尋秦記電影︱電影原班聚首 古天樂笑談續集或跟原著「加鹹」

電影版《尋秦記》定於今年12月31日壓軸上映，主角古天樂、林峯、宣萱等劇集原班人馬，連同新加入的苗僑偉，昨日（12月22日）齊集宣傳啟動禮，吸引近五百粉絲到場。眾演員相隔廿五年再聚，古天樂與林峯增添成熟魅力，宣萱、滕麗名及郭羨妮則凍齡依然，美貌不減。

古天樂昨日（22日）率領林峯、宣萱、郭羨妮、滕麗名、苗僑偉及洪天明等，出席電影《尋秦記》宣傳啟動禮。

古天樂與林峯一同合唱新版《天命最高》。

古天樂

林峯

古天樂受訪時，笑指網上瘋傳他與宣萱的「點穴」花絮片段中，對方反應真實，更戲稱宣萱在電影版的英文名是「WTF」（Wu Ting Fong諧音）。談到電影會否開拍續集，古仔幽默回應滕麗名「未夠喉」之感：「唔夠鹹？你有睇過原著喎！即係要拍返原著尺度？」暗示若成事或參考原作劇情。

古天樂與林峯、苗僑偉受訪時表示，三人首次在電影中合作，感覺新鮮！

苗僑偉在《尋秦記》電影版皆飾演新角色。

左起：郭羨妮、宣萱與滕麗名均凍齡不老！

郭羨妮

電影主題曲《天命最高》電除古天樂主唱，亦加入林峯聲音成為合唱歌。被問票房目標，古仔稱「總之好囉」，並表示若成績理想，或邀苗僑偉獻聲。活動上古仔與宣萱互動火花十足，宣萱邀他齊派心時，古仔即俐落換位避開，引來全場笑聲。

宣萱

郭羨妮、宣萱與滕麗名表示拍完電影6年也沒有見面，今次重聚很興奮。

左起：洪天明、伍詠詩、徐浩昌（肥腸）

《尋秦記》電影版落實今年12月31日上映。

電影版《尋秦記》定於今年12月31日壓軸上映，三位女主角宣萱、郭羨妮與滕麗名近日罕有同台宣傳，掀起劇迷回憶。久未公開露面的郭羨妮，狀態極佳，美貌依舊，受訪時難掩興奮：「我哋忍唔住相擁呀！」台上三人更相擁轉圈，場面溫馨。

電影《尋秦記》一眾主演齊集出席宣傳活動。

郭羨妮、宣萱與滕麗名美貌與當年拍劇一樣！

宣萱感慨重聚難得，透露古天樂已為謝票安排「落柯打」：「古仔叫咗我一月唔好放假！但我想去滑雪喎，佢話你望都望三月啦！」談及合作緣分，她表示：「今日第一日宣傳見返大家，啱啱先講仲有冇機會坐埋一齊？合作真係好隨緣。」

郭羨妮回憶25年前《尋秦記》是其首部劇集，當時心情緊張，如今則感覺親如老友。宣萱笑言：「好似識到依家仲好傾啲！」近年鮮有演出的郭羨妮稱戲癮不大，但若有機会希望多拍女性主導作品，又爆女兒對其作品興趣缺缺：「佢鍾意現實嘅媽媽多啲！」

凍齡不老。

郭羨妮激罕露面。

宣萱玩劇透？

談及凍齡秘訣，宣萱大讚滕麗名保養得宜，滕麗名笑稱因仍留在TVB工作，生活規律「早睡早起」，宣萱聞言大笑反駁：「咁辛苦喎！」電影未上映已備受關注，被問會否開拍第三集，滕麗名透露古天樂曾言若票房理想可再續，宣萱則不慎劇透：「喺戲裡面冇死到喎！可以拍第三套……唔可以講太多嘅！」意外預告劇情發展空間，令影迷更添期待。

郭羨妮、宣萱與滕麗名罕有重聚。