準備結婚半周年紀念求教兄弟 陳家樂遭豬隊友朱柏康岑珈其靠害

面對結婚周年紀念日，陳家樂向好兄弟朱柏康及岑珈其求教，結果激嬲老婆連詩雅！

由陳家樂「主演」、老婆連詩雅（Shiga）聲演的生活日常短片—「揀乜都死」系列，繼「半夜洗衫煩匘」及「男人放狗」後，最新上架的是「當身邊兄弟係豬隊友」，兩位豬隊友分別是於電影《不日成婚2》中飾演家樂的好兄弟朱柏康及岑珈其，笑料十足。

陳家樂與連詩雅已經結婚半年。

陳家樂、朱栢康、岑珈其在《不日成婚2》中再度兄弟圍爐。

短片分為上下兩集，Shiga問正在打機的家樂準備好明天結婚周年紀念日沒有，家樂表現得若無其事，更胸有成竹表示自己已一早準備好，鏡頭一轉，家樂迅即跑入廁所找兄弟求救，兩位兄弟二選一，他先找朱康，朱康一口答應，家樂鬆一口氣走出廁所時，Shiga便拿着電話播放朱康的voice message，「個衰仔又係衰嘅，有乜理由咁重要嘅嘢唔記得先得㗎，唔記得都唔緊要，仲要搵兄弟嚟幫手，自己又唔搞，不過唔緊要呀阿嫂！你鍾意食乜嘢呀？我可以幫你book位呀……」完美踢爆家樂，Shiga怒氣沖沖叫道：「陳家樂！」嚇到面青的家樂表示又肚痛，乘機返回廁所諗計。

影片截圖

影片截圖

影片截圖

下集家樂找了珈其幫拖，珈其醒目表示交給他安排，「都係燭光晚餐，有花有酒有肉有蠟燭啦，係嘛？得啦，即刻幫你搞！」聽到珈其的詳細安排，家樂又鬆一口氣。結婚半周年紀念日當日，家樂西裝骨骨開門收外賣，返到屋內打開外賣時，包括有白色菊花、拜神雞及燒肉、燒酒、拜神的紅色蠟燭、拜神生果及果盤，Shiga見到馬上扯火，「陳家樂！我未死喎！你拜山呀！」更將整束菊花擲向家樂。最後家樂無奈表示：「其實揀咩吖，兩個隊友都係豬嚟㗎啦！」

影片截圖

影片截圖

影片截圖

影片截圖

影片截圖

Shiga：「繼續互相包容，互相愛護，一齊成長。」

連詩雅（Shiga）今日（4月24日）在IG貼上與陳家樂的中、西式婚照和短片，慶祝二人結婚一周年（紙婚）。

連詩雅（Shiga）與陳家樂在去年4月24日舉行婚禮。

今日（4月24日）適逢兩人結婚一周年。

Shiga發表愛的告白：「A year ago today，眨吓眼就過咗一年，好似係尋日嘅事，緊張咗一整日，事前好多嘅功夫，但係望返轉頭，覺得係個一世都會記得嘅回憶。轉下眼我哋將踏入另外一個身份，希望一切都順利，一家人開開心心，身體健康，繼續互相包容，互相愛護，一齊成長」！

襯到爆！

兩人在2020年被爆因合作拍攝TVB旅遊節目《12個夏天》而擦出愛火。

2022年6月陳家樂向連詩雅求婚成功，地下情亦終於修成正果，兩人去年4月正式拉埋天窗！

Shiga與家樂於今年元宵節宣布造人成功，現已懷有6個月身孕的詩雅，仍然繼續工作。早前Shiga曾在IG公開「返工mode」同「放工mode」的近照，見她手腳依然纖幼，完全是肥胎唔肥人！

今年2月更宣布造人成功。

最美孕婦！