Twins演唱會優先訂購秒速爆滿 開心宣佈加開兩場

Twins相隔9年重返紅館，演唱會優先訂購兩小時售完，下午即刻宣佈，加開1月28日至29日兩場。

《TWINS SPIRIT SINCE 2001 LIVE IN HONG KONG》演唱會，11月15日進行優先訂購，秒速爆滿！主辦單位英皇娛樂即時開心宣佈，加開兩場，由6場變8場！門票將於11月22日起城市售票網公開發售，撲唔到的朋友，22號要仍有機會可以搶到飛。

Twins情同姊妹，一齊經歷起跌

Twins相隔9年重返紅館

Twins相隔9年重返紅館，一話開騷，已經瘋狂引爆回憶殺，內部認購前所未有咁瘋狂，兩日已經爆瀉，而15日早的優先訂購，不到兩小時已經宣佈售完，下午英皇娛樂即時宣佈，加開1月28日至29日兩場，門票將於11月22日起城市售票網一起公開發售。 

今早的優先訂購，不到兩小時已經宣佈售完

過去Twins於紅館，最多都係開5場，今次破紀錄開8場，不單令粉絲興奮若狂，亦令阿SA(蔡卓妍)阿嬌(鐘欣潼)開心，阿sa謂，「以組合來講，入行22年仲可以開演唱會，企喺個枱度同大家慶祝，真係好難得！所以呢個演唱會對我哋嚟講係好有意義！知道咁多人仲繼續支持我哋，又感動又開心！希望到時大家可以有一個好好玩嘅晚上。」

過去Twins於紅館，最多都係開5場，今次破紀錄開8場，不單令粉絲興奮若狂，亦令阿SA(蔡卓妍)阿嬌(鍾欣潼)開心

細心一睇，今次演唱會的公售日期，正是阿SA生日，而演唱會頭場，就係阿嬌生晨，問到兩人係咪特登揀呢兩個良辰吉日㗎？阿SA表示，「梗係唔係啦，真係咁橋喎，紅館期邊有得揀話想邊日，第一次公司同我哋講個開騷日期，我地都覺得好奇妙，所以公司就話，不如係我生日個日公開發售啦！咁兩個生日都可以雙喜臨門啦！ 」阿嬌表示，「揀得中呢兩個日子售票同開show都係第一次，覺得好開心好受重視，哈哈。加場雖然開心，但都開始有啲壓力㗎，希望到時可以做到最好比大家！」

今次演唱會的公售日期，正是阿SA生日，而演唱會頭場，就係阿嬌生晨

問到阿SA係咪已經諗定今年點大事慶祝生日兼演唱會大爆，阿SA: 「下，哈哈，好成績先諗點慶祝啦！今年生日願望一定係做好個演唱會。重有係身體健康啦，嚟緊要開始排舞練歌，好身體好緊要。」14日兩人就為演唱會開始籌備開會，阿嬌因身在外地工作，只得用電話facetime參予，齊齊開了4小時會議，整個開會過程都充滿歡樂笑聲，齊齊揀歌，阿SA更即時就自行排舞給阿嬌看，很是搞笑。之後兩人又FaceTime中合照留念。

兩人就為演唱會開始籌備開會

用電話facetime參予，齊齊開了4小時會議，整個開會過程都充滿歡樂笑聲，齊齊揀歌

靚靚靚乾乾淨，靚靚靚靚新新淨，靚靚靚靚好乾淨，全部靚靚喺大廳！

Twins將於明年一月舉行一連八場的紅館show《TWINS SPIRIT演唱會》，11月22日除了是蔡卓妍（阿Sa）的生日，同時亦是門票公開發售的日子，反應熱烈，開賣半小時隨即售罄，阿Sa更無預警開IG live，並暗示可能加場。除此之外，Twins新歌《雙喜樓》亦於同日上架。

Twins一連八場的紅館show將於明年一月舉行，門票於11月22日公開發售。

同日生日的阿Sa無預警開IG live，並暗示可能加場。

Sa爸都有現身。

新歌《雙喜樓》亦於同日上架。

成軍22年的Twins一直帶大家穿越不少快樂日子，為迎接二十二周年這個大派對，二人便藉着全新演唱會主題曲《雙喜樓》廣邀好友狂歡一番。歌曲由馮翰銘監製、Karen Yee作曲及沐木臣填詞。以簡潔的旋律鋪排出強勁節奏，營造狂歡效果，「靚」、「正」、「Dance」歌詞互相交替，十分洗腦。

Twins直言收到這首歌的Demo時已立即愛上，「曲式好有演唱會氣氛，一聽就想跳舞。我哋都好鍾意份詞，聽填詞人講，佢喺十幾年前已經好想以『雙喜樓』做歌名寫份詞俾我哋，講出嗰份成雙成對嘅感覺，而正正就喺Twins 22周年呢個日子，我哋就收到呢份最好嘅禮物。」

「龍虎豹」早前合體為阿Sa慶生。

當然少不少經理人霍汶希Mani。