暖心的廣播，隨即贏來不少乘客掌聲！
打工仔開心暢遊日本幾天，轉眼間又要回港準備返工，難免心情低落。日前有香港快運乘客在社交媒體上載一段特別的機艙廣播，傳來空中服務員用廣東話親切地問候各位乘客，勸喻大家不要傷心難過，明白大家早前乘搭香港快運航空前往大阪、東京和名古屋等，之後要返港繼續工作，更提醒翌日香港氣溫會降至7度，叫大家「早啲休息，聽日再着多啲衫，好好上路」、「各位返工加油」。暖心的廣播，隨即贏來不少乘客掌聲！
資料圖片(圖片來源:星島日報)
有乘客日前在社交媒體上載了一段影片，影片中可見飛機降落機場後，正在跑道上緩緩移動，隨即聽到一段很特別的機艙廣播，一把來自男空服員的聲音，以廣東話「安慰」乘客們「唔好太過傷心同埋難過」，「始終你哋啱啱去完大阪，跟住又要搭我哋香港快運去到東京啊、名古屋咁樣」，但明白大家「返工搵錢係無可避免嘅」， 不過宣布「好遺憾嘅係聽日嘅溫度會跌到落7度」，最後他暖心提醒大家「早啲休息，聽日再着多啲衫，好好上路，好各位返工加油」，隨着「拜拜」聲一落，機艙內即有乘客為這段暖心的特別廣播拍掌。
在 Instagram 查看這則貼文
上載者指自己回程當日有點不快，「全日都好灰好崩緊」 但感謝航班安全着陸後送上幽默且窩心的祝福 ，「落機心情稍稍轉好，起碼全日第一微微笑番」。影片一出，亦引來不少網民關注，大讚機長的廣播好窩心，不過後來網友澄清並非機長，亦有同班機的乘客留言，指此是乘務長的廣播。
IG影片截圖
IG影片截圖
網民紛紛笑言「係咪植入式廣告？不過唔錯」、「好鍾意佢咁廣播喎，夠親切」、「人哋咁開心玩完，點解咁快提人返工？」、「有料」、「終於聽到廣東話幽默既廣播喇 我支持呀」、「真係幾幽默，好難得」。不過亦有網民留意到廣播句子的用詞「可唔可以唔好用『上路』....點解un 耳。。。我都係鍾意聽番d 專業機師嘅正常廣播，佢咁樣覺得講多咗，好唔pro」、「好好上路 開飛機咁講好咩」不過有同班乘客對乘務長的用詞一笑置之「我上星期福岡返黎都係佢，佢仲話問咗幾個小朋友都未做曬功課，叫佢地快啲做埋佢「時日無多」，大人唔好為咗去福岡搞到第日工都唔返，大家聽日繼續安心上路」
IG影片截圖
