《白日之下》上畫第14日起連續7日奪得單日票房冠軍，更愈戰愈勇，累積票房成功衝破1300萬！
由天下一電影出品，以記者工作及殘疾院舍黑幕為題材的電影《白日之下》，上映後獲得海量好評，票房成績亦逐步攀升，縱然上映踏入第三周，票房由上周三，上畫第14日起（11月15日），經已連續7日奪得單日票房冠軍，打低新上畫及同期上映的中西猛片，而剛過去的周末亦保持上周威勢，周六及周日（11月18、19日）2天合共收逾2,000,000票房，截止昨日（11月21日）累積票房成功衝破1300萬﹗依往績所見，單日票房成績會隨著上畫日子愈久而逐漸下滑，然而《白日之下》展現奇蹟，成績令人振奮，團隊上下期望明日踏入第四周，票房繼續愈戰愈勇！
點擊看圖輯
《白日之下》終極海報
《白日之下》寫實海報
古仔驚喜現身謝票。
古天樂邀請義工隊欣賞《白日之下》。
大合照
《白日之下》終極海報
《白日之下》寫實海報
古天樂在上周六（11月18日）亦有份出動謝票，聯合謝票團隊走訪十多間戲院，古仔亦特意邀請他的義工隊欣賞電影，答謝一直以來的付出。 古仔驚喜現身謝票，很多觀眾都非常意外，大家拍掌歡迎古仔之外，亦有觀眾感謝他，指多得古仔願意投資，《白日之下》這部好電影才能面世，古仔亦都非常珍惜今次謝票機會，親身了解觀眾想法：「今日我陪《白日之下》嘅團隊嚟謝票，亦都係《白日之下》進入第三週，喺過去嗰兩個星期，團隊所有成員都不停四出謝票，所以今日都希望可以畀啲鼓勵佢，陪佢哋一齊謝票，亦都想多謝觀眾對呢部戲支持，好想喺謝票嘅過程入面，聽到觀眾對呢部戲嘅感受同埋反應，希望我哋可以再做一些更優質嘅電影出來。」
古仔驚喜現身謝票。
至於古仔現身的其中一場謝票，觀眾主要都是來自古天樂義工隊，以及10個來自不同社福機構的同工和照顧者等，古仔想借電影答謝大家一直以來的貢獻和付出，他表示：「首先好多謝我的義工隊，過往我嘅義工隊都為不同階層去付出，努力探訪，或者去照顧一啲比較弱勢的社群，今日亦都趁住呢部戲，我想請佢哋嚟欣賞，可以喺佢哋平日繁忙工作或生活當中，畀佢哋一個娛樂，雖然呢部戲係比較貼近社會現實，同埋較沉重，但係都想同佢哋分享一下，亦多謝佢哋對呢部電影支持，希望佢哋鍾意。」
古天樂邀請義工隊欣賞《白日之下》。
大合照
