《HOME即是識》Eric Kwok被踢爆對「AV」好熟悉 率領XiX大放笑彈

Eric Kwok同XiX玩遊戲好落力！

由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！

陳若思（左起）、森美、馮盈盈擔任主持。

Crystal（左起）、Vici、Kiele同埋Eric Kwok擔任嘉賓。

今（5日）、明（6日）晚是第六輪初賽，藝人隊是Eric Kwok+良玳瑩Crystal＠XiX與莊殷玥Vici＠XiX +鄧曉殷Kiele＠XiX，素人隊則有Jessica+Tammy、柏遨+Cathy、Tracy+Ricky和Michelle+Gary。Eric Kwok透露早年在美國生活，閒時會幫媽媽打理花園，他說：「11、2歲就要喺花園掘泥，自己駁水管、鋪草，最大鑊係要隊冧田鼠！」Eric Kwok再傳授「恤衫不皺」大法，他說：「係我Daddy教我嘅，唔想着恤衫皺，就要將成件恤衫攝喺底褲入面，穿過條底褲！」人仔細細的Crystal、Vici和Kiele自認有幫屋企做家務，Vici大大聲說：「有做過幾次囉！」笑到大家碌地！

Michelle（左）+Gary

柏遨（左）+Cathy

Jessica（左）+Tammy

Tracy（左）+Ricky

遊戲環節繼續搞笑，第一輪選擇題已經火花四濺，森美和Eric Kwok為了一條關於女性健康的問題拗到爭持不下，激到Eric Kwok大拋金句回敬森美：「你唔可以judge the person by the book！」另邊廂，鬼馬的Kiele和Vici多番出貓偷睇Eric Kwok答案，最終被Eric Kwok實名舉報，場面搞笑。之後的動作題同樣好玩，Eric  Kwok和Crystal要合力鬥快打開拉環斷了的汽水，Eric Kwok拿着一卷保鮮紙死鋤爛鋤都打不開，相反Crystal單靠一張紙便輕鬆解決，搶盡風頭！最終的動作題揭示了Wasabi加入砂糖會變得更辣，輸掉遊戲的Eric Kwok接受大懲罰要吃下加了砂糖的Wasabi，Eric Kwok不單食到面都青埋，額頭更青筋暴現，他說：「辣咗20至30%！」認真誇張。

Eric Kwok傳授「恤衫不皺」大法，就係將恤衫攝入底褲入面，勁搞笑。

睇呢張相就知氣氛有幾咁熱鬧。

Eric Kwok拍住Crystal玩遊戲。

Kiele 、Vici被踢爆出貓𥄫答案。

大家玩遊戲好落力。

Eric Kwok好暴力咁款，Crystal淡淡定有錢剩。

終極回合搶答題戰況激烈，Eric Kwok極速答中一條關於電視螢幕的問題，森美笑言：「你對啲AV產品比較熟，唔係淨係AV！」Eric Kwok即怕醜仔上身耍手否認，森美即揶揄他：「你杯弓蛇影做咩啫，此地無銀三百兩！」另邊廂，身為醫生的Cathy則憑住專業知識瘋狂答中問題，表現精靈的Vici則頻頻「跳掣」撞中答案，想知道哪一隊最終殺入決賽？密切留意《HOME即是識》。

Eric Kwok食加辣Wasabi搞到青筋暴現。

森美同Eric Kwok係咁鬥嘴。

Eric Kwok爆出金句。

Eric Kwok被笑指對AV產品好熟悉。

Cathy後勁凌厲。

Eric Kwok狠批胡家健台風騎呢！

《香港歐化飛鷹活絡油呈獻：中年好聲音3》周日（29日）晚上8時30分翡翠台播映，評審團除了固定班底外，今集起Eric Kwok（郭偉亮）將出任嘉賓評審，谷婭溦、韋綺姍和謝文雅擔任導師，還有兩位資深音樂人張崇德、張家誠出任團戰導師，賽前為選手給予意見。

