Mayanne小喇叭｜50歲森美大談「性能」呻爆遭老婆無視 大膽自白「有時都想曳吓」

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。

東張六大女神之夜！

由麥美恩（Mayanne）擔任主持、曾展望擔任助理主持的清談節目《Mayanne小喇叭》，乘勢追擊加推「加長版」篇章第二擊，並於明晚（15日）8點翡翠台播映，延續小喇叭精神。本集邀請《東張西望》六位女神吳幸美、李旻芳、何沛珈、梁敏巧（Maggie）、陳懿德（德德）及黎寬怡（貓仔），分享採訪辛酸史，及工作期間遇過的奇聞逸事，內容笑中有淚。

今集嘉實係《東張西望》六位女神（左起）：梁敏巧（Maggie）、何沛珈、吳幸美、黎寬怡（貓仔）、陳懿德（德德）及李旻芳。

Mayanne、曾展望

貓仔撞樣吳幸美竟是成為《東張》一份子的原因？！

節目中，六位「東張女神」輪流講出自己勝任《東張》主持崗位的重要元素，李旻芳自覺勇字行頭，甚麼都肯做；Maggie和德德入行前則同樣做過記者及小編；貓仔笑言可能樣貌與元祖級「東張女神」吳幸美相似，不時被認錯為對方；何沛珈更激罕公開面試時監製其中一條問題：「佢問我驚唔驚曱甴、老鼠，我話連屍體都唔驚。」自認夠貼地、在街坊心目中似女兒般親切的吳幸美，對於當年做「測試專員」試飲「斷片酒」成代表作，幸美坦言曾擔心被指扮醉，並澄清當時真的喝醉：「條片係想嘗試話畀大家聽，女仔飲咗酒有機會有危險，後尾條片畀政府買咗嚟做宣傳教材。」

吳幸美自認夠貼地，曾被街坊指像女兒一樣親切。

李旻芳勇字行頭，咩都肯做！

Maggie同德德入行前做過記者及小編，零舍有份使命感。

Maggie同德德入行前做過記者及小編，零舍有份使命感。

貓仔成日被認錯做吳幸美（左），並笑言呢個係可以加入《東張》嘅原因。

李旻芳都試過被人認錯係幸美！

幸美當年試飲「斷片酒」嘅片段，被政府買咗嚟做宣傳教材

談到《東張》主持不時要深入「鼠」穴及曱甴屋採訪，貓仔和Maggie曾體驗過老鼠和曱甴發出的360度「環迴立體」聲效，而且已懂得分辨垃圾、曱甴屎甚至死老鼠的氣味；她們又指追訪期間不時遇上驚險事，旻芳透露有次到圍村拍攝，攝影師遭惡人叉頸兼粗言穢語問候，對方更向她作出恐嚇，旻芳坦言當時覺得生命受到威脅：「第一次拍嘢拍到腳軟！但當時做緊嘢已入咗working mode，就算佢哋咁樣對我哋都繼續。」貓仔則憶起到元朗大橋街市採訪「蛋蛋姐」經驗，當時有指「蛋蛋姐」曾擸刀刺大伯，而且檔口總插著一把菜刀，故採訪帶有一定危險性，貓仔說：「當時要確保電視框入面見到我同佢，又唔可以畀佢拮到，睇住有咩動靜要即刻彈走！」

何沛珈唔單止唔驚曱甴、老鼠，就連屍體都冇有怕！

Maggie曾深入「鼠」穴及曱甴屋採訪，真實體驗過360度「環迴立體」恐怖聲效！

貓仔話依家識得分辨垃圾、曱甴屎，甚至死老鼠嘅氣味！

李旻芳講媽媽勁感觸

多次在屯門採訪至報警收場的Maggie，笑指在該區警署「File成呎厚」，她透露採訪大媽聚集公園賣唱時，不但遭疑似忠粉叔叔爆粗恐嚇，對方更動手推跌攝影師，並在攝影師身上抓出多道血痕：「我哋唔會主動報警，除非人生受到傷害，或有人犯法，通常係當事人報警話我哋騷擾佢，所以要記低資料。」旻芳透露母親常為其工作感到擔憂，說到此處更不禁淚水盈眶哽咽道：「每次節目出街後都會問我有冇事，聽到媽咪咁講…我哋做嘢雖然係好辛苦，但幫到人覺得好值得。」

Maggie試過見證攝影師被人推跌，兼被抓出多道血痕！

李旻芳話媽媽睇到驚險採訪片段後會好擔心，講起媽媽時更不禁感動到眼濕濕！

李旻芳見證同行攝影師被叉頸，坦言當時感到生命受威脅！

除了投訴和驚險case，《東張》亦會為有需要人士作出器官捐贈呼籲，並曾促成好事。幸美曾採訪一名20多歲女子，因心臟有事一直等待移植機會，其痴情男友一直堅持在旁守護，並希望手術成功後與她結婚，幸美憶述：「節目出街後真係有人捐心，亦冇排斥，佢哋最後結咗婚、組織咗好好嘅家庭，好感動，我哋《東張》幫到人。」做過護士的何沛珈，坦言入行後曾感到迷失，惟加入《東張》後找回初心：「透過每一次嘅case、訪問搵番初心，原來做artiste可以透過另一份工作去幫到人，搵番個意義出嚟。」

咩事聽到主持眼都凸埋呢？

「東張女神」有dress code？被指賣弄性感主持點睇？

「東張女神」正義感夠煞食之餘，她們的貼身、小背心造型亦經常備受網民關注，錄影當日Maggie一如以往穿開窿上衣亮相，德德吊帶裙亦十分吸睛，令Mayanne不禁問到「東張女神」是否有dress code！想知道一眾「女神」點答，且對被外界認為賣弄性感有何看法？密切留意明晚節目。