羅啟豪親自設計首個個人音樂會海報 12.23與一眾「豪殼」於麥花臣迎接聖誕

羅啟豪將於12月23日在麥花臣場館舉行「與羅啟豪之冬日約會 Winter Rendezvous」。

羅啟豪英國豪於「中年好聲音」比賽奪得季軍後幾個月，公司為他安排不少演出機會，比賽時嘅演出「忘情號」、「當愛已成往事」、「連續劇」於YouTube 嘅 view 數同留言數量仲繼續攀升，為佢日喺短時間內儲得大量粉絲，為答謝一眾豪殼 (他的粉絲暱稱) 對他的支持，Ramon將於12月23日晚上在麥花臣場館，舉行「 與羅啟豪之冬日約會 Winter Rendezvous」，和豪殼一齊迎接聖誕，$880及$580之門票已於今天（11月28日）開 Cityline公開發售。

羅啟豪將於12月23日在麥花臣場館舉行音樂會。

與一眾「豪殼」迎接聖誕！

英國豪今次音樂會命名為「與羅啟豪之冬日約會 Winter Rendezvous」，名字既溫暖又浪漫，身為平面設計師的 Ramon 特別設計了一款非常配合氣氛之音樂會海報。海報上的照片可以看到啟豪穿上暖笠笠之家居服，表現很舒服地坐在一個為充滿聖誕佈置之客廳，然後對著鏡頭回頭一笑，像在對豪殼說：「Welcome to my home !」Ramon 解釋今次之海報設計靈感時表示：「哈哈，呢幅相嘅畫面係我同我粉絲團隊一齊諗出嚟，但時間關係我哋覺得好難搵到一個理想嘅場地去影呢幅相。呢個唔係我英國或香港嘅屋企，一來我已經搬番晒啲嘢返香港，英國宜家無屋企㗎喇；二來就係因為我前幾個月先搬返嚟，但一直都忙無時間執屋，所以屋企仲好多好多箱嘢未拆，周圍都係嘢，間屋完全唔見得人！呢幅相其實係我哋用 AI 繪圖做出嚟，輸入我哋想要有嘅元素嘅字眼，譬如聖誕佈置、聖誕樹、暖色、蠟燭等等，試好多次 AI 就幫我哋畫咗呢幅無論個內容、角度、顏色都啱用嘅「客廳」出嚟！然後我坐嗰張梳化就係喺朋友屋企度影嘅，最後將兩幅相合成埋一齊就變成呢個成品。我見我嘅豪殼們都好似幾滿意，自己設計呢個海報又可以畀我重操吓故業，令我都好有滿足感。」原來啟豪不單止唱歌好聽，設計和創意也有一手，難怪他那麼受一眾豪殼之愛戴。

音樂會海報

啟豪同時表示：「我連平時自己睇演唱會都唔捨得用咁多錢出嚟買飛，無諗過有人會為自己毫不考慮攞咁多錢出嚟去聽自己唱歌，所以我會把握每一分每一秒去預備好呢個音樂會，無論喺揀歌、娛樂性同創意上都會全力以赴，唔好令嚟支持我嘅朋友失望。」相信豪殼聽到都非常期待啟豪和他們這個冬日約會！

羅啟豪親自設計音樂會海報。

由新城知訊台主辦、愉景灣全力支持的「聖誕音樂會 Best Music · Best Taste」於昨日（12月26日）Boxing Day在愉景北商場熱鬧舉行，雖然氣溫急降，但絲毫不減粉絲的熱情，大批粉絲冒著寒風高舉應援牌到場支持偶像，場面相當熱鬧。邀得周吉佩（吉吉）、羅啟豪，以及女子組合Beanies與IdG Bubbles獻唱，更與現場歌迷互動玩遊戲，並送上寫滿聖誕祝福的心鎖，傳遞愛與關懷，用歌聲為大家打氣，場面溫馨又熱鬧。

周吉佩、羅啟豪、IdG Bubbles及Beanies出席愉景灣聖誕音樂會。

Beanies青春登場
女子組合 Beanies 三位成員 Kay（李凱翹）、阿左（陳樂頤）、Jaime（張天穎）率先亮相，分別獨唱展現個人魅力，再合唱一曲。她們更邀請粉絲上台玩遊戲「扮靚靚」，笑聲不斷。

Beanies

IdG Bubbles活力爆發
接著登場的 IdG Bubbles 一口氣又唱又跳三首歌，活力爆發。之後與觀眾玩問答遊戲及繼續派「福利」演唱聖誕歌，氣氛高漲。

羅啟豪真摯互動
羅啟豪以清唱聖誕歌開場，再揀選幸運粉絲上台玩遊戲，講出關於聖誕的事與物，講得最好的幸運兒獲得大獎，就是與啟豪合照。

IdG Bubbles

周吉佩壓軸登場　親民落台在粉絲面前演唱
壓軸的周吉佩同樣先清唱聖誕歌，之後親民落台，在粉絲群前面近距離演唱，大批粉絲爭相握手及拍照，吉吉親切得來者不拒，逐一握手，對粉絲來說這是今個聖誕收到最寶貴及興奮的聖誕禮物。吉吉並與粉絲玩「吉吉聖誕大電視」遊戲，吉吉親自做動作，參賽者鬥快估出答案，十分搞笑。

周吉佩

心鎖傳情
活動中，歌手們送上寫滿聖誕祝福的心鎖，象徵愛與關懷，與全場觀眾在歌聲與歡笑中度過難忘的 Boxing Day。

周吉佩與fans合照。