張馳豪聯同盧信宥、女團XiX熱唱舞動 方玉亨率6大舞團大跳K-POP迎萬聖節

萬聖節將至，將軍澳東港城昨日（10月26日）舉行「哈囉歌舞盛典」，有跳唱星級嘉賓張馳豪（Aska） 、盧信宥（Ash） 、XiX（Charlotte /Crystal/Caitlin）﹑及Atilla Fong方玉亨@Project 7聯同4位練習生一起表演。表演舞團星及舞團IDream Crew@DCKIDZ聯同充滿活力的參賽舞團9nymph ﹑PIXEL HK﹑I AM ﹑Delighted official﹑Bloom﹑Whynot，一齊大跳K-Pop舞蹈high爆全場！

將軍澳東港城昨日舉行「哈囉歌舞盛典」。

將軍澳東港城昨日舉行「哈囉歌舞盛典」。

盧信宥、XiX、張馳豪

「東港城哈囉歌舞盛典」由新鴻基地產（銷售及租賃）代理有限公司租務部副總經理吳小偉先生出席與表演歌手及舞團大合照揭開序幕，場面非常熱鬧和鼎盛。Aska、 Ash率領Dancers施展勁歌熱舞，Ash更首度在香港演唱新歌由韓國製作團隊打造的新歌「Gamer」。XiX亦悉心打扮，充滿萬聖節色彩！XiX說今年萬聖節想扮Eric Sir，Eric立刻表示是否他很恐怖要扮他。

XiX

歐陽妙芝兒子Atilla首次出席商演，在東港城大展舞技跳舞，心情興奮！Atilla想去不同地方開Fans Meeting，剛去了日本，希望下站可以馬來西亞，而他難忘去年在韓國，跟同樣比賽的學員在宿舍Dress Up後不能外出只能跟學員一起度過。

Atilla Fong方玉亨

另外，Ash表示十分喜歡萬聖節，但由於馬來西亞天氣太熱，以前大家不會熱衷扮鬼扮馬慶祝萬聖節，反而多到主題樂園鬼屋被驚嚇一番，近年馬來西亞開始興起萬聖節，小朋友都扮鬼扮馬到各家各戶問鄰居拿糖。

盧信宥

至於Aska亦好開心，可以在台上面唱新歌《山系戀人》給大家聽，因為而家忙緊拍劇，所以今年不知道有沒有機會在萬聖節時同朋友出去玩，不過見到好多觀眾都精心打扮來到現場，所以當提早過萬聖節。

張馳豪

學校IDream Crew（當中包括張繼聰謝安琪囡囡Kakaball）和6隊K-Pop舞團為現場帶來連場歌舞盛典氣氛高漲 。 活動最後由Aska 、Ash 、XiX﹑及Atilla為活動頒發「最佳服裝」、「最佳舞台表現」、「最佳團體默契」獎下完滿結束 。

IDream Crew

大合照

大合照

Kiele、Crystal、Caitlin 與 Charlotte，XiX 這四位最重視〈SiS〉友情的小女孩，踏入娛樂圈，領會以〈Pretty Good〉心態守着自我價值；經歷開始對異性產生興趣的〈A0.5〉、大叫着〈你唔明㗎喇〉爭取自由後，終於踏入成人世界。

香港女團XiX推出數碼專輯《The Pretty Good Journey》，收錄〈SiS〉、〈Pretty Good〉、〈你唔明㗎喇〉等多首作品，記錄四位成員由出道到踏入成人階段的成長歷程。

明白到世界現實一面，原來很多事情控制不了。好友要離別、愛人要分手、青春要逝去，捉也捉不住。但你可以搶走我的一切，卻搶不走我的微笑，這是唯一可以永遠掌握，用來擊敗世界的武器。

新歌〈微笑擊敗全世界〉由經理人Eric Kwok親自操刀剪接MV，以夕陽美景襯托XiX的「暫別」與祝福。

Eric Kwok 表示，「笑」是 XiX 在云云女團中最特別之處。「佢哋咩都可以笑一大餐，而呢份歡樂經常都感染到一齊做嘢嘅人。」故今次〈微笑擊敗全世界〉的 MV，就將 XiX 如此可愛的日常記錄下來，並由這位既是經理人，也是看着 XiX 成長的導師，親自操刀剪接，作為送給 XiX 的禮物。

MV 拍攝當日，天公造美，遇上無限好的夕陽。夕陽是一日的完結，也帶着對明日的期盼。彷彿上天回應 XiX 的暫別，也祝福她們有燦爛的未來。

XiX將於7月18日假西九文化區舉行首次演唱會。

Kiele：「用微笑擊敗全世界，我覺得呢一句同呢首歌幫咗我好多，我一直都係會被壓力壓倒嘅人，無論係自己畀自己嘅壓力，定係生活嘅壓力。要認清呢個世界有嘢係你控制唔到，呢件事喺我內心掙扎咗唔知幾耐。呢首歌對我意義重大，佢唔只係一種說法，係一種態度，一種看待世界嘅方式。有時候事情唔到我哋控制，無論係壓力定掙扎，任何嘢，但唯一可以控制嘅就係你嘅心態，我點樣去看待目前嘅處境。比起半杯水係半空，我會看待成半滿。呢首歌對我嘅意義，除咗因為佢係一首好好嘅歌，仲因為佢真係幫咗我好多。呢首歌好 sweet 好窩心，但係佢都提醒咗我有時要退一步話俾自己知，唯一可以做嘅就係微笑以對生活所有事，有時你就只需要呢個態度。」

Caitlin：「呢首新歌嘅風格好唔同，亦都係我比較擅長嘅，所以錄音嘅時候好開心好自在。 拍 MV 嗰日都好好玩，尤其係踩單車嗰部分！我之前學極都學唔識，但係有咗 XiX，導演，Eric Sir，同埋成個團隊嘅支持，我最後成功踩咗 9 秒，簡直係超越咗自己～好感恩有呢個機會，同埋都好期待可以分享呢首有啲美國 Broadway Feel 嘅慢歌，希望大家鍾意啦！」

XiX數碼專輯《The Pretty Good Journey》

Crystal：「今次拍 MV 真係好開心，因為唔使好攰咁樣係咁跳舞哈哈，我哋嘅職責就係露出我哋嘅微笑食嘢、踩單車、行街，做我哋平時女仔約會鍾意做嘅嘢，仲有一直以來想做嘅嘢，就係教 Caitlin 同 Charlotte 踩單車，同埋幫 Charlotte 剪頭髮，仲有俾佢哋幫我洗頭，所以成個拍攝過程真係好好玩，我好 enjoy！」

Charlotte：「呢首歌係咁多首 XiX 嘅歌入面對我嚟講最大挑戰嘅一首歌，特別係錄音過程令我最深刻。同埋今次 Kiele 一返到嚟香港就即刻主動陪我一齊練呢首新歌，幫咗我超級多，錄音嘅過程當中 Eric Sir 都令我對喺唱歌表達情感呢一方面學到好多嘢。今次拍呢個 MV 嘅成個過程都好歡樂同埋好享受，一齊掃街同埋嘻嘻哈哈，特別係拍同 Caitlin 學踩單車。雖然我仲未學識，但係有其他三個成員喺隔離陪住我踩嘅感覺好開心！玩到出晒汗！」

Track List:
1. SiS
2. Pretty Good
3. Miss You Much
4. 你唔明㗎喇 (Remix)
5. 你唔明㗎喇
6. A0.5
7. 微笑擊敗全世界