誰是誰非？ Tesla女司機打錯死火燈轉右遭心急Van仔撞凹爆粗惹議

Tesla女司機打錯死火燈轉彎，遭心急Van仔撞凹，即爆粗狂罵，被網民批評「惡人先告狀」，但有人指雙方都有錯。

(YT影片截圖）

有網民於YouTube 以「大家點睇，貨車佬心急撞到人，但港女揸Tesla 打死火燈入去； 邊個錯？」為題上載一CCTV片段，影片中，一輛白色Tesla私家車在馬路上行駛，期間突然亮起死火燈，後方的輕型貨車司機誤以為Tesla要停車，於是加速切線打算抽頭，但Tesla司機此時竟緩緩將車轉右，貨車司機響安示意，亦為時已晚，最終收制不及撞向Tesla車身。

(YT影片截圖）

(YT影片截圖）

兩車司機立即下車查看狀況，Tesla女司機爆粗破口大罵：「喂，我打咗燈轉過嚟㗎喎！嘩，你撞到我凹晒喎，X你老X真係」，貨車司機建議報警：「唉，報咗警先啦」。女司機非常生氣：「唔係咁搞啊哥哥？我架車新㗎！」，更提高聲量質問：「點會截住抽頭㗎？」，貨車司機無奈表示：「妳打死火燈啊大佬！」，女司機反駁「我要轉過嚟啊嘛！」。

(YT影片截圖）

(YT影片截圖）

女司機之後打電話給老公求助：「喂老公我㗎車畀人撞啊，撞到腰中間，你過嚟啊」，貨車司機則不斷著對方影相報警，女司機轉身繼續鬧：「我車住2個小朋友，啱啱睇完醫生呀，嚇死我啊！你知唔知我小朋友坐呢個位㗎」。貨車司機再重申「我明啊，大佬呀，妳轉入嚟係咪打右燈啊？妳打死火燈我以為妳停啊」，女司機仍然怪責：「我唔會停喺呢度㗎！唉，X街啊真係！」。

雙方一輪爭持後，輕型貨車司機報警，並嘗試緩和場面：「大家有誤會啫呢啲嘢，唔係我有心撞妳」，女司機則說：「我知，我知，因為我有小朋友喺度」，影片就此結束。

(YT影片截圖）

影片引網民熱議，不少人指女司機打錯燈，明顯犯錯「Tesla錯晒，重新考過個牌，如果係大貨車佢死咗了」、「都唔知個牌點考，打死火燈又唔望鏡」、「打死火燈轉彎，傻㗎 ？邊度買㗎個牌？」、「條港女打死火燈轉右呢下嘢已經錯硬，你唔打燈還好，打死火燈人哋一定係當你收慢準備停」、「死火燈同方向燈都唔識分，死得啦！」

(YT影片截圖）

有人認為輕型貨車司機理虧「點睇火車佬都輸，下頭撞人點會贏，人哋前車要轉入路口，就算打錯燈都唔可以咁撞人」、「貨車冇收油就爬頭100%輸晒，相反如果佢收油停一停都爬頭，而港女打死火燈突然轉右，咁就有得講」有人則認為雙方都有責任「兩個都有錯，兩邊都冇清楚注意交通情況」、「兩邊都有機會被告不小心駕駛」。

(YT影片截圖）

影片來源：YouTube

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。