洪卓立新歌奪黃明德「第一次」 親訴癲癇失聲抗病心路

相隔四年，洪卓立（Ken）今日（8月15日）推出全新單曲《重返彌敦道》，新歌歌名似是向自己的代表作《彌敦道》致敬，Ken指新歌是他失聲與癲癇症後，重新出發的音樂宣言。

洪卓立相隔四年，推出全新單曲《重返彌敦道》。

新歌由同公司師弟黃明德（Dark）作曲，Ken笑說：「感謝師弟Dark寫咗一首好好嘅歌俾我。我都好榮幸攞咗佢嘅第一次，佢第一次寫廣東歌賣俾其他歌手就係賣俾我！！」Dark則難掩興奮，「Ken攞咗小弟人生第一次！有歌手要咗我嘅歌，仲要係同公司嘅師兄洪卓立先生，我係好興奮、好開心。」他透露：「我諗寫咗六首啦，但真係冇諗過有一首佢真係鍾意！」又謂有錢收是其次，「不得不承認有錢收係開心嘅，但都係其次，最開心係可以出現喺佢眾多出色作品嘅其中一首，我唔敢講自己呢首係出色，但可以成為到佢嘅作品，我都好開心。」

觀看相關影片按連結：https://youtu.be/o8B2EC7Cu98

Ken近年飽受健康問題困擾，他坦承：「幾年前失聲後，冇諗過可以重返舞台，重新錄歌。喺發現我會偶發性癲癇後，唯有停工，開始接受藥物治療。而服用藥物的副作用亦導致非常容易腫脹。」對於外界的種種猜測，Ken澄清：「唔係情傷，唔係放棄，反而係想尋找嘗試另一條道路。」

洪卓立

Ken花了兩年時間學習新的發聲技巧，終於重拾歌唱能力。不過即使能重返舞台，Ken又發現自己有偶發性癲癇，每次表演仍要面對巨大心理壓力，「係有好多誘發癲癇症嘅嘢，兩年幾前開始，包括光、好專心、好投入、好大壓力、瞓得唔好。台上面都會牽涉到，譬如台嘅燈，所以每次上台都會驚，驚自己發羊吊。」他透露靠觀眾支持才能堅持下去，「觀眾臨場即時俾嘅反應，令到我輕鬆啲咁樣去做一個音樂會。」

洪卓立

Ken又提別手去年內地巡迴，fans給他的啟發，「有fans話返俾我聽，佢有啲非常之唔好嘅念頭，但聽咗我嘅歌之後就打消咗呢個念頭；有一個有漸凍症嘅fans，奇蹟地捱過咗八、九年嘅時間，佢話俾我聽呢八、九年嘅時間其實都係聽住我嘅歌。」這讓他決心繼續唱下去，「就算有癲癇症、就算失聲、就算未必唱得好好，我都希望可以繼續唱，帶啲正能量俾大家。」

洪卓立

新歌找來黃偉文（Wyman）操刀，Ken表示：「感謝黃偉文先生將我近年嘅心路用文字為我表達，所以今次嘅歌曲簡介係我自己寫返，我諗應該冇人比我更了解呢首歌曲嘅感覺。」他強調：「《重返彌敦道》唔係眷戀往日所謂嘅美好，而係從呢度重新出發，翻開新嘅篇章。希望可以藉歌手身份帶嚟正面嘅能量，遇到困難唔好輕易放棄，我可以，你都可以。」

MV圖片

MV圖片

MV圖片

MV圖片

MV圖片

洪卓立（Ken）將於今個月30日在旺角麥花臣場館舉行「洪卓立《探索者》巡迴音樂會 香港站」，正式開騷前，今日（11月4日）就率先推出全新廣東作品《愛是克制》。

洪卓立推出全新廣東作品《愛是克制》。

今次Ken轉行做「愛情哲學家」，同團隊跟大家探討一個很「到肉」的話題：「愛你就要放你走」的道理。歌曲說出，有時愛到盡頭，並非瘋狂佔有，而是學會克制，寧願自己提早退場，換個方式遠處守護對方。直白點說，就是「愛你愛到放生你」的終極昇華版。年少輕狂可能會為愛痴狂，但現在Ken跟大家說，遲疑跟克制，其實都是愛的一種表現。歌曲找來唐善行作曲，王澄晞填詞，編曲跟監製則有合作無間的黃兆銘及舒文。Ken指：「成首歌嘅旋律同編曲做到晒愛情裏面嗰種拉扯同掙扎，唱嘅時候都有嗱住嗱住嘅感覺。」

MV圖片

MV圖片

MV方面，Ken表示跟導演討論過，用了一個比較特別的手法，他飾演一名有弱聽的男生。劇情一開始見他經常拒絕女生，又不給電話，十足十「渣男」上身。其實他是因為自己弱聽，害怕連累別人，才扮cool狂派「好人卡」。直到遇上由魔術師Miss Hunny飾演的畫家，她經常找Ken傾偈，才慢慢打開心扉。後來Miss Hunny畫畫向Ken表白，更謂一早知他聽障但完全不介意，認真sweet！

MV圖片

MV圖片

不過，好景不常，當Miss Hunny有機會去外國深造畫畫時，Ken的弱聽突然惡化至完全聽不到。為了不想成為對方的負累，Ken賣掉自己店舖，讓她可以安心追夢。這種「愛是克制」的境界，真的睇到人心up。

MV圖片

MV圖片

Ken透露拍喊戲時，回想起之前自己失聲經歷，完全代入了角色那種「唔想害人」的感受，「我幻想自己冇咗把聲，再加上冇埋聽覺，我嘅人生會點樣呢？其實大家見到嘅嘢係一take過，兩部機一take過無NG，就嗶哩巴啦流晒眼淚。可能又係自己親身經歷冇咗把聲，所以好明白嗰個感受，同埋好明白唔想害人嗰種感受。」這場喊戲導演一take過收貨，絕對是演技大爆發。

觀看相關影片按連結：https://youtu.be/0lXufhqJtZs