焦浩軒傳被力捧拍劇離開《流行都市》 自爆好拍檔黃美棋是童年偶像

《愛回家》焦浩軒與準人妻黃美棋，同場現身街市中秋宣傳活動。

焦仔指平時自己都愛在收工後行街市，最常買大堆的肥牛及火鍋料回家，打邊爐最開心，但笑言真的買餸煮飯就無經驗。他坦言：「唔識煮嘢食，但識洗碗！」

《愛回家》焦浩軒現身街市中秋宣傳活動。(本網記者攝)

美棋跟焦仔老友鬼鬼。(本網記者攝)

今日同美棋同場出活動，焦仔特別開心！他怕羞又有點小尷尬地說：「美棋係我由細睇到大嘅偶像！我真係好中意美棋，雖然依家佢有好歸屬，但如果要我在行內揀一個(女伴)，我覺得性格.....FOR我嘅擇偶條件，美棋真係好好！」咁《愛回家》螢幕女友關嘉敏Carman如何？焦仔搞怪說：「美棋好啲。佢識煮嘢食」焦仔仲大爆跟美棋在《流行都市》合作時，美棋更常會帶美食跟大家分享。美棋出嫁，焦仔應承當日會請假早到做嘉賓。

焦仔大讚美棋性格好，其實係佢理想型，但對方已封盤了。(本網記者攝)

談到焦仔新動向，焦仔由2017年開始主持資訊節目《都市閒情》，2018年節目轉型並更名為《流行都市》，焦仔都一直擔任主持，直到最近要離開這個節目向外闖。他記得自己在節目最後一日收工時，「大王」還跟他擁抱說捨不得。焦仔指好少見「大王」真情流露，不是搞笑做氣氛的樣子，是直到「大王」在他耳邊輕聲祀。他告訴「大王」安德尊不要太想念他，他已大個仔，感謝對方一直以來提點，又祝他身體健康、生日快樂！他又開玩笑指「大王」與拍檔主持宋芝齡是「好夾嘅螢幕情侶」，祝他們一直咁「SWEET」！

焦仔離開拍檔6年的資訊節目團隊，大感不捨。(本網記者攝)

(是自己要求離開，還是公司安排去拍劇？) 焦仔指：「兩樣都有。大個仔啦，都要跳出舒適圈的，呢6年學左好多嘢，點樣做主持、點樣食好嘢......我覺得已經吸收夠了，就跳出去在戲劇或其他綜藝方面再進步。」(有傳TVB力捧您拍劇啵？)焦仔指：「我覺得有劇拍一定開心嘅，因為我好中意做戲。TVB畀機會我，咩機會都好都會好好珍惜。我唔知將來我動向會點樣，但觀眾可以期待！」

焦仔想跳出舒適圈多作嘗試。(本網記者攝)

除《愛回家》外，有其他劇集會參與嗎？焦仔就大賣關子。(有無女演員想合作？)焦仔趁機向美棋表白：「美棋都好啵！佢不嬲做開主持，但佢演技都OK，某程度上都係因為咁而入來TVB。唔知佢結婚後，演技上有咩變化？真係好想試下同佢演情侶都好啵！畀我感受下，因為依家無可能架嘛，我追佢唔到！」

其實焦仔好恨同美棋演情侶。(本網記者攝)

美棋BB勁晒洶湧上圍！

黃美棋今日（4月6日）與鍾健威（Ray）在西貢五星級酒店WH HOTEL舉行婚禮，並於下午約4時現身見傳媒。黃美棋身穿白色拖尾Deep V露背婚紗大晒好身材，與身穿白色西裝的鍾健威相當合襯，一對新人更應要求三度咀嘴讓在場人士拍照。

黃美棋於結婚大喜日子，與老公鍾健威見傳媒。

美棋BB谷胸婚紗勁煞食！

三度咀咀放閃。

鍾健威透露婚禮花費七位數字，更會兼任司儀。

鍾健威表示早上接新娘時，被一班姊妹安排做瑜伽和行石春路，玩到一身汗又聲沙沙，但覺得好開心。黃美棋受訪時兩度感動落淚，透露接新娘時已喊了足足5次：「我一直都叫自己冷靜，不要太緊張，見他認真玩遊戲，講愛的宣言時給他考驗，要他彈結他唱出來，很感謝他為我做很多事。」黃美棋又透露老公想追龍仔：「奶奶在斟茶時送我金手鈪，說轉幾圈就會生幾個，她都是轉了兩圈就說夠。」

美棋BB手上的求婚戒指雖然只有一卡，但她笑指自己手指小，太大粒就不靚。

星級兄弟姊妹團的「大小姐」林淑敏、林奕匡老婆李靄璣、盧頌恩、黃芳雯及虞逸峯等，亦一字排開合照。