港女抱怨男友奉行「AA制」，事事斤斤計更經常催還錢，形容「好肉酸，好計較」，網民意見兩極。
有港女於討論區發文，抱怨男友奉行AA制，經常催促她還錢。（香港討論區截圖）
該港女於香港討論區以「大家點睇男朋友催還錢」為題發文，表示與男友剛去完旅行，所有機票及酒店的費用都是男友支付，雖然她從未表示不願意分攤費用，但男友的表現卻令她非常費解「佢旅行前已經send咗個email出嚟，寫晒所有機票酒店幾錢，要我還幾多錢，當時我已經覺得計較到甘好肉酸，我又冇講過唔還，唔明點解要咁樣做。」
樓主指「佢旅行前已經send咗個email出嚟，寫晒所有機票酒店幾錢，要我還幾多錢」。（Getty圖片）
當旅行完未夠一星期，男友又開始催促樓主償還機票及酒店的一半的費用「佢又催我還錢（AA)，旅行期間洗費都係公數AA，我只係欠佢機票酒店」。不過樓主指男友收入比自己高一倍「佢月入70k，我35k」，雙方又是親密的情侶，認為沒有必要做到如此斤斤計較「我覺得成件事好肉酸，好計較」，樓主亦強調「重點係我冇講過唔還」。
樓主亦曾告訴男友，不喜歡他這樣催促自己還錢，但對方仍然不斷催促她儘快還款。於是她發帖請教網民「當男朋友催你還錢，你地會不會唔開心？」
當旅行完未夠一星期「佢又催我還錢（AA)，旅行期間洗費都係公數AA，我只係欠佢機票酒店」。(Getty圖片)
此帖一出即引起網民熱議，有人批評男友「小家小氣」過份計較「還比佢啦，之後分手，旅行固然比返自己洗左個份正常，第日係咪生仔都要計到甘足aa列埋個表出嚟？」、「其實此渣男已要不得！尤其明顯人工多過你咁多！去旅行去得咁委屈！何必陪渣男去？」、「如果佢冇錢成咁就唔好學人去旅行，我未試過要自己比，你男友將來唔洗指意佢養，唔好要佢，比返錢佢分手」、「咁嘅男朋友仲好要？即飛啦！坦白咁講，如果我同我女朋友去旅行就一分錢都吳使佢出。」
樓主亦曾告訴男友，不喜歡他這樣催促自己還錢，但對方仍然不斷催促她儘快還款。於是她發帖請教網民「當男朋友催你還錢，你地會不會唔開心？」(Getty圖片）
亦有網民認為樓主強調「冇講過唔還」，但卻遲遲不還，令人反感「你冇講過唔還，但事實係你都未還，自己唔主動還仲好話人追你肉酸計較」、「旅行前已問你拎，但你唔係唔想比，去完旅行一星期再催，你都仲未俾，但你又講到自己唔係唔想比，咁你即係俾唔俾？」、「既然唔鍾意人催，即刻還人哋咪唔會催，咁你又拖乜？」、「咁一早知AA，又唔怪得人問你攞」、「一早講好AA催你還錢好正常，唔關你哋月入幾多事」。
帖文來源：香港討論區
