隔空冧豬示愛嚇到李思捷嗌投降 陳茵媺自揭同陳豪一日唔止錫一次

最新播出一集，請來台慶劇《羅密歐與祝英台》一眾演員齊齊玩

由李思捷主持及監製的《日本喇叭牌正露丸特約：思家大戰》第三季，逢周日晚8時30分翡翠台播映。為配合11月台慶月，《思家大戰》由上集開始已廣邀台慶劇及台慶綜藝節目的主要演員、主持及嘉賓參與錄影，今晚（29日）播出一集，請來台慶劇《羅密歐與祝英台》（以下簡稱《羅祝》）一眾演員齊齊玩，分別有陳茵媺（Aimee）率領的「祝英台」隊，成員有「祝老太」馬海倫、「老闆娘」蔣祖曼、「祝小妹」古佩玲及「麗花」羅毓儀（Yuki）；對戰周嘉洛率領的「羅密歐」隊，成員有「密林」吳子冲、「密田」徐文浩、「密峰」邵展鵬及「Molly」鄺潔楹。

「祝英台」隊：（左起）隊長陳茵媺、馬海倫、蔣祖曼、古佩玲、羅毓儀

馬海倫

左起：蔣祖曼、古佩玲、羅毓儀

右起：周嘉洛、吳子冲、徐文浩

左起：鄺潔楹、邵展鵬

鄺潔楹

曾於《荃加福祿壽探案》中合作的思捷及Aimee，甫見面即以「Bro」相稱，思捷說：「我成日叫佢Bro，十幾年前我哋拍劇…」，Aimee隨即撒嬌：「唔好講十幾年前喇。」予人感覺嬌的的的Aimee，雖是首度上《思家大戰》，但全程古靈精怪兼表情多多之餘，轉數之快更不輸主持思捷，成為氣氛王No.1。問到「一對好恩愛嘅夫妻，每一日至少一齊做一次嘅嘢」問題時，Aimee即亢奮搶答「錫錫」，當思捷質疑：「一日一次喎！」Aimee先爽快回答：「至少吖嘛！」思捷即打蛇隨棍上：「咁你同阿Mo（陳豪）一日咀幾次？」Aimee聞言嬌俏大賣關子：「唔話畀你聽！」之後Yuki回答同一條問題時，經歷多重內心掙扎後害羞吐出「兩字」答案，惹來全場嘩然，思捷則借勢追問Aimee：「你同阿Mo係咪都一年做足365次？」豈料Aimee理直氣壯回應：「At least」，全場再度陷入盛典氛圍，到底咩答案咁震撼？之後Aimee順應思捷要求在鏡頭前向老公說：「I Love You Baby」，嚇到思捷腳仔軟大叫投降：「冧到我都溶呀。」

陳茵媺同李思捷私下以「Bro」相稱。

Aimee今集玩得好放。

Aimee嘅Open-minded，搞到思捷都冇晒符。

嘉洛仔原來係Chok爆長氣王？

氣氛王No.2及No.3則分別為Yuki及嘉洛，鑑於「兩字」答案太惹關注，Yuki打後回答每條問題時都「尷尬滿滿」，不時做出「嚇到吃手手」及「掩臉」等小動作外，更一度笑至拍枱。Yuki的「撒嬌害羞可愛三循環」令思捷亦不懂如何招架，每次走到Yuki面前均「未開口，先焗蟹」，現場氣氣相當歡愉。至於貴為本集「補中王」的嘉洛，在《羅祝》中飾演「愛情狂」的他、每次回答問題一定Chok到盡之餘，更喜歡將答案簡單複雜化；當回答另一半講大話小動作時，嘉洛便長篇大論謂：「我個人認為嗰啲講大話嘅人一定會係過份理直氣壯，字字鏗鏘，落地有聲嗰啲？話自己大聲唔代表佢冇禮貌嗰啲？…」聽到耐性告急的思捷即以「即係大聲呀？」一句KO嘉洛，場面爆笑。今集另一搞笑位，是當馬海倫上台搶答問題時，思捷望一望她的手後抵死地說了一句：「呢一粒（石）成層樓架喇喎！」即成功引來全場起哄。

