女團VIVA公開首張團體照 未出道先密密接音樂節廣告勁多job

女團「VIVA」正式公開首張團體照，並預告將於本月尾27號正式派歌。

繼Twins後，相隔23年，英皇娛樂再度推出新女團「VIVA」，團名「VIVA」來自西班牙諺語「Viva la Vida」，有活在當下的意思，在墨西哥又有「為生命而慶祝」的意思。四名成員分別為：姜咏鑫（Ada）、李晞彤（Carina）、馬思惠（Macy）及張鈊貽（ValC），平均年齡22歲。昨日（5月21日）VIVA的官方社交平台正式釋出首張團體照，並預告將於本月尾27號正式派歌。

女團VIVA公開首張團體照。

將於本月尾27號正式派歌。

雖然未正式出道，但VIVA已受邀為兩個大型音樂節分別包括6月21日「中環海濱One Love Asia 音樂節」以及6月29日 「新濠影匯水上樂園WAVEFest水上音樂節」擔任表演嘉賓，除此之外，其廣告及代言工作更涉獵多個範疇，包括5月31日大型健身連鎖店週年晚會商演、6月初推出蒸餾水TVC廣告、其餘化妝品、手提電話、行李箱、健康食品等十多樣工作也會陸續推出，音樂及廣告工作接踵而來，未出道已深受廣大客戶垂青，認真厲害。

姜咏鑫Ada

李晞彤Carina

馬思惠Macy

張鈊貽ValC

而剛宣布VIVA將會參與演出的「新濠影匯水上樂園WAVEFest水上音樂節」，其他演出單位包括張敬軒、MC張天賦、Dear Jane、Lolly Talk等等，陣容鼎盛，對於即將參與大型演出，VIVA笑言「感覺奇妙」，「首先我哋四個期待出道已經有兩年，中間亦都去咗韓國受訓，到而家可以將大家努力出嚟嘅成果呈現喺觀眾眼前，有種DSE放榜嘅感覺；其次心情一定又興奮又緊張，雖然我哋幾個都曾經參加過選秀節目，有過舞台經驗，但始終現場演繹我哋首支派台歌曲俾大家聽同睇，一定會緊張。而家我哋每日都有練歌、排舞，希望到時以最佳狀態示人。」

6月29日 將參與「新濠影匯水上樂園WAVEFest水上音樂節」。

至於密密接job，VIVA表示感謝客戶信任及支持，「同埋多謝公司，希望嚟緊會有更多工作，多啲嚟密啲手，我哋唔怕辛苦，哈哈。」

VIVA感謝客戶信任及支持。

首支派台作品《Topic Killa》亦同步推出，音樂班底、錄音、MV拍攝及舞蹈編排均由韓國團隊負責。

由姜咏鑫（Ada）、李晞彤（Carina）、馬思惠（Macy）及張鈊貽（Valc）組成的全新女子組合「VIVA」日前正式出道，首支派台作品《Topic Killa》亦同步推出，音樂班底、錄音、MV拍攝及舞蹈編排均由韓國團隊負責。歌曲講述VIVA從女生角度演繹當面對心儀對象是一位「話題終結者」時的心聲。深夜向對方發出一個「Goodnight」訊息，卻換來一個毫不浪漫的「It’s Alright」回覆。對方蠢鈍又帶點可愛，令人又愛又恨，作為女生唯有剛柔並重，像Rap詞般直接表達的同時，又保留一點矜持等待他主動開口。

相關影片可以按以下畫面觀看：

影片連結： www.youtube.com/embed/0ELMRK_plL0

全新女子組合「VIVA」日前正式出道，首支派台作品《Topic Killa》亦同步推出

音樂班底、錄音、MV拍攝及舞蹈編排均由韓國團隊負責。

Carina是隊中「藝能擔當」，她謂首次到韓國錄歌，感受最大是唱歌部份，「因為韓國同香港嘅唱歌模式好唔同，喺我嘅認知上面，學咗好多新嘅唱腔、發聲嘅技巧，點樣運用喉嚨或者聲帶嘅肌肉，所以我哋都用咗好多時間去平衡，我相信我哋冇人冇為過唱歌呢一個部份而冇喊過，不過喊完就冇事，都係抒發一下，第二日大家又打起精神去接受挑戰。」隊中的「舞蹈擔當」Valc表示可以跟一些自己很欣賞的排舞師合作，十分開心；而外表甜美的的Macy除了是「唱歌擔當」，同時亦是「大力擔當」，「喺韓國受訓期間，有一晚我自己喺宿舍嘅下層，佢哋喺上面嗰層，突然間發生一下巨響，然後我大叫，佢哋以為我喺下面有事，即刻衝晒落嚟，其實我係坐爛咗張櫈，哈哈。」「姐姐擔當」的Ada立即和議，「佢真係好大力，第一次見識到佢嘅『力量』係我哋第一日去度韓國宿舍樓下，楝大廈係冇𨋢，Macy一口氣將佢兩個篋行樓梯搬咗上三樓！」

Carina是隊中「藝能擔當」

隊中的「舞蹈擔當」Valc表示可以跟一些自己很欣賞的排舞師合作，十分開心

Macy除了是「唱歌擔當」，同時亦是「大力擔當」

Ada是「姐姐擔當」

去到MV拍攝現場，亦令她們驚喜萬分，例如首次見到為她們打氣的應援餐車、每拍攝完一個鏡頭後，她們背後即「自動」出現四張椅子讓她們坐下休息，原來都是貼心的工作人員預備，除此之外，當然不少得「艷遇」，她們即心心眼笑說：「我哋MV有一位工作人員好大隻、好靚仔，然後我哋走咗去問經理人可唔可以簽佢返香港，哈哈。」

去到MV拍攝現場，亦令她們驚喜萬分

合照