主婦保溫買餸車放幼童拖住行街 網驚：係咪想熱死佢？

不少人去街市買餸或超市購物都會拖架買餸車，以免拎到身水身汗。但日前有網友竟在街頭見到，有主婦拖着保溫買餸車，但內裝的不是菜而是一名幼童！

網上圖片

幼童安靜坐買餸車全程無扭計

近日Threads上流傳一條影片，片中一名主婦拖着保溫買餸車在人來人往的街道上行走，而車內卻坐着一名幼童，只僅露出頭部。雖然買餸車拖行時有些顛簸，坐在車內的幼童也隨着路面起伏而輕擺頭部，但他全程表現安靜並沒有吵鬧，還不時望着身邊路過的途人。

網上圖片

網友擔心：係咪想熱死？

影片引來好多網友的關注，認為雖然幼童坐在車內好可愛，但以這種方式「運送」甚為危險。「好危險，但呢個畫面又好得意」、「最勁係佢唔扭計」、「而家湊仔真係要考牌先」、「佢仲要坐咗喺個保溫袋入面，係咪想熱死？」、「拖還拖，帶返個兒童頭盔好啲」、「不如拎返BB車」。

網上圖片

有婆婆以同樣方式運BB結果翻車

而有網友指都曾經見過有婆婆以同樣方法載住個BB，但豈料一路太顛簸，婆婆抓不住車子，幼童連車一起摔到地上，BB個腦撞到地，「我見佢抱起個B，冇見紅，仲識喊。我仲叫個婆婆最好同個B睇一睇醫生，同醫生講聲咁樣撞到個後腦」。

網上圖片

網民懷念：我細個都係咁坐！

不過原來也有不少網民小時候也試過坐着買菜車，在街市中穿梭，他們對此表示非常懷念「細個都有坐過類似，唔知有冇人都係咁，紅色格格網車加個奶粉罐當櫈坐」、「我細個都係咁坐」、「童年回憶」、「細路應該覺得好玩」、「我想坐入去」。

 近日有港女於Threads發文，指在九龍塘遇一男子，對方稱女友「突然嚟M」欲借衛生巾。事主借出後男子竟以「唔係長款唔夠厚」為由拒收。事主感有疑遂發文提醒其他女性警惕！

事主質疑遂發文提醒其他女性警惕。Threads截圖

跑步男藉口女友月事借衛生巾

該港女在Threads發文，指於九龍塘住宅區遇上一名可疑男子。該名正在跑步的男子聲稱其女友「突然嚟M」（月經），向事主借用衛生巾。

該名正在跑步的男子聲稱其女友「突然嚟M」（月經），並向事主借用衛生巾。AI生成圖

事主雖心生懷疑，但仍從手袋取出一片衛生巾，未料對方竟以「唔係長款唔夠厚」為由拒絕接收。事主認為情況可疑，質疑若真急需使用，「有得墊咩長度都要啦」，遂發文提醒其他女性注意。

事主雖心生懷疑，但仍從手袋取出一片衛生巾。AI生成圖

類似騙案誘至僻靜處下手

帖文引發網民熱議，不少人直呼「恐怖」，指出若真急需衛生巾，「邊有時間揀三揀四」。更有網民揭露，內地曾流傳類似騙案手法，歹徒以「女友在廁所需要衛生巾」為由，誘騙女性前往偏僻廁所或暗處，隨後進行搶劫甚至綁架。有網民具體描述：「話自己女朋友喺廁所第幾格，叫人幫手拎M巾，跟住整暈就捉走咗個女仔」，呼籲切勿單獨跟隨陌生人前往所謂的「女友所在處」。

未料該男子竟以「唔係長款唔夠厚」為由拒絕接收。AI生成圖

有網民有同樣遭遇

事主回應網民時強調，騙徒手法層出不窮，即使借出衛生巾也可能遭遇詐騙，呼籲「大家平時要小心」。另有網民留言表示，曾在九龍塘一帶遇過一模一樣的情況，懷疑是同一名「慣犯」所為。