李創偉、善玥澄、楊炳德、李金凱、陳溢光演出《大熱》。

李金凱跳出框框跳唱快歌。

善玥澄一改以往溫柔婉約形象，非常新鮮！

楊炳德（左）、李金凱

李創偉

陳溢光

肥媽大讚好有隊形。

大灣區杜閱＋陳嘉琦、新馬區劉家溢復活
除了香港賽區、大灣區及新馬賽區32位選手成功晉級之外，3位新馬區及大灣區選手亦被復活，分別是兩位大灣區「我最喜愛選手」杜閱和陳嘉琦，及新馬區「我最喜愛選手」劉家溢。新一回賽制，35位選手分為7組，選手按晉級次序從7首指定歌曲中選歌；每位評審最高可給每一組20分，另邊廂下一回合導師分組賽的三位導師谷婭溦、韋綺姍和謝文雅，會在後台憑聲音盲選揀學員（每位導師最多可選三位），每撳燈一次可為該團戰演出加1分，而該團戰組別亦可獲得免淘汰資格。

周國豐好欣賞李金凱跳出舒適圈呢份精神，不過就勸喻佢唔好亂咁挑戰自己…

周國豐好欣賞李金凱跳出舒適圈呢份精神，不過就勸喻佢唔好亂咁挑戰自己…

「翻版譚詠麟」楊炳德亦成為評審焦點。

Eric Kwok點名話幾鍾意譚詠麟版嘅《大熱》！

胡家健、高菲、梁春茹、蕭偉倫、劉家溢演出《知心當玩偶》。

賽前曾到胡家健養豬場練習。

台風遭Eric Kwok狠批騎呢。

劉家溢被指似動漫人物。

團戰歌單如下：《傾城》陳芷盈（隊長）、林立峰、蕭樺堅、尤詩郡、郭偉倫；《小幸運》張與辰（隊長）、侯靜伊、陸東成、劉曉昆、宗倩如；《大熱》李創偉（隊長）、善玥澄、楊炳德、李金凱、陳溢光；《到底發生過什麼事》黃博（隊長）、任永健、羅逸軒、杜閱、陳嘉琦；《知心當玩偶》胡家健（隊長）、高菲、梁春茹、蕭偉倫、劉家溢；《我的歌聲裡》劉洋（隊長）、趙浚承、曹越、何平秋、王鄭浚仁；《冷雨夜》莫麗淇（隊長）、劉傳民、阮慧珊、Dan James、張家豪。

蕭偉倫

胡家健

高菲

梁春茹

大家點睇呢？

胡家健被張佳添指舞蹈生硬，繼譚輝智之後係最有娛樂性嘅一個！

胡家健被張佳添指舞蹈生硬，繼譚輝智之後係最有娛樂性嘅一個！

每組表現各有特色，其中最搶焦的舞台演出，必定是任職舞蹈老師「翻版沈震軒」李創偉帶領下組員演出快歌《大熱》的一組，五人穿著黑紅色戰衣上陣，跳出框框落力演出，尤其因觸電意外雙臂截肢的李金凱，大膽挑戰唯一的快歌，意志和膽識令人敬佩，周國豐表示很欣賞李金凱跳出舒適圈這份精神，但勸喻他切勿亂挑戰自己：「你仍然用緊慢歌嘅方式去唱快歌，唱功方面有唔少瑕疵，唔好亂咁挑戰自己。」同組的「翻版譚詠麟」楊炳德亦成為評審焦點，肥媽直言：「冇諗過假譚詠麟可以咁跳，好有隊形！」Eric亦大讚：「幾鍾意譚詠麟版嘅《大熱》，唔係妖，而係機械版黑武士，好用力。」

梁春茹被Eric Kwok指撞樣日本公仔。

梁春茹被Eric Kwok指撞樣日本公仔。

張崇德、張家誠出任團戰導師。

相反，「養豬人」胡家健帶領下演繹的《知心當玩偶》似乎相當強差人意，Eric直指走音甩beat之餘，更狠批台風騎呢：「家溢跳舞，好似睇緊漫畫咁；家健，好似有隻蚊嬲緊佢；春茹，好似日本公仔睇唔到眼白；唯獨爭偉倫，高大靚仔，騎呢唔到。不過就係四個都騎呢，忽然有個唔騎呢，就更加騎呢，成件事冇一個合體！」張佳添也指胡家健舞蹈最生硬，娛樂性拍得住《中年2》的譚輝智：「目光不斷擺佢身上，好可愛，臨尾不斷loop同一個手勢，繼譚輝智跳舞之後，最有娛樂性嘅一個。」而當晚將繼續進行殘酷淘汰，五位選手將會被foul，密切留意周日晚播出的《中年好聲音3》！

三位新馬區及大灣區選手復活，分別係劉家溢、杜閱和陳嘉琦。

谷婭溦、韋綺姍和謝文雅將出任下一回合導師分組賽嘅導師。