陳家樂星光大道客串店長 sell經典校刊勾起中學回憶

英皇娛樂於尖沙咀星光大道的「EEG 25+ 限定店」昨日（4月17日）突然出現一位星級店長、就是將於明天（4月19日）舉行的香港電影金像獎中，有份各角逐最佳男主角的陳家樂。這次他客串做一日店長，現場逼到水洩不通，fans及遊客爭相舉機拍照，場面墟陷。

陳家樂現身尖沙咀星光大道的「EEG 25+ 限定店」客串做一日店長。

fans及遊客爭相舉機拍照，場面墟陷！

當日家樂非常稱職，落力推銷到聲嘶力竭。原本不少粉絲到限定店已經鎖定目標，不過被家樂三寸不爛之舌一出：「呢個袋得返好少咋！」、「呢本校刊唔買一定後悔！」、「呢塊歌詞鏡真係一定要買。」結果個個都乖乖加碼，買多幾樣周邊才肯離開，家樂亦十分識做，有求必應，除了於「校刊」上簽名，亦逐一跟客人合照，生意立即。

陳家樂落力推銷到聲嘶力竭。

陳家樂

陳家樂

最搞笑是當遇到講普通話的顧客時，家樂即刻使出渾身解數，講出極度地道的「港普」——「呢個……好靚，你……要唔要？」發音同語調都充滿香港特色，現場工作人員及fans忍唔住爆笑。可能是緊張過度，家樂愈落力就愈好笑，但反而令氣氛更歡樂，顧客都大讚他十分可愛。

陳家樂

陳家樂

事後，家樂搞笑話：「我以為做店長好簡單，點知原來要不停講嘢，要腦筋急轉彎睇吓可以點樣sell多啲產品出去。仲有收錢，我又唔係好識用部機，整整吓成部機反起咗，我以為自己整爛咗，好彩現場店員幫手一cup就cup番好，爭啲以為自己食嘢唔做嘢，做嘢打爛嘢，嚇死我，哈哈。」他更謂，見到本《Yes!》校刊，即刻回憶返晒嚟，「嗰啲係我中學時期嘅回憶，估唔到而家可以喺自己公司嘅展覽買到。」

陳家樂

陳家樂

文創產業發展處（文創處）與香港電影發展局率領業界香港代表團前往法國康城影展，陳家樂獲邀以香港演員身份參與，推廣香港電影。首次踏足康城的家樂，全程表現興奮，更同韓國女神全智賢有近距離接觸，認真恨死隔籬。

文創處與香港電影發展局率領業界香港代表團前往法國康城影展。

陳家樂獲邀以香港演員身份參與，推廣香港電影。

踏足國際影展，家樂指完全沒有壓力，「今次所有事情都非常新鮮，我自己感覺非常榮幸及興奮，耳目一新。」完全是享受多過緊張。至於事前準備，家樂坦言有做定功課，「去之前有留意有邊一個國家嘅影星或者電影會嘅喺康城出現，希望可以工作於娛樂。」可惜時間不夠用，「最終因為時間有限，只能夠睇到全智賢的新電影。」

陳家樂

家樂形容康城影展環境非常chill，令人容易投入。提到整個旅程最難忘的時刻，他立即眉飛色舞，「最難忘一定是在Korean Night派對上認識全智賢，我哋仲有簡短對話及握手，公司同事非常妒忌。」至於出席全智賢新片《屍殺禁區》康城首映禮行紅地氈，家樂依然回味，「有機會可以參加呢套電影嘅紅地氈及全球首映，當然非常興奮。」首映禮現場，家樂亦跟女神有互動，「當晚當然有見到真人，我哋亦有四目交投嘅一刻，佢非常友善向我點頭微笑，我興奮到瞓唔着。」

陳家樂

陳家樂

這次是家樂第一次去康城，他特別感謝香港文創處的安排，「行程由落機一刻至回港前一晚排到滿晒，非常充實。」離開康城前，團隊終於有幾個小時空檔，大家開心聚在一起大刷海鮮餐，又去了古城影靚相。家樂話：「離開前最後一刻再食多一杯雪糕，為今次旅程畫上圓滿。」

陳家樂

陳家樂

陳家樂