MIRROR衝出香港。
MIRROR前晚(11日)抵達紐約為今日(13日)在UBS Arena舉行的巡唱作準備,騷前12子更應當地FOX及CNN電視台邀請接受訪問,共由Anson Lo、Ian陳卓賢及「大表哥」Stanely邱士縉全程用流利英語回答。
點擊看圖輯
Stanley表示最想同Dame D.O.L.L.A合作
MIRROR前晚抵達紐約,大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內,前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時,Anson Lo先表示感受到粉絲對他們的支持,令他們感到非常溫暖同被愛戴,意想不到地見到咁多鏡粉接機。而當主持問及有無四圍行或者食下Pizza,Ian就話只是剛下機,睡了兩小時便急不及待到FOX接受訪問。被問到想跟誰人合作?邱士縉Stanley表示:「一定係Dame D.O.L.L.A,我哋都超級興奮,因為部份成員都係NBA球星嘅擁躉,所以能夠同Dame合作,係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看:「嘩!衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後,12子表示感到非常榮幸可以接受FOX《Good Day New York》訪問,而Anson Lo更表示「好奇妙」,「我哋以MIRROR呢個身份見識咗好多,特別係紐約,因為呢個地方真係好大,更加令我哋覺得自己好渺小,所以呢個係好好嘅第一步,令我哋更加有動力繼續前進。」而Edan亦說:「因為喺一個唔係自己熟悉嘅地方,然後要表演,仲要接受英文訪問,大家都好緊張呢次表演同訪談,但我覺得大家都好盡力做到最好。好開心有咁嘅機會,希望未來有更加多咁嘅機會。」
Sammi第10場演唱會的表演嘉賓是MIRROR成員柳應廷Jer。
天后鄭秀文(Sammi)昨晚(7月24日)在紅館舉行第10場「You & Mi 鄭秀文世界巡迴演唱會2023」(Rescheduled ),好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer,他自製迷你盲盒扭蛋機給Sammi,透露原本想整巨型薯片包,卻被COLLAR截糊,非常搞笑。
Sammi紅館騷來到節10場了!
車婉婉與囝囝
吳雨霏Kary、區文詩Angela
歐陽靖MC Jin
岑寧兒YoYo
Sammi穿上Ralph Lauren牛仔晚裝配襯閃爆Swarovski珠寶,風騷在台上自轉,問觀眾:「今日我著咗牛仔裝,正唔正呀?轉個360度畀你睇吓,係咪好婀娜多姿呢?」觀眾大叫好索。「今晚呢位嘉賓,新與唔新之間,都算新,出道咗幾年,佢嘅唱功毋庸置疑,非常之好。幾位嘉賓不約而同都要同我合唱呢首歌,唔知點解呢?」然後音樂響起《不要驚動愛情》,全場大合唱,Jer升上舞台,他們擁抱後手拖合唱,跟四面台觀眾打招呼。
Sammi再次換新裝,穿上Ralph Lauren牛仔晚裝配襯閃爆Swarovski珠寶。
Jer升上舞台與Sammi合唱《不要驚動愛情》。
2019年MIRROR初出道時曾全隊擔任Sammi紅館「FOLLOW Mi演唱會」表演嘉賓,與Sammi演唱《默契》。昨晚Sammi與Jer合唱後對他說:「嘩,數數手指,上次同台已經係2019年,嗰次算係你哋第一次上紅館。」Jer說:「係呀,嗰次同今次感覺好唔同,上次12個人,成班傻更更,有班兄弟喺身邊陪住,今次得自己一個人特別緊張。今日綵排,同老師練咗好耐,和音同埋點樣分段唱好啲。」Sammi指他好緊張,叫觀眾給他掌聲鼓勵,「諗返自己以前去一個咁大舞台,都會好驚和腳震,但我覺得你今晚表現相當之好。」
Jer指今次只有自己一個人做嘉賓,所以特別緊張。
Jer準備了禮物給Sammi:「配合返你早前出新歌《盲盒》,特登整咗個『愉快盲盒扭蛋機』,裏面有啲關於我嘅小禮物,人型公仔啦,扭蛋裏面仲有啲神秘嘢,例如字條、祝福語、零食、糖果。(嘩,有零食我就夠)因為我知你鍾意食零食。(勁鍾意、超鍾意)其實我原本想整薯片包,畀COLLAR整咗呀!」他咬牙切齒,非常搞笑!
二人抱抱。
Jer又說:「我都好鍾意食零食,所以想將呢個小心意送畀你。仲有,時間關係,呢度已經有一隻扭蛋。」Sammi見他從褲袋拿出小扭蛋,笑說:「好似求婚咁,要送我首飾?嫁畀我啦!」Jer當然不敢,他掏出一個小公仔,Sammi說:「嘩,我老花喎,咁細。哦,公仔嚟嘅!」是Baby MIRROR的Jer公仔,Sammi笑說:「蝦我老花,好Cute,大過粒鼻屎!」全場爆笑。Jer拿出紙條說:「之前你喺一個po話過『食完有運動,無有怕,食飽先至係人生』。」Sammi將迷你Jer放入裙袋,然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Encore時,Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》,期間不斷收禮物打亂了拍子,她立即要求重唱,自己encore自己。昨晚Fans送的禮物各色各樣,除了每晚都有的花束、薯片外,還有聖誕造型的咕𠱸,又有寫了「金像獎影后鄭秀文」的肩帶,Sammi立即戴上身,風騷轉圈讓觀眾欣賞。完騷後,Sammi孭住「薯片斜孭袋」到紅館外為Fans簽名和收禮物,幾百Fans企滿場外和火車站外,歡呼吶喊、吹哨子和唱歌,非常熱情。
Sammi在Encore時換上Tomas Chan的小背心牛仔褲配Tiffany & Co.珠寶型格登場。
並獻唱唱新歌《盲盒》。
完騷後,Sammi孭住「薯片斜孭袋」到紅館外為Fans簽名和收禮物。
幾百Fans企滿場外和火車站外等待Sammi,非常熱鬧!