阿Sa工作中渡生日 演唱會公售八場半小時爆滿

阿Sa生日當日但仍要開工，開售時正與阿嬌及一班英皇歌手 : 關智斌，鄧小巧、Gin Lee 、泳兒、等等一起工作，期間一班師弟師妹特別為她準備了生日蛋糕

Twins睽違9年再開紅館，宣佈2024 年1月21-23、25-27日 28-29日、舉行《TWINS SPIRIT》演唱會，今早公開發售，勢如破竹8場演唱會，逾五萬張門票，半小時內被搶購一空， 8場演出宣告爆滿！

《TWINS SPIRIT》演唱會公開發售，勢如破竹8場演唱會，逾五萬張門票，半小時內被搶購一空

壽星女阿Sa(蔡卓妍)今日正日生日，但仍要開工，開售時正與阿嬌及一班英皇歌手 : 關智斌，鄧小巧、Gin Lee 、泳兒、等等一起工作，期間一班師弟師妹特別為她準備了生日蛋糕，關智斌偷偷拿著生日蛋糕出來，領唱happy birthday突襲，氣氛歡樂，之後阿Sa向著蛋糕許願，因為許左成分鐘，阿嬌問kenny，你駛唔駛搵張櫈坐坐先？哈哈，阿SA就話，「你唔好嘈我住，我好亂呀我........」問到阿SA夠竟許個咩願？阿SA笑道，「我送左個生日願望比經理人部門同事阿超，祝佢身體健康！哈哈。」Kenny : 「係咪唔講得㗎，講左唔靈......。」此時有工作人員就向阿SA宣佈喜訊，「今日半個鐘內，八場演唱會賣爆啦！」阿SA阿嬌兩日聽到後又意外又興奮，Kenny則馬上大叫 : 「加場！加場！我唔夠飛！」然後即引起大家一齊跟著叫，因為不單內部同事不夠飛，今日不少歌迷也衝向SA、嬌留言，說買不到飛，希望他們可以加場。

壽星女阿Sa(蔡卓妍)今日正日生日，但仍要開工

開售時正與阿嬌及一班英皇歌手 : 關智斌，鄧小巧、Gin Lee 、泳兒、等等一起工作，期間一班師弟師妹特別為她準備了生日蛋糕

關智斌偷偷拿著生日蛋糕出來

氣氛歡樂

阿SA表示，加不加場要再研究，又笑問Kenny，「係咪你來幫我哋手做先！哈哈...」Kenny : 「我得㗎，我最多來做bad boy 伴舞，哈哈。」Twins演唱會頭場是阿嬌生日，Kenny表示，一定拉大隊去支持，再係紅館一齊唱生日歌！阿嬌就笑道:「好啊，到時全世界都知我幾歲啦。」Kenny話，「你25嘛，唔係咩？」而 sa就話，「咩呀！廿之嘛。哈哈。」

大合照

生日當天阿Sa返屋企同家人食飯，並開Live與fans互動，直播中阿Sa表示今次生日沒有開party只是簡簡單單與家人一齊，透露今次演唱會有dress code扮以前的twins，而且「無論係演唱會、廣告、電影、MV任何造型都有驚喜」，貼心表示：「經歷幾疫情，終於可以自由活動，希望可以大家一齊開開心心，係演唱會抽離去另一個時空。」

生日當天阿Sa返屋企同家人食飯

直播中阿Sa表示今次生日沒有開party只是簡簡單單與家人一齊

透露今次演唱會有dress code扮以前的twins

相當貼心！

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。