TVB四葉草系列劇集《盛裝舞步愛作戰》於2008年首播，劇中演員洪卓立、衛詩雅、陳家樂、李蘊等近日Re-u，勾起了不少網民的集體回憶。
演員們已相識18年
近日Re-u
《盛裝舞步愛作戰》於2008年首播
勾起了不少網民的集體回憶
李蘊於IG貼出聚會照片，並說：「 咁就18年了 四葉草-盛裝舞步愛作戰 當年16歲 我最細個 全部人都好錫我 當我阿妹咁 依家雖然大家都大個/成家立室了 但聚埋一齊講返起以前嘅嘢 都仲係記憶猶新 非常開心 多謝Wilson 組合我地呢班仔仔女女 咁多年後關係仍然好好 好難得 好珍貴 ps：洪生 你P圖技術水平非常高 好好笑 」。陳家樂亦感慨道：「咁就18年 入行後第一班戰友 大家都成熟左好多 經歷左好多 但一相聚 我地又變返18年前既小伙子 敬我哋嘅成人禮 敬親愛既Wilson #四葉草 #盛裝舞步愛作戰 #有冇人係睇呢套劇大 #會唔會有人仲keep住張海報」。
陳家樂昨日（10月5日）推出首支個人單曲《我們都是無名氏》，歌曲除了是他第一次推出的個人作品，更是他首次嘗試填詞。
陳家樂推出首支個人單曲《我們都是無名氏》。
觀看相關影片按連結：https://youtu.be/Ouoit2TJTzU
提到歌曲創作靈感，原來跟家樂的婚禮有關，他指寫詞期間，發現很多曾經並肩的朋友，如今已經散落在不同的人生軌跡上，有些甚至連名字都記不起，但那份曾經一起奮鬥的感覺，一直留在心中，「我諗番起開始寫名去邀請朋友嚟我嘅婚禮，發現有好多人其實我同佢已經好少聯絡，甚至只係有一面之緣，甚至可能連名都唔記得，只係嗰陣時我哋有共同嘅目標、或者一啲共同嘅奮鬥原因，大家好近，但過咗之後大家就冇再聯絡，但係喺我想邀請佢嘅時候，我已經冇辦法再聯絡佢，所以開始形成咗呢首歌嘅構思。」他希望藉住這首歌，向這班「無名氏」說聲多謝。
MV圖片
MV圖片
歌曲製作班底，家樂直言要多謝太太連詩雅（Shiga），「呢首歌係我太太幫我搵咗佢嘅朋友、音樂嘅夥伴Dear Jane嘅Howie作曲，同埋仲有一位方浩權佢幫我執返啲詞再靚仔啲，因為我填完之後發現字係啱音嘅，但好難去唱出嚟，佢就幫我執靚啲，監製係琛哥，都係Dear Jane嘅監製嚟嘅，所以好多謝佢哋去幫我完成呢件事。」
MV圖片
MV圖片
MV方面，家樂找來好友導演簡君晋幫手，二人相識多年，當年家樂第一次任電影男主角，就是由簡君晋執導，而簡君晉的首部電影，亦是跟家樂合作，「佢亦都係電影《白日之下》嘅導演，佢好耐冇拍MV㗎啦，為咗我出山，再拍MV，所以今次嘅MV對我嚟講係好有意義。」
家樂找來好友導演簡君晋幫手拍MV。
家樂坦言希望大家可以透過這首歌更了解他，：「其實我好希望大家可以除咗喺電影嘅世界見到我，希望可以憑着歌曲或者今次我填嘅詞去更加了解陳家樂係一個有啲咩諗法嘅人，希望喺將來可以再同大家有多啲機會去傾偈，同埋我都好希望日後有機會成為到人哋嘅『無名氏』，可以俾到一啲鼓勵同大家一齊去前行，繼續努力。多謝大家。」
MV圖片
MV圖片
家樂坦言，今次跳出演員嘅身份，用音樂跟大家見面，是一個很大的嘗試，希望大家可以透過這首歌更了解他，「我好希望大家可以除咗喺電影嘅世界見到我，亦都希望可以憑着歌曲或者今次我填嘅詞去更加了解陳家樂係一個有啲咩諗法嘅人。希望喺將來可以再同大家有多啲機會去傾偈，同埋我都好希望日後有機會成為到人哋嘅『無名氏』，可以俾到一啲鼓勵同大家一齊去前行，繼續努力。」
MV圖片
MV圖片
