Hillary劉沛蘅公開性感泳照兼放閃 背光相爆洪卓立疑似求婚成功？

劉沛蘅（Hillary）與洪卓立愛得高調，Hillary近日在社交平台po出求婚照，網民以為二人有喜訊？

現年32歲的劉沛蘅（Hillary）憑住主持ViuTV綜藝節目《膠戰》而走紅，近日她在社交平台大派福利，分享在泰國布吉的性感泳照。Hillary今次是到當地參與見證好友求婚的浪漫場面，她亦有公開男方下跪求婚一刻，不過卻惹來美麗誤會，有人以為Hillary與男友洪卓立宣布喜訊。

沛蘅（Hillary）傻大姐形象深入民心。

近日Hillary去布吉旅行，抓緊夏天的尾巴大解放，穿上三點式露出玲瓏剔透身材。

超級火辣！

索到爆！

Hillary大晒美好身材。

Hillary見證好友求婚的浪漫場面，她亦有公開男方下跪求婚一刻。

Hillary留言謂：「今個夏天唯一一個下水禮，其實已經係幾個月前嘅事.. (Latergram得好緊要 haha)
除咗一班朋友去放鬆下，仲有一個重要嘅秘密任務!!! (唔係我嚟 係我朋友求婚成功~~) 諗返起都覺得好開心，又想去旅行了」，有網民回應「下次到你」。

不過卻惹來美麗誤會，有人以為Hillary與男友洪卓立宣布喜訊，首先第一個衝出來的是陳毅燊（ANSONBEAN）講congratulation，大擺烏龍。

Hillary與洪卓立（Ken）打得火熱愛得甜蜜。

洪卓立（Ken）將於今個月30日在旺角麥花臣場館舉行「洪卓立《探索者》巡迴音樂會 香港站」，正式開騷前，今日（11月4日）就率先推出全新廣東作品《愛是克制》。

洪卓立推出全新廣東作品《愛是克制》。

今次Ken轉行做「愛情哲學家」，同團隊跟大家探討一個很「到肉」的話題：「愛你就要放你走」的道理。歌曲說出，有時愛到盡頭，並非瘋狂佔有，而是學會克制，寧願自己提早退場，換個方式遠處守護對方。直白點說，就是「愛你愛到放生你」的終極昇華版。年少輕狂可能會為愛痴狂，但現在Ken跟大家說，遲疑跟克制，其實都是愛的一種表現。歌曲找來唐善行作曲，王澄晞填詞，編曲跟監製則有合作無間的黃兆銘及舒文。Ken指：「成首歌嘅旋律同編曲做到晒愛情裏面嗰種拉扯同掙扎，唱嘅時候都有嗱住嗱住嘅感覺。」

MV圖片

MV圖片

MV方面，Ken表示跟導演討論過，用了一個比較特別的手法，他飾演一名有弱聽的男生。劇情一開始見他經常拒絕女生，又不給電話，十足十「渣男」上身。其實他是因為自己弱聽，害怕連累別人，才扮cool狂派「好人卡」。直到遇上由魔術師Miss Hunny飾演的畫家，她經常找Ken傾偈，才慢慢打開心扉。後來Miss Hunny畫畫向Ken表白，更謂一早知他聽障但完全不介意，認真sweet！

MV圖片

MV圖片

不過，好景不常，當Miss Hunny有機會去外國深造畫畫時，Ken的弱聽突然惡化至完全聽不到。為了不想成為對方的負累，Ken賣掉自己店舖，讓她可以安心追夢。這種「愛是克制」的境界，真的睇到人心up。

MV圖片

MV圖片

Ken透露拍喊戲時，回想起之前自己失聲經歷，完全代入了角色那種「唔想害人」的感受，「我幻想自己冇咗把聲，再加上冇埋聽覺，我嘅人生會點樣呢？其實大家見到嘅嘢係一take過，兩部機一take過無NG，就嗶哩巴啦流晒眼淚。可能又係自己親身經歷冇咗把聲，所以好明白嗰個感受，同埋好明白唔想害人嗰種感受。」這場喊戲導演一take過收貨，絕對是演技大爆發。

觀看相關影片按連結：https://youtu.be/0lXufhqJtZs