長沙灣米線店開業不足半年閃電執笠 貼霸氣告示掀網民熱議

連月來坊間不時傳出食店執笠的消息，日前長沙灣一間米線鋪，疑開業僅僅不足半年便匆匆結業，一眾食客在感歎不已之際，亦被店主張貼的逾百字霸氣「執笠」告示所吸引，掀起網民熱議。

FB圖片

近日有網民在「全港店舖執笠結業消息關注組」FB專頁分享一張米線店的「暫停營業」告示，該店鋪已於3月尾拉閘關門，而閘外則張貼逾百字告示，發帖的網友表示，「（米線店）開咗半年都無，仲執得咁晦氣。」而該告示全文如下：

FB圖片

「6DEE 米線屋將於 2024年3月29日暫停營業，6 DEE 米線屋:內部裝修、外部裝修，全部都要裝修。至於會否重開?幾時重開? 真係唔知道! 總之開到就一定開，開唔到就唯有到此為止，一切隨緣!!儘管如此，6DEE仍衷心、好衷心向每一 喺這段短暫的時光喜歡、認同和支持 過6 DEE米線屋的客人說聲“感謝您”」

FB圖片

FB圖片

翻查資料，該間米線店主打自選食材配搭，有多款自家製配方米線，雖然開業短短半年，但也成功收穫一眾食客粉絲。而網民們對於該霸氣十足的告示內容反應兩極，有網民直指不認同發帖網友所謂的「內容晦氣」，並認為「晦氣？唔覺喎，幽默吓啫。」「人哋咁有禮貌都話晦氣！」

FB圖片

也有網民表示不認同，「執笠都咁多廢話......」、「應該就係一開始，都係用呢啲態度待客......」不少食客對於該店鋪結業感詫異，「我送過佢地d（啲）外賣，見好似多人食，又估唔到咁快執。」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」