唱片公司齊撐《香港唱片店日2025》 張國榮謝霆鋒林憶蓮專屬產品列陣

香港唱片商會將於2025年4月12日 (星期六) 舉辦《香港唱片店日2025》(Record Store Day Hong Kong 2025)，今屆繼續推出令人驚喜，包羅萬有，特別限量實體唱片產品，於有份參與這次活動的唱片店在《唱片店日》當天發售，讓樂迷們同步感受和傳播全球數千家唱片店的個別聽歌文化，當天也會有歌手計劃到唱片店給樂迷驚喜，希望樂迷能重拾逛實體唱片店的動力，發掘和體驗在唱片店購物所帶來的樂趣。

張國榮《88演唱會》限量足本3LP

張國榮《春光乍洩》原聲大碟

除較早前已公布TVB Music Group和All About Music的十多款7吋黑膠唱片，以及風行唱片推出歐信希新歌「家傳之寶」的7吋薰衣草紫膠外，香港唱片商會透露因今次《香港唱片店日2025》而生產的專屬限量產品，包括英皇娛樂推出限量獨立編號1000張謝霆鋒國語專輯《釋放》爆花彩膠唱片；Sony Music 推出鄭伊健《伊健•十三》金黒條紋彩膠唱片、彭羚《給我唱過的男孩們》半透明黒加倫子紫彩膠唱片、蔡楓華《白金珍藏版》半透明天藍彩膠唱片，林憶蓮《灰色》粉紅色彩膠唱片，以上四款唱片均以 DMM (Direct Metal Mastering) 刻版歐洲壓製，每款限量500張附獨立編號；環球唱片推出張國榮《88演唱會》限量足本3張黑膠套裝，以及《春光乍洩》原聲大碟動態圖像黑膠唱片，音樂播放時膠面出現動畫般的神奇效果；CHESKY RECORDS的The World’s Greatest AUDIOPHILE VOCAL RECORDINGS綠色唱片；WAN’s Production新一代二胡演奏家朱芸編《破。地獄》電影原聲配樂盒帶；風行唱片推出奚秀蘭《我的祖國》單曲7吋紅色彩膠唱片、譚炳文和李香琴 《舊歡如夢》及《你回來吧》7吋橙色彩膠唱片，兩款 UHQCD (平民版玻璃CD) 包括《擇仙花(秋葉)》及《Groove Note 最靚聲精選集》；上揚愛樂古典CD。


林憶蓮《灰色》的粉紅色彩膠唱片

謝霆鋒《 釋放(國語)》爆花彩膠唱片

彭羚《給我唱過的男孩們》 半透明黒加倫子紫彩膠唱片

如果說唱片公司於《香港唱片店日2025》所推出的限量產品是《主菜》，那麼香港唱片商會同步出版獨一無二的限量紀念唱片絕對可以作為今年唱片店日的《甜品》，這款甜品般的紀念唱片為非賣品，樂迷於參與唱片店內購買任何產品滿300元即可換領，今年更分別推出黑膠和CD版本，收錄曲目包括熱賣的《破。地獄》電影原聲大碟內歌曲《客途秋恨》、《神挑合侶 / 歐信希》、《完全因你 / 林智樂》、《友誼萬歲 / 李麗蕊》和《痴情淚 / 鄭少秋•汪明荃》等共十一首歌曲。這張《香港唱片店日2025紀念唱片》，見證了唱片公司對這次活動的大力支持，只要你喜歡音樂，4月12日當天逛唱片店絕對能令你喜出望外，滿載而歸，絕對不容錯過。

吳業坤《遠花火》7吋黑膠唱片

《香港唱片店日2025》

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。