EDAN呂爵安用隊友為題棟篤笑捱批 姜濤稱接受某人道歉惹揣測

MIRROR成員呂爵安演唱會棟篤笑環節，被指利用隊友「搏出位」。Edan公開Haters DM截圖被指無品。隊友姜濤表示接受某君道歉，讓人無限揣測。

Edan日前公開Haters對話截圖，發長文回應：「藝人都係人，藝人都會有感受，但個世界好似禁止咗藝人表達感受。」當時隊友姜濤亦有在文中留言力撑Edan︰「善意的批評可以接受，但我們絕對沒有理由去接受惡意及不負責任的聲音。」

MIRROR成員呂爵安演唱會棟篤笑環節，被指利用隊友「搏出位」。

Edan公開Haters DM截圖

表示接受善意批評，但介意對方出言羞辱

不過，有不少「姜糖」就認為是Edan玩笑太過份在先，指他很久之前曾對着姜濤「舉中指」，而Edan亦有把這部分放在棟篤笑環節。此外，Edan在棟篤笑環節中亦有把姜濤與髮型師Lydia的緋聞當作題材，很多姜糖感不滿，有傳DM數落Edan的haters就是姜糖。

有不少「姜糖」就認為是Edan玩笑太過份在先，指他曾俸拿姜濤開玩笑。有傳DM數落Edan的haters就是姜糖。

姜濤31日發文表示：「謝謝大家最近對我的關心，我也接受了某些人的道歉。我們可以對很多事情一笑置之，但希望我們在做任何事之前都三思而後行。」姜濤並沒有直接說是誰向他道歉，引起了網民熱議。

姜濤表示接受某君道歉，讓人無限揣測。

姜濤坦言現在暫時是以事業為先，但如果遇到一個合適的人，他不會完全放棄愛情。

久未推出情歌的姜濤於11月27日推出新歌《岩巉》，更借用Wyman的歌詞，分享自己誠心等待真命天子來臨的愛情態度，但姜濤卻不排除，如遇到合適對象，也會像MV裡平行時空的姜濤，勇敢去愛。

姜濤推出新情歌《岩巉》。

觀看相關影片按連結：https://youtu.be/eUjogRMPTQU?si=YDNFgd39agOS03cc

《岩巉》由林家謙作曲，但原來已是差不多兩年前的作品，姜濤分享歌曲誕生的經過，說：「大概年幾兩年前聽到林家謙老師呢個曲，一聽就被intro琴聲吸引咗，即刻好想搵Wyman老師填呢隻歌，由佢嘅角度觀察我去寫呢隻歌，所以好Surprise佢用『岩巉』呢個廣東話獨有嘅詞彙，亦好好奇點解佢會咁樣寫我。我有問過Wyman老師，佢覺得我對愛情係一個好有耐性嘅人，唔會急於輕易搵另一半，用『岩巉』唔係因為我哋好奄尖，而係我哋真係好誠心去等待完全適合我哋嘅另一半。」

姜濤分享歌曲誕生的經過，指大概年幾兩年前聽到林家謙這首曲就被吸引，即刻好想找Wyman填詞。

姜濤指Wyman覺得他對愛情是一個好有耐性的人。

今次《岩巉》的MV，其實是《愛情簽證申請》的延續，姜濤再次做回自己，飾演備受注目的藝人，但MV中的姜濤，面對喜歡的人，卻毫不保留地保護對方，愛對方，而MV的故事，姜濤也有給予自己的想法，他說：「MV係同導演一齊構思，做返喺平行時空裡面嘅姜濤，如果佢真係拍拖會點做呢？當我遇到一個真係好啱嘅人，我會奮不顧身去保護佢，同埋會向大家宣布我好鍾意呢個人。咁啱《愛情簽證申請》MV最尾寫住To Be Continued，仲有個續集未拍，好想自己作品有個完整性，不如今次完成埋佢，當係另一種平衡時空嘅延續。兩個MV入面有好多小細節係可以對得上，希望大家可以發掘到呢啲彩蛋。」

《岩巉》的MV是《愛情簽證申請》的延續。

姜濤在MV中再次做回自己。

既上次《愛情簽證申請》MV，今次再次找來林思廷（Tammy）擔任女主角，姜濤跟對方因為《超感應學園》而成為好友，有對方的加入，也減輕了劇組的工作，姜濤道：「我哋呢個Project都好趕，要喺好短嘅時間Confirm好多嘢，但Confirm咗係Tammy之後，就慳返好多功夫，實在好多謝佢嘅幫忙。我每次去台灣都會同《超感應學園》呢班Friend見面，一直都有保持聯絡，所以同Tammy冇話生疏咗，所以拍攝過程都好順利，又好開心。」

再次找來《愛情簽證申請》MV的女主角林思廷擔任女主角。

二人因為《超感應學園》而成為好友。

姜濤每次去台灣都會同《超感應學園》的拍檔見面，也有保持聯絡，所以同林思廷無生疏，拍攝過程亦好順利。

不論是《岩巉》的歌詞，還是MV，談的都是誠心等待，勇敢去愛的態度，那麼姜濤又是這種人嗎？姜濤親自給大家一個答案，「我而家冇話想拍拖住，唔夠膽諗太多嘢，因為自己本身已經有太多事情要處理，所以如果再加多一份愛情喺度，未必處理得到。如果遇到一個啱嘅人，我又唔會完全放棄愛情呢件事，但暫時係事業為先。」

姜濤坦言如果遇到一個合適的人，他不會完全放棄愛情，但暫時是以事業為先。