柴灣「爆肌大媽」死跟街坊問攞錢「一陣已收幾嚿水」 似春麗成焦點

柴灣街頭出現操英文壯碩中年大媽周圍問途人攞錢，女街坊拿手機拍片質問，卻被大罵。網民指似「春麗」。

有女街坊於柴灣街頭，目睹一名中年大媽周圍問途人攞錢。（FB圖片）

該女街坊於Facebook發文，表示日前於柴灣街頭，目睹一名操英文的中年大媽死纏爛打地向途人討錢「周圍問人拎錢，好多個畀咗佢，問佢即刻畀佢鬧，操英語」，短時間內大媽已經有不少斬獲「不停死跟啲人，入埋麵包店，啲人可能怕咗佢又女人，所以畀佢，一陣已經收咗幾舊水」。樓主因看不過眼對方呃錢，於是拿出手機拍片，更質問對方，豈料大媽老羞成怒不斷指罵樓主。樓主以「騙子惡到一個點」為題上載大媽發惡鬧人的短片。

「不停死跟啲人，入埋麵包店」。（FB圖片）

「啲人可能怕咗佢又女人，所以畀佢，一陣已經收咗幾舊水」。（FB圖片）

有網民不忿指「就係大家都抱著怕事嘅心態，所以先至縱容呢啲人，最終個社會咪變到而家咁樣周街都係騙子囉，無論網上或現實，小X佢再報警」，並指「如果唔係騙子，一個正常人點可能周街問人攞錢，仲要咁惡，就係因為呢啲錢太好呃，食過返尋味，所以先至會越嚟越猖狂」。樓主表示讚同「係！所以我影佢，佢狂鬧我，如果真係有問題而需要錢可以接受，但佢問完一個又一個好明顯唔係嗰回事！」

樓主看不過眼拿出手機拍片質問，卻被大媽大罵。（FB圖片）

大媽的造型亦成為焦點，從樓主上載的照片可以，大媽梳了一個丸子頭，身穿白色背心，一雙暴肌麒麟臂表露無遺，被網民形容激似《街頭霸王》中「春麗」一角「我以為春麗」、「老年春麗」；不少人亦讚嘆指「好大隻」、「好粗壯」、「大隻過男人」。有人則笑言「手瓜起𦟌，食嘢唔使錢」、「唔畀打死你」、「畀錢果啲係唔係因為佢手瓜」。

網民形容大媽激似《街頭霸王》中「春麗」一角。（FB圖片）

也有網民認出大媽是慣犯，曾在小西灣及太古出沒「佢轉移到藍灣半島添喎」、「佢之前係太古Aeon問過我拎錢」。有人亦指責「多得大家縱容呢d人」、「有呢啲人都係因為大家鼎力支持咋 」，並呼籲大家不要「唔好緃容呢啲人」。

大媽亦曾在小西灣及太古出沒，有網民呼籲大家不要「唔好緃容呢啲人」。（FB圖片）

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。