江𤒹生新歌《Blue Monkey》仿效美式MV有齊靚景女伴 陳卓賢再操刀為好兄弟譜曲

繼三年前的《蝸牛》後，江𤒹生（AK）找來MIRROR隊友兼好兄弟陳卓賢（Ian）再次為他譜寫新作《Blue Monkey》，當中超高音部份擺明要挑戰AK唱功！而MV今次特地在美國拍攝，更仿效美式MV氛圍，既有靚景，又有美女，AK更要大騷八嚿腹肌，十分吸睛！

相隔三年再由Ian操刀寫歌，AK表示邀歌冇難度，不過Ian卻用激將法要他飆高音！AK說：「Ian好爽快就答應幫我寫歌，冇游說好耐，佢的而且確用咗激將法要我挑戰高音，因為佢咁啱喺最尾寫咗句好高音嘅嘢，我問佢係咪認真㗎？佢就話：『你咪試下唱囉！』」AK又解釋今次歌名〈Blue Monkey〉的名字由來，說：「我平時會睇一啲New Age嘢，其中有提及Blue Monkey，代表一個人要玩得開心啲，呢個係喺世界裡面嘅其中一個任務，有啲人會成日唔記得點樣去玩，我之前做嘢都係咁，太認真，唔識玩住去做，結果個人冇咁開心，亦做得冇咁好，最後慢慢發現，有啲嘢可以放鬆啲，輕鬆啲玩住去做，效果會更加好，同Oscar溝通之後，就有呢個歌詞內容嘅決定。」

江𤒹生（AK）推出新歌《Blue Monkey》。

AK在MV中有型地開著古董車在美國大街上遊走。

事隔三年再獲兄弟Ian作曲。

Ian以激將法鼓勵AK挑戰唱功！

MV今次特地在美國拍攝，更仿效美式MV氛圍，有齊靚景女伴。

AK更要大騷八嚿腹肌！

《Blue Monkey》推出之前，AK因為要到紐約參與電影節，所以就有了在當地拍MV的念頭，AK另外補充了今次MV Idea的源頭，道：「平時睇開外國MV都不外乎係Party、女伴，難得去到美國，當然好想拍到咁樣嘅MV，因為外國啲屋好大景又靚，想做嘅效果就似返外國氣氛多啲。」在靚人靚景下，AK拍攝過程也份外輕鬆愉快，更毫不吝嗇大騷八嚿腹肌，他更說：「今次真係有好多靚景，睇極都咁開心，外國地方大，就係因為地方大，唔知點樣選擇。」除了出現選擇困難外，現場拍攝也遇上一些難度，除了因為要遵守當地拍攝規限外，想不到揸車亦成了愛車之人AK的一大難題，他說：「因為我哋租咗架1964年Mustang古董車，揸係要好有技巧，如果唔係好易死火。」不過見AK在MV中有型地開著古董車在美國大街上遊走，相信再多的難題，他仍樂在其中。

相關影片可以按以下畫面觀看：

影片連結：https://youtu.be/bJnlrH5sSvA?si=Fuu1baImd2_bzLI6

AK因為要到紐約參與電影節，所以就有了在當地拍MV的念頭。

親自解釋新歌名字的由來。

AK表示自己過往唔識玩住去做，因此個人也冇咁開心。

繼2021年推出《特務肥姜 2.0》後，睽違4年，Fatboy@ERROR與姜濤@MIRROR終於再度合體，推出第二首師徒合唱歌《獅虎流》，集結「獅」與「虎」這兩頭「樂壇猛獸」，自成一個流派，強強聯手震撼樂壇！Fatboy說：「我跟姜濤相隔數年終於再度合體，今次秉承『特務』系列的特色打造《獅虎流》，曲風蠻有趣！」姜濤續說：「而且是我們師傅最擅長的唱跳，但風格跟上首合唱歌不一樣，希望大家多加留意！」

「特務肥姜」相隔4年再度合體強強聯手合作新歌《獅虎流》。

Fatboy分享今次邀請姜濤合作的原因：「一來我們喜歡玩在一塊；二來是觀眾或各自的Fans覺得我們的互動充滿化學作用，所以自從推出《特務肥姜 2.0》後，便經常有人問我何時再跟姜濤合作新歌。老實說，莫說要推出合唱歌，我們連一起表演的機會也不多，大家也知道要邀請我們一起表演的話，索價不菲，完全明白大家的預算所限，哈哈！」

除了數口精外，Fatboy對音樂同樣有堅持，新歌《獅虎流》找來Y.Siu作曲、T-Rexx填詞、Edward Chan任監製，每一粒音符均是「由零開始」創作，慢慢建構成符合自己心水的曲風！Fatboy說：「這首歌不是從現有的Demo中挑選，而是我花盡心思找出很多作品給幕後團隊參考，甚至哼給他們聽，從而去打造我想要的曲風，最後才衍生出《獅虎流》這首曲。歌詞中則帶有搞笑及口語化部份；舞蹈亦發揮了一些無厘頭創意，例如加插了恍如肩周炎一樣的舞步，相當有趣！」

姜濤Chok玩忍者刀！

「姜徒」望新跳唱風格獲注目。

作為《獅虎流》的「生父」，Fatboy當然要解釋一下歌名含意：「師傅當然是形容我跟姜濤的關係，但今次是獅子的獅，以及老虎的虎，寓意我們兩師徒就像娛樂圈的兩頭猛獸，哈哈！我有想過歌曲直接叫《獅•虎》，好像頗有型，但又想承襲《特務肥姜》的風格，於是選擇了忍者風格，而忍者一定隸屬於某個流派，所以索性取名《獅虎流》！」

既然以忍者做主題，MV中當然不乏大耍忍者刀的場口，以「ERROR流忍者」造型上陣的師傅Fatboy，與身穿型爆皮褸的「姜徒」，由專人指導下學習刀法，有板有眼；期間「百厭姜」更瘋狂上線，笑不攏嘴地把玩忍者刀，十足十大細路！跳舞時，兩師徒時而Chok到盡頭，時而古靈精怪，舞步與表情完全「神同步」，默契十足！Fatboy說：「之前拍電影也學過用刀，略懂皮毛，但今次MV邀得專家來指導我們如何用刀，希望精益求精，當作聖誕禮物送給大家！」

Fatboy MV化身「ERROR流忍者」。

想於Boxing Day拆開「特務肥姜」送給「小草」及「姜糖」的聖誕禮物，大家記得要上各大音樂平台收聽Fatboy與姜濤合唱的新歌《獅虎流》，同時要Loop爆MV感受「新•ERROR流忍者」又型又Fun的懾人魅力！

「特務肥姜」相隔4年再度合體強強聯手合作新歌《獅虎流》。