像我這樣的愛情｜陳家樂減磅演出全裸上陣與廖子妤大膽挑戰尺度挑戰親密演出

娛圈事

像我這樣的愛情｜陳家樂減磅演出全裸上陣與廖子妤大膽挑戰尺度挑戰親密演出

2025年11月27日 14:00 最後更新：14:01

由英皇電影出品，愛情電影《像我這樣的愛情》將於11月27日正式上映，由關錦鵬與管東銚監製、譚惠貞執導兼編劇，金像獎最佳女配角得主廖子妤及陳家樂首度攜手合作主演，電影早前入選第38屆東京國際電影節「女性賦權」單元，備受當地傳媒關注，更火速成為網絡話題。電影公司發布的正式海報，直接宣布電影級別獲評為III級電影，只適合十八歲或以上人士觀看。

有別於一般愛情故事，今次二人的背景更添一重需要與被需要的關係，其中，家樂首次扮演性義工角色：「今次我飾演嘅角色叫阿健，佢係一位性義工嚟嘅，佢會為一啲有殘障嘅人士提供一啲性嘅服務。」；而Fish 戲中正是飾演被家樂服務的對象：「我飾演嘅角色叫做阿妹，係一個腦性麻痹嘅患者，佢唔會因為自己身體嘅殘疾或者一啲障礙，令到佢對於呢個世界產生絕望。

點擊看圖輯

《像我這樣的愛情》正式海報

《像我這樣的愛情》劇照

Fish及陳家樂為電影奉上許多第一次，大膽挑戰尺度，二人全情投入追求愛情。互相碰撞出一段深入關係，更於片中帶來超親密演出，而家樂甚至減磅演出全裸上陣，家樂坦言今次接拍的角色跟自己愛情觀有極大反差：「呢種愛情嘅感覺同我自己完全唔同，我自己對愛情嘅感覺係好肯定，所有嘢都會好確定，而戲中角色對於愛情好模糊，直到遇到阿妹畀到一種感覺，令佢疑惑咪愛情，因為有一種好特別嘅感覺。

而Fish亦形容這部電影是非一般：「呢一個其實真係一個非一般嘅愛情故事，因為佢哋嘅相遇係一種服務對象與受助對象嘅關係。加上溝通上面都有啲困難啦，因為阿妹有一啲語言障礙嘅，未必係下下都可以講得好快啊，又或者講嘢嘅聲線唔係好清楚啊，呢啲障礙都會令到呢段關係唔係好似一般人談戀愛咁樣去發生。

至於導演兼編劇譚惠貞亦剖白創作心聲，寄望觀眾以欣賞愛情片的期望進場欣賞：「我作為創作者或者導演，初衷係想拍一個愛情故仔，我寫完個劇本覺得佢哋兩個之間係愛情嚟嘅，無論佢哋到最後個結果係點，無論個男仔有冇鐘意個女仔，無論個男仔對佢所做嘅一切係真心定係純粹服務，對於我嚟講呢段都係一段愛情。

往下看更多文章

廖子妤觀晚裝想攞「最佳衣著獎」 Elka@LollyTalk單飛出席活動

廖子妤（Fish）、趙君瑜（Angelina）、鄭芷淇Elka@LollyTalk、林千渟、黎紀君（Christy）日前出席時裝品牌Maje活動。Fish以一身極具品牌特色的純白色通花長裙亮相，成為全場焦點。搭配簡約的銀色飾品與乾淨俐落的髮型，更顯大方得體，完美演繹了Modern Parisian chic的優雅魅力。

入圍金像獎最佳女主角的廖子妤表示，正忙於挑選晚裝出席頒獎禮，揚言要艷壓群芳奪「最佳衣著獎」：「我每一年度，無論係頒獎嘉賓好啦，又或者係有份提名都好，我都會好希望係靚嘅。我好想攞『最佳衣著獎』啊！依家開始度緊啲多謝感言，即係萬一咁好彩可以得到呢個獎，我都有好多人要多謝！上次喺香港電影評論學會頒獎嘅時候，我嗰時其實係冇準備到嘅。如果嚟緊再得獎，我一定會發台瘟。我由幼稚園第一次上台，即係扮太陽花嘅時候，我已經發緊台瘟喇，但唔知點解我都係依然好愛表演，同埋好愛上台嘅。」

Elka@LollyTalk 表示現時成員各有各忙，佢仲自爆屬購物狂。家中衣櫃已「打爆」：「因為我而我搬咗新屋，已經係打爆到我真係買唔到衫㗎喇。因為有好多衫只著過一次，已經唔係好想著，而且 keep 住想買一啲新衫！」佢表示過往 LT 形象百變，現「單飛」可以已變新想像：「我諗任今年試吓長頭髮，因為出道 4 年都保持短髮，早前工作駁髮發現效果不錯！」這日 Elka 「單飛」出席活動，她表示懷念與隊友開工點滴：「我又唔會話唔捨得嘅，因為我哋得閒嘅時候都係會聚埋一齊食飯嘅。但係我會覺得有時可能出席啲活動時，冇咗佢哋咁嘈囉，因為佢哋以前化妝真係好嘈，我對耳仔係疲勞轟炸，但我又幾鍾意呢種感覺嘅。希望大家咁多位多啲搵我哋做嘢，我哋就會出現㗎喇。」

而趙君瑜 Angelina 剛由「試當真」轉會到古天樂旗下，佢就過新年時已向「新老闆」拜年逗大利是，但一瞬間已「反輸」：「我哋玩『射龍門』，其實古生已經好錫住我哋玩㗎喇，但我都輸咗。但唔緊要，都係玩開心啫。」Angelina 表示現階段適應新公司，希望以演員方面發展。

你或有興趣的文章

像我這樣的愛情｜陳家樂減磅演出全裸上陣與廖子妤大膽挑戰尺度挑戰親密演出

娛圈事