黃美棋36歲生日遭老公「拐帶」 快閃成都化身「奸妃」歎宮廷宴

藝人黃美棋於今日（8月25日）踏入36歲生日，老公鍾健威（Ray）為她準備了一個大驚喜，「拐帶」老婆快閃四川成都，到當地品嚐宮廷宴，更大玩Cosplay，化身「奸妃」！

影片截圖

影片截圖

黃美棋在IG分享影片，並留言：「嘩！真係超大癲，一早俾佢叫醒咗，叫我半個鐘後出門！咩都唔駛帶，拎電話就得啦～原來佢知我好想去食宮廷宴...所以秘密地買哂機票帶我直闖成都！其實深圳都開咗間但佢話一係唔食，食就去食天花板級嘅！咁我連個腦都唔帶喇，Birthday trip係咁架啦，出發。」影片中可見，兩公婆去到當地一家集美食、文化、表演於一體的沉浸式漢文化主題餐秀體驗空間「蜀宴賦」，齊齊換上古裝，邊睇演出邊品嚐宮廷宴，之後再去Live House小酎一杯，鍾健威還上台大展歌喺，最後去了按摩作為這一趟生日之後的句號。

影片截圖

影片截圖

影片截圖

影片截圖

影片截圖

影片截圖

影片截圖

影片截圖

影片截圖

影片截圖

影片截圖

黃美棋又晒出自己古裝「奸妃」造型的靚相，並留言：「今日係本宮生日，俾老公拐帶嘅36小時真係好刺激…穿梭去蜀國做一晚奸妃食咗個晚宴。『36』真係一個好特別嘅數字…，因為今年我18對生日，再次自立門户，繼續闖蕩娛樂圈，今年嘅生日，其實帶着一個幾特別嘅心情～喺自由之中帶咗一點忐忑…忐忑之中帶着一絲期待！36歲喺數字上的確係屬於中女嘅歲數…我唔會介意你用『中女』嚟形容我..因為姐有嘅係底氣、經驗、真誠同感恩之心，最重要係仲有一顆充滿好奇永遠長唔大嘅心，願我呢位姐姐可以為你哋帶嚟更多更精彩嘅娛樂。」

黃美棋IG圖片

黃美棋IG圖片

黃美棋感謝一直在身邊陪着她我成長的所有朋友、所有幫過她的人、一直支持她的粉絲，以及她氣宇軒昂的老公鍾健威，「Love you 老公！最後想同我自己講一句：美棋，記得要盡情發光發亮，搵屬於你自己嘅路！同埋記得要有接受新事物嘅勇氣，勇敢去闖吧！」

黃美棋IG圖片

黃美棋IG圖片

黃美棋IG圖片

藝人黃美棋（美棋BB）與丈夫鍾健威（Ray）接受李有毅（Ben）及其兒子李國煒（Benson）主持的新城知訊台《Ben同Benson「Chur」到行》錄音訪問。二人除了細訴入行以來的演藝經歷，更大談相識經過及相處之道，場面溫馨。

人稱「美棋BB」的黃美棋由童星入行，她約9歲時參演周星馳電影《行運一條龍》中的「小芬女」而為人熟悉。對於外界指周星馳性格獨特，美棋則有另一番見解：「其實喺我印象中，佢（周星馳）係好Nice嘅，因為我哋有合照，他都係抱住我。」她又提到拍攝TVB古裝劇《帝女花》時，飾演「長平公主」的童年，由於要演繹不少喊戲，問到小朋友拍哭戲是否困難？美棋笑言：「小朋友比較容易，叫你喊就喊，我覺得小朋友演戲係比較容易。」

黃美棋與老公鍾健威接受《Ben同Benson「Chur」到行》錄音訪問。

完成學業後，美棋曾短暫從事Marketing工作，後來因HKTV準備開台，她發現自己無法安坐辦公室，最終在未有告知媽媽的情況下簽約：「我唔知點同媽媽講，因為佢對我嗰份穩定工作好滿意。我唯有問佢『媽，你有冇留意嗰個台準備開』，然後同佢講我簽咗約。」她笑言當時媽媽的反應是「你講真的？」事後媽媽每晚都等她下班，十分擔心，令她一度感到愧疚。

談及遠赴美國留學的經歷，美棋表示曾入住寄宿家庭，該家庭住了十幾個來自不同國家的學生，還有不少寵物，甚至有蛇。她分享道：「好有趣，佢（寄宿家庭）會問『我餵蛇食老鼠，你過來睇嗎？』我有睇過一次，睇完一次就唔再睇。」一旁的Ray亦分享自己在英國留學時曾養蜘蛛，以草蚊餵食的趣事。

黃美棋與鍾健大談相識經過及相處之道。

談到兩人的相識，原來源於一次旅遊節目拍攝。當時仍是HKTV藝人的美棋，與在有線電視工作的Ray遠赴美國拉斯維加斯拍節目，Ray笑言：「我哋去咗拉斯維加斯，嗰個節目又要我同他結婚，因為當哋好流行有啲人飲醉咗就去簽紙結婚，我哋都試咗佢哋幾次唔同結婚嘅方式。」美棋補充道：「結咗三次婚，喺同一個地方、同一個人。」Ray續說：「連埋真嗰次結婚係四次。」

Ray憶述當時大家並無特別感覺，反而是整個團隊熟絡後，溝通才慢慢增加。美棋則透露，真正讓她心動的，是看到Ray在舞台上的演出：「佢返嚟後有啲演出，請咗我去睇。我發現佢唱歌或表演嘅時候，同做節目嘅時候係兩個唔同嘅人，嗰刻就更加欣賞呢個男仔。」

Ray在節目中分享自己的事業路，由參加歌唱比賽冠軍入行，到在有線電視擔任娛樂新聞主播，再到合約完結後決心外闖，與朋友組樂隊。然而，遇上社運及疫情，所有工作停擺，收入大跌。他慶幸當時獲朋友介紹轉型，開始接拍宣傳片，擔任幕前、配音、導演甚至寫稿，逐步建立自己的製作公司，他形容這才是他真正的「發力點」。

談到夫妻相處，Ray坦言最感動是美棋無論何時都全力支持他，甚至會在他受委屈時站出來為他護航。美棋則分享一次生日驚喜，指Ray記得她曾隨口說過想擁有一個「海豚送戒指」環節，最終他竟以自己的方法實現了這份浪漫：「佢記得我曾經睇過嘅節目，我只係講咗句『嘩，我要這個』，佢真係喺現實生活中記得，又會喺能力範圍內做到嘅事，佢一定做畀我。」

詳細節目內容，請留意2月21日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/