張敬軒日前以學生look出席手機品牌活動，跟現場近700名fans及觀眾唱歌兼大玩遊戲，玩遊戲期間，軒仔更賣大包主動攬實fans兼面貼面，冧到fans暈得一陣陣。
軒仔早前軒仔受邀飛到韓國首爾出席電話發佈會，期間他更以「練習生」題材拍攝了一系列的短片，因此這次活動便以「Galaxy練習生開學禮」為主題，除了軒仔以「模範學長」的學生look現身，全場的fans及觀眾亦通通穿上校服，夠晒隊形。
點擊看圖輯
張敬軒日前以學生look出席手機品牌活動，跟現場近700名fans及觀眾唱歌兼大玩遊戲，玩遊戲期間，軒仔更賣大包主動攬實fans兼面貼面，冧到fans暈得一陣陣。
抽觀眾玩遊戲前，原本軒仔有個跳舞環節，不過軒仔自覺跳舞，於是便派出他「軒公學園」的兩名練習生上陣，「我哋今日晏晝到場，sound test嘅時候我覺得自己跳得唔夠佢哋好睇，所以即時叫佢哋自己諗、自己編，呢件事都好『練習生』。將個台交俾你哋，佢哋係第一次上台，大家睇吓收唔收貨先呀。」
去到抽觀眾玩遊戲環節，除了跟fans合作、玩猜猜畫畫等遊戲，最令台下fans瘋狂尖叫的是軒仔在「軒公許願池」遊戲中跟兩位女fans互動，所有觀眾入場前於紙上寫上希望跟軒仔一起達成願望。被抽中的第一位女fans想跟軒仔扮演電影《Titanic》中男女主角Jack及Rose在船頭扮飛的經典畫面，不過由於身高關係，軒仔要跪在女fans後面從後攬住女fans，他更自帶風扇「自備海風」，引得全場大笑，這時場內更響起《Titanic》的主題曲，軒仔便站起來再次從後抱着女fans，而且還面貼面，全場頓時爆叫，女fans開心到笑不攏嘴，又怕醜到背台掩面，十分搞笑！另一位女fans則希望軒仔在她面前撒嬌，軒仔立即撟住女fans手臂，然後把頭挨落fans膊頭並溫柔地說：「你唔好唔開心啦。」又引來台下fans起哄，更說：「佢個膊頭好好瞓！」笑料不斷。
軒仔還自帶風扇「自備海風」。
軒仔撟住女fans手臂撒嬌。
又攬住女fans。
玩完遊戲後，軒仔表示多謝客戶一直以來的支持，而且亦投放很多資源為他代言的新電話宣傳，令他開了很多眼界。由於這次手機品牌跟軒仔crossover推出「隱形遊樂場」主題的電話殻，當晚軒仔其實只需要唱《隱形遊樂場》一首歌曲，但為了答謝現場觀眾的支持，他便額外多唱兩首歌。他提到曾經推出過一隻以翻唱歌系列的專輯《Dahlia》，「我覺得呢個系列屬於嗰啲高保真級數嘅錄音嘅專輯，其實係好適合喺新一代嘅三星嘅電話去聽，所以今日喺呢度重現《Dahlia》入面嘅一首歌。我印象中可能喺其他場合唱過一次，但呢首歌真係好少同大家唱，係嚟自鄭秀文小姐嘅《值得》。」
唱完《值得》後，台下大叫encore，軒仔謂：「大家等咗咁耐，冇理由淨係唱一隻歌啦。想問大家嚟緊呢首歌想聽我原創定係翻唱嘅作品呢？」台下呼聲不絕，軒仔續說：「我喺歌廳表演嘅時候，逢星期五、六晚我都會有一part係唱陳慧嫻小姐嘅歌，因為細個未變聲、青春期未發育嘅時候係女仔聲唱女仔key嘅歌，將以下呢首《傻女》送俾大家。」最後唱出《隱形遊樂場》時，為了照顧坐在後方的觀眾，軒仔走到台下並跑到後場位置獻唱，絕對錫fans錫到燶。
軒仔以「模範學長」的學生look現身「Galaxy練習生開學禮」。
抽觀眾玩遊戲前，原本軒仔有個跳舞環節，不過軒仔自覺跳舞，於是便派出他「軒公學園」的兩名練習生上陣，「我哋今日晏晝到場，sound test嘅時候我覺得自己跳得唔夠佢哋好睇，所以即時叫佢哋自己諗、自己編，呢件事都好『練習生』。將個台交俾你哋，佢哋係第一次上台，大家睇吓收唔收貨先呀。」
軒仔派出他「軒公學園」的兩名練習生上陣跳舞。
去到抽觀眾玩遊戲環節，除了跟fans合作、玩猜猜畫畫等遊戲，最令台下fans瘋狂尖叫的是軒仔在「軒公許願池」遊戲中跟兩位女fans互動，所有觀眾入場前於紙上寫上希望跟軒仔一起達成願望。被抽中的第一位女fans想跟軒仔扮演電影《Titanic》中男女主角Jack及Rose在船頭扮飛的經典畫面，不過由於身高關係，軒仔要跪在女fans後面從後攬住女fans，他更自帶風扇「自備海風」，引得全場大笑，這時場內更響起《Titanic》的主題曲，軒仔便站起來再次從後抱着女fans，而且還面貼面，全場頓時爆叫，女fans開心到笑不攏嘴，又怕醜到背台掩面，十分搞笑！另一位女fans則希望軒仔在她面前撒嬌，軒仔立即撟住女fans手臂，然後把頭挨落fans膊頭並溫柔地說：「你唔好唔開心啦。」又引來台下fans起哄，更說：「佢個膊頭好好瞓！」笑料不斷。
女fans與軒仔扮演電影《Titanic》中男女主角Jack及Rose在船頭扮飛的經典畫面。
軒仔還自帶風扇「自備海風」。
軒仔撟住女fans手臂撒嬌。
又攬住女fans。
玩完遊戲後，軒仔表示多謝客戶一直以來的支持，而且亦投放很多資源為他代言的新電話宣傳，令他開了很多眼界。由於這次手機品牌跟軒仔crossover推出「隱形遊樂場」主題的電話殻，當晚軒仔其實只需要唱《隱形遊樂場》一首歌曲，但為了答謝現場觀眾的支持，他便額外多唱兩首歌。他提到曾經推出過一隻以翻唱歌系列的專輯《Dahlia》，「我覺得呢個系列屬於嗰啲高保真級數嘅錄音嘅專輯，其實係好適合喺新一代嘅三星嘅電話去聽，所以今日喺呢度重現《Dahlia》入面嘅一首歌。我印象中可能喺其他場合唱過一次，但呢首歌真係好少同大家唱，係嚟自鄭秀文小姐嘅《值得》。」
軒仔為了答謝現場觀眾的支持，額外多唱兩首歌。
唱完《值得》後，台下大叫encore，軒仔謂：「大家等咗咁耐，冇理由淨係唱一隻歌啦。想問大家嚟緊呢首歌想聽我原創定係翻唱嘅作品呢？」台下呼聲不絕，軒仔續說：「我喺歌廳表演嘅時候，逢星期五、六晚我都會有一part係唱陳慧嫻小姐嘅歌，因為細個未變聲、青春期未發育嘅時候係女仔聲唱女仔key嘅歌，將以下呢首《傻女》送俾大家。」最後唱出《隱形遊樂場》時，為了照顧坐在後方的觀眾，軒仔走到台下並跑到後場位置獻唱，絕對錫fans錫到燶。
與fans及觀眾大合照。
