煙，隨後她更在社交平台公開一名女子的正面照，疑似公開拍片者身份及進行網絡公審，引來網民不滿！

莊思敏

從網上流傳的影片可見，莊思敏當時身處北角一間餐廳內，鏡頭拍下她疑「吐霧」的動作，同時將手上的煙狀物傳給身旁男友人；另一短片則清晰可見她邊聽着台灣樂隊茄子蛋的歌曲《浪子回頭》，一邊搖擺身體兼跟着唱，心情靚爆，同時亦見到她兩旁的男、女友人正在吸飾疑似香煙。

網上圖片

由於香港已實施室內禁煙接近20年，發文者表示：「莊思敏and無品friends餐廳食雪茄，係咪當咗自己私竇呀，自私X。」隨後亦引來網民熱議，紛紛留言：「其實我唔歧視人食煙、食大麻食大空油都唔關我，但你班煙鏟可唔可以去室外第二度食呢」，又有人揶揄莊思敏：「又有人可能近排的士牌價大跌！所以壓力太大」，更有人則疑她手上身不像煙或雪茄：「雪茄會Pass？」

影片截圖

影片截圖

影片截圖

影片截圖

影片截圖

事件在網上持續發酵，莊思敏亦終於在社交平台現身，但並非為事件解畫，而是公開一名女子的照片，並留言：「我有個朋友仔想認識吓呢位靚女。可唔可以做個紅娘，有冇人識呀？」相中女子疑與她在同一餐廳，隨即引來網民狂轟莊思敏作為公眾人物，不但未有為個人行為解釋或道歉，反而公開挺身而出的拍片者想引來公審，又似作出威嚇，行為令人髮指！事後，莊思敏都有刪走貼文。

莊思敏被指疑似公開拍片者身份及進行網絡公審。

對於疑似在室內吸煙一事，莊思敏接受傳媒訪問時指，當時她手上的是雪茄仔，並不是煙或毒品，而且她沒有吸食，只是負責傳遞，「如果係我食嘅，佢點會冇我食煙同噴煙相？」又透露當時餐廳並不是公開營業，所以其他人都比較放鬆，下次會注意。至於疑公開拍攝者樣貌作公審，其後又刪文一事，她就指是誤會，因為有朋友忘記相中女子的名字，所以在社交平台尋人，而她忘記個私人社交網綁定了另一個社交網帳號，所以變成公開Post！

由莊思敏（Jacquelin）、黎莉和玄學家趙振鴻主持的新城廣播新一季節目《命運解惑師》，日前以城中熱話的一對孖仔為案例，討論為何同年同月同日同時出生的雙胞胎，人生軌跡與性格竟會出現巨大反差。

莊思敏（Jacquelin）主持新城全新一季《命運解惑師》。

Jacquelin在節目中分享：「我有對孖生妹妹，我唔覺得我哋屋企有任何偏心嘅情況，就算佢哋兩個係孖，但佢哋嘅性格好唔同，佢哋嘅事業同行業都唔同。」她認為，即使在相同八字下，後天的性格轉變也會影響個人的選擇與際遇，並反問師傅：「因為先天嘅嘢已經定咗，八字應該係一樣嘅，行運嘅時候都係一樣嘅，只不過性格改變咗佢哋嘅選擇？」

莊思敏夥玄學家趙振鴻解構城中熱話孖仔。

趙振鴻回應Jacquelin的提問時指出，即使是雙胞胎，命盤相同也不代表人生會完全一樣。他從玄學角度分析，父母的對待方式、家庭角色分工，甚至改名，都會產生影響。趙振鴻又指：「始終喺母親出世時間年月日時，八字命盤係一模一樣嘅，四柱一樣，大運一樣，只有龍鳳胎嘅大運先至會唔同。」但他強調，就算命盤相同，「爸爸媽媽對待大孖同細孖都會有分別」。

相同八字卻性格完全不同？

他以Jacquelin的家庭為例：「你係家姐，喺家庭成長，四兄弟姊妹一齊嘅話，你都會知道我要照顧細佬同妹妹。最尾嗰個細妹，上面有家姐有哥哥，會唔會特別多人就佢？」他認為這種家庭角色的差異，會直接塑造出不同的性格。

左起：黎莉、莊思敏、玄學家趙振鴻

此外，趙振鴻亦提及改名對運勢的影響。當黎莉問到改名會否影響運勢時，趙振鴻坦言會有分別，並以城中熱話的孖仔為例：「佢哋雖然係孖，但兩個名相差一個字，五行又唔同，所以會有影響，而且佢哋孖得嚟兩個樣都唔似，面相上反映到佢哋嘅性格、態度和待人接物都係好大分別。」

重溫節目，請於５月16日晚上十時登入知訊台《命運解惑師》：https://www.metroradio.com.hk/MetroInfo/