歐陽靖美國生活堅持在家中講廣東話 希望囝囝長大以廣東話為母語

歐陽靖大談一家四口在美國生活。

歐陽靖（MC Jin）現身新城廣播，接受由薛家燕、范振鋒和思敏主持的《開心大派對》訪問，MC Jin表示6、7年後再見家燕姐，感到相當興奮，原來兩人有段淵源，「重點唔係有見冇見，重點係每次見到家燕姐，會有好多回憶，我記得公布我同太太嘅喜事，係同家燕姐一個公開活動，當時我話『我仔仔就嚟來臨』，而家我仔仔都12歲，細仔都5歲。」

陽靖接受《開心大派對》訪問。

歐陽靖去年年底推出歌曲《Nobody》，竟然邀請到周星馳驚喜客串。

提到2017年參與內地綜藝節目《中國有嘻哈》節目，當時他以神秘蒙面人Hip Hop Man身分參賽，MC Jin說：「可以話天真，亦有啲九唔搭八，我係一句普通話都唔識，我唔係話自己好勇敢，我想話係有啲低B，不過可能我有呢種誠意，喺節目入面，反而令到大家對我有一個好感，一切由零開始，可能咁先受到大家關注，直到而家，Hip Hop Man都建立咗一個定位。」

MC Jin堅持在家中與兩個囝囝講廣東話。

一直深受周星馳電影影響的MC Jin，去年年底推出歌曲《Nobody》，他竟然邀請了周星馳驚喜客串，聲演《回魂夜》經典對白。家燕姐笑問：「佢（周星馳）有冇叫你飲啖茶食個包？」MC Jin又興致勃勃地說起來：「我哋傾咗唔知幾多分鐘，佢就話『你美國嚟，喺美國大。』我以為佢會問我美國生活，我已經好有心理準備答好有深度嘅問題，然後佢話『你鍾意食漢堡包？』原來佢係打開一系列漢堡包嘅問題，『咁你加唔加洋蔥？』、『薯條呢？係咪一定要有薯條先食？』我真係估佢唔到，諗住同佢傾啲好有深度嘅嘢，喺美國長大，有冇受到歧視呢啲㗎嘛，點知係漢堡包，跟住，佢叫人買漢堡包返嚟，轉個頭，真係擺咗喺面前，呢啲記一世！」

原來MC Jin與家燕姐有段淵源！

節目中再談到一家四口在美國生活，他堅持在家中與兩個囝囝講廣東話：「在家中我哋都係講廣東話，但出到門口就講英文，始終在美國生活。希望囝囝長大後都會講廣東話，因為始終是我的母語。」近兩年放暑假都會帶兩個囝囝去上海的迪士尼樂園玩，但好搞笑是：「囝囝在上海迪士尼見到米奇老鼠講普通話，感到很驚訝，問米奇老鼠點解會講普通話？我就話佢地(卡通人物)好叻，識好多語言，仲識日文同法文，哈哈！」

詳細精彩內容，請重溫7月27日，下午3- 4時，新城知訊台《開心大派對》節目 ，重溫網址：https://www.metroradio.com.hk/MetroInfo/

在香港備受名人追捧的「香港財記辣蟹私房菜」日前於深圳羅湖區開設首間分店，並舉行開幕儀式。為祝賀好友生意擴展，多位城中名人及演藝界好友均親臨現場支持，包括AirYacht優遊海洋有限公司創辦人、西安市政協委員施欣銘（Michael Sze）、飲食天王梁震宇、范振鋒（阿范）與太太李思欣、羅天池、EO2成員Eddie（彭迪安）、顧紹芬（Boe媽）及黃建東等，場面星光熠熠。

范振鋒與李思欣夫妻檔恩愛現身，為好友餐廳深圳首店站台，星光熠熠。

一眾剪綵嘉賓於「香港財記辣蟹私房菜」深圳店前合照留念，預祝生意興隆，客似雲來。

黃建東與羅天池兩位「功夫之人」難得碰頭，台下雞啄唔斷，傾得相當投契。

長駐內地的Eddie大讚新店味道正宗，笑言下次一定要帶太太前來「朝聖」。

「金牌媒人」Boe媽亦是座上客，與一眾好友暢談甚歡。

近年經常夫妻檔上陣的范振鋒與李思欣，此次專程北上為好友餐廳站台。阿范表示自己是該餐廳的忠實粉絲：「過去因為工作關係，做過好多飲食節目，但在香港我經常來辣蟹私房菜食海鮮。今日特意來祝賀，終於可以在內地食到正宗避風塘炒辣蟹，而且交通非常方便。」當被問到夫妻檔密密搵真銀，會否獎勵太太時，阿范即笑言所有收入都全數上繳。身旁的李思欣聞言即甜笑撒嬌說：「好呀，我想買個袋。」場面溫馨又搞笑。

范振鋒與李思欣對好友新店開張十分重視，一早到場打氣支持。

被問到夫妻檔密密搵銀會否獎勵太太，阿范笑言收入全上繳，李思欣即撒嬌要求買手袋，場面溫馨又搞笑。

同場的AirYacht創辦人施欣銘（Michael Sze）亦是座上客，他表示：「很高興看到香港品牌在內地發光發亮。」羅天池則透露，最近剛完成一部遊戲電影的拍攝，並在其中兼任動作導演。他表示自己也是餐廳的常客，現在深圳開店，以後北上工作又多一個美食據點。同樣是熟客的EO2成員Eddie亦大讚新店選址方便：「真係一出地鐵就係，價錢仲比香港實惠，但味道完全不變。內地的食家真係有口福，我下次一定要帶太太來品嚐。」

AirYacht創辦人施欣銘（Michael）與黃建東都是「財記」的忠實常客，今日特意到場支持。

嘉賓們一同進行切燒豬儀式，祈求新店開張大吉，客源滾滾