「繼續寵愛」張國榮紀念展圓滿結束吸引逾37萬名訪客

香港文化博物館為期6個月的「繼續寵愛・張國榮紀念展」，9日圓滿結束，共接待逾37萬名訪客。

館方表示，自開展以來，吸引包括來自澳門、廣州、成都，以及日本、韓國、東南亞等地的觀眾，展覽期間，亦舉辦多個教育推廣活動，包括免費電影放映、音樂表演及講座。

展覽由康文署主辦，香港文化博物館籌劃，「哥」迷會為支持單位，由張國榮三位生前摯友，包括陳淑芬、張叔平及夏永康擔任客席策展人，獲唐鶴德借出有關張國榮的私人珍藏。觀眾可欣賞到61組珍貴展品，包括張國榮的經典舞台服飾、照片、唱片、影視作品及歌影視獎項等，回顧這位一代巨星的風采及其對流行文化影響。

無綫清談+音樂節目《馬百良秋梨潤喉蜜呈獻：今晚有歌廳》，由周國豐、支嚳儀（支支）、黃劍文、顏米羔主持，今晚（9月28日）播出一集的嘉賓，是《超級巨聲》劉威煌及《中年好聲音2》冠軍古淖文；今集主題是「張國榮特輯」，演唱歌單為：《為妳鍾情》黃劍文、《玻璃之情》劉威煌、《追》古淖文、《春夏秋冬》劉威煌、《風繼續吹》劉威煌、古淖文、黃劍文、顏米羔、支嚳儀；古淖文更演唱張國榮在TVB首部劇集的同名主題曲《儂本多情》。

已故22年的「一代巨星」哥哥張國榮，今集節目特別回顧哥哥在1984年《星光熠熠勁爭輝》中，一人分飾兩角，上演雌雄同體的「鴛鴦舞王」演出，前衛大膽，成為經典之中的經典，可見哥哥對舞台和每一個細節的無限用心。說到哥哥對自己舞台的用心，周國豐憶述哥哥編排演唱會歌單的小心思，分享自己與哥哥傾偈時曾透露：「佢每一次度演唱會rundown未必會選擇好冷門嘅歌去唱，佢話佢計rundown嘅時候通常每20分鐘製造一個小高潮。」

黃劍文亦談到喜歡哥哥張國榮的原因：「我喜歡哥哥係因為佢《金枝玉葉》裏面嘅歌，我好鍾意有一幕就係《今生今世》兩公婆鬧交唱呢首歌自彈自唱同佢講道理。」顏米羔：「我自己就係鍾意佢嗰個低音，去draw到我去聽佢嘅歌，聽其他人唱都唱唔到佢呢個味道。」周國豐形容哥哥的聲音：「感性又性感。」顏米羔更分享曾有幸與哥哥見面，事緣顏米羔就讀香港演藝學院電影電視系時探班《異度空間》，顏米羔：「佢拍緊《異度空間》喺泳池嗰場，見過一次，雖然喺洗手間度。」顏米羔感嘆：「打招呼好溫柔。」

周國豐聞言後即分享了自己與哥哥張國榮的難忘合作，特別提到哥哥在2000年自編自導《煙飛煙滅》時，展現出「三大勁位」—首先是「執行力勁」，周國豐分享到：「佢有好多idea喺個腦裏面，於是出現一個情況，凌晨點幾會打俾你諗到咩idea，之後朝頭早六點又打俾你，但係你唔可以唔聽佢電話囉。」周國豐感嘆：「諗完之後最勁係會立即執行。」第二是「準備功夫勁」，周國豐：「佢每一場戲之前，會自己一個人去到嗰個場景度睇晒個場先，就調返轉頭話返俾工作人員聽嗰一場係點。」第三則是「人脈勁」，周國豐分享嗰一部反吸煙電影入面有好多好勁的演員陣容，譬如葉德嫻、梅艷芳、莫文蔚、梁詠琪等等。周國豐：「佢個一咋casting開會之後，我哋要唔使錢喎，公益片嚟㗎嘛，車馬費都冇㗎，哥哥聽完呢句之後，打咗大概六七個電話就confirm咗呢一咋casting。」