Yuki唔單止可愛

玩遊戲仲要好盡情同投入。

馬海倫手上耀眼嘅戒指，吸引了思捷的注意。

Yuki今集瘋狂晒可愛，萬勿錯過。

其實Aimee嘅表情同動作豐富度，亦冇輸畀Yuki。

周嘉洛啲表情多到哩。

估唔到嘉洛原來咁長氣。

羅密歐隊團隊氣氛都好好架。

大合照。

賽艇隊成員允允似唔似「東張女神」陳瑞菱？

由李思捷主持及監製的《日本喇叭牌正露丸特約：思家大戰》第三季，逢周日晚8時30分翡翠台播映。

賽艇隊成員（左起）：阿棟、米露、海琳、允允、呀臻

橋牌隊成員（左起）：Gordon、Bubble、Dicky、KF、Alan

向來愛向各界廣發英雄帖的《思家大戰》，明（3日）晚一集請來在今年杭州亞運贏得獎牌的香港運動員齊齊玩，分別是香港賽艇隊代表及香港橋牌隊代表，當中賽艇隊隊員阿棟及米露是拍檔兼金牌得主，而橋牌隊則整隊均是男子團體賽金牌得主。由阿棟率領賽艇隊成員除有米露，還有海琳、允允及呀臻，Alan率領的橋牌隊，出賽成員有KF、Dicky、Bubble及Gordon，尚有一位成員招偉立則坐在觀眾席支持隊友。值得留意的是，賽艇隊的阿棟與允允顏值高企，掛著燦爛笑容、充滿陽光氣息的阿棟望落有吳偉豪影子，至於允允則酷似「東張女神」之一陳瑞菱。

今屆亞運得獎選手參與《思家大戰》。

阿棟勁有陽光氣息，望落仲有少少似吳偉豪添。

吳偉豪（吳偉豪fb圖片）

允允（右二）似唔似陳瑞菱？

「東張女神」陳瑞菱（陳瑞菱fb圖片）

思捷以「香港人嘅驕傲」及「體育界superstar」介紹各人出場，全場掌聲雷動
；而各香港運動員於Chit Chat環節則輪流大派勵志Bite，阿棟先說：「有一個想贏嘅心可以戰勝一切！」並笑指參加《思家大戰》有好處：「做運動之餘接觸吓唔同方面嘅嘢」，十分識撈。至於橋牌隊的Alan，則透露其實橋牌於2018年雅加達亞運已被列為競賽項目，並指今年贏得團隊賽金牌的香港隊其實很輸蝕：「我哋得一個成員係全職，其他都係兼職運動員，要花更多精神同時間去鑽研！」Alan更透露其中一位隊友更為了參加亞運辭工，足見他們對橋牌的熱血。

李思捷咩事嚇親米露（右）？

允允（右二）有啲緊張咁喎。

米露（左二）係全Team氣氛擔當。

今集問答環節亦非常精彩，當中一條針對思捷的問題「李思捷唔啱做運動員，因為李思捷好X？」，兩隊隊員搶答時輪流拋出「好肥」、「好忙」、「好潺」、「好攰」、「好懶」、「好老」、「好瘦」及「好矮」等等超負面答案，觀眾聽到拍爛手掌，但思捷則冇癮到爆，而當中竟然有一個答案是對的，到底是哪一個？搶得「玩定唔玩」決定權的橋牌隊，更一反常態齊齊耍手擰頭嗌唔玩，結果被逼答題的賽艇隊，最後一個答案也未能答中，可算是史上最難答問題！到最後揭曉這條千古難題的答案時，全部答案一面倒踩盡思捷，令思捷一邊苦笑一邊戲言：「我唔玩喇！」場面惹笑。

橋牌隊個個梗係都「食腦」啦。

牌隊的Alan話好多隊友其實都係業餘，所以比賽前夕要投放更多心機同時間練習，Respect！

今集思捷被集體狠批環節就熱鬧喇，密切期待呀！

KF（左）同米露邊個答得快啲？

今集啲問題都同運動有關。

未有出賽的橋牌隊隊員招偉立（左一）亦有上台大合照。

一向口多多嘅思捷，今集都冇晒符。