歐陽靖大談一家四口在美國生活。
歐陽靖（MC Jin）現身新城廣播，接受由薛家燕、范振鋒和思敏主持的《開心大派對》訪問，MC Jin表示6、7年後再見家燕姐，感到相當興奮，原來兩人有段淵源，「重點唔係有見冇見，重點係每次見到家燕姐，會有好多回憶，我記得公布我同太太嘅喜事，係同家燕姐一個公開活動，當時我話『我仔仔就嚟來臨』，而家我仔仔都12歲，細仔都5歲。」
點擊看圖輯
陽靖接受《開心大派對》訪問。
歐陽靖去年年底推出歌曲《Nobody》，竟然邀請到周星馳驚喜客串。
MC Jin堅持在家中與兩個囝囝講廣東話。
原來MC Jin與家燕姐有段淵源！
陽靖接受《開心大派對》訪問。
歐陽靖去年年底推出歌曲《Nobody》，竟然邀請到周星馳驚喜客串。
提到2017年參與內地綜藝節目《中國有嘻哈》節目，當時他以神秘蒙面人Hip Hop Man身分參賽，MC Jin說：「可以話天真，亦有啲九唔搭八，我係一句普通話都唔識，我唔係話自己好勇敢，我想話係有啲低B，不過可能我有呢種誠意，喺節目入面，反而令到大家對我有一個好感，一切由零開始，可能咁先受到大家關注，直到而家，Hip Hop Man都建立咗一個定位。」
MC Jin堅持在家中與兩個囝囝講廣東話。
一直深受周星馳電影影響的MC Jin，去年年底推出歌曲《Nobody》，他竟然邀請了周星馳驚喜客串，聲演《回魂夜》經典對白。家燕姐笑問：「佢（周星馳）有冇叫你飲啖茶食個包？」MC Jin又興致勃勃地說起來：「我哋傾咗唔知幾多分鐘，佢就話『你美國嚟，喺美國大。』我以為佢會問我美國生活，我已經好有心理準備答好有深度嘅問題，然後佢話『你鍾意食漢堡包？』原來佢係打開一系列漢堡包嘅問題，『咁你加唔加洋蔥？』、『薯條呢？係咪一定要有薯條先食？』我真係估佢唔到，諗住同佢傾啲好有深度嘅嘢，喺美國長大，有冇受到歧視呢啲㗎嘛，點知係漢堡包，跟住，佢叫人買漢堡包返嚟，轉個頭，真係擺咗喺面前，呢啲記一世！」
原來MC Jin與家燕姐有段淵源！
節目中再談到一家四口在美國生活，他堅持在家中與兩個囝囝講廣東話：「在家中我哋都係講廣東話，但出到門口就講英文，始終在美國生活。希望囝囝長大後都會講廣東話，因為始終是我的母語。」近兩年放暑假都會帶兩個囝囝去上海的迪士尼樂園玩，但好搞笑是：「囝囝在上海迪士尼見到米奇老鼠講普通話，感到很驚訝，問米奇老鼠點解會講普通話？我就話佢地(卡通人物)好叻，識好多語言，仲識日文同法文，哈哈！」
詳細精彩內容，請重溫7月27日，下午3- 4時，新城知訊台《開心大派對》節目 ，重溫網址：https://www.metroradio.com.hk/MetroInfo/
