主婦保溫買餸車放幼童拖住行街 網驚：係咪想熱死佢？

不少人去街市買餸或超市購物都會拖架買餸車，以免拎到身水身汗。但日前有網友竟在街頭見到，有主婦拖着保溫買餸車，但內裝的不是菜而是一名幼童！

網上圖片

幼童安靜坐買餸車全程無扭計

近日Threads上流傳一條影片，片中一名主婦拖着保溫買餸車在人來人往的街道上行走，而車內卻坐着一名幼童，只僅露出頭部。雖然買餸車拖行時有些顛簸，坐在車內的幼童也隨着路面起伏而輕擺頭部，但他全程表現安靜並沒有吵鬧，還不時望着身邊路過的途人。

網上圖片

網友擔心：係咪想熱死？

影片引來好多網友的關注，認為雖然幼童坐在車內好可愛，但以這種方式「運送」甚為危險。「好危險，但呢個畫面又好得意」、「最勁係佢唔扭計」、「而家湊仔真係要考牌先」、「佢仲要坐咗喺個保溫袋入面，係咪想熱死？」、「拖還拖，帶返個兒童頭盔好啲」、「不如拎返BB車」。

網上圖片

有婆婆以同樣方式運BB結果翻車

而有網友指都曾經見過有婆婆以同樣方法載住個BB，但豈料一路太顛簸，婆婆抓不住車子，幼童連車一起摔到地上，BB個腦撞到地，「我見佢抱起個B，冇見紅，仲識喊。我仲叫個婆婆最好同個B睇一睇醫生，同醫生講聲咁樣撞到個後腦」。

網上圖片

網民懷念：我細個都係咁坐！

不過原來也有不少網民小時候也試過坐着買菜車，在街市中穿梭，他們對此表示非常懷念「細個都有坐過類似，唔知有冇人都係咁，紅色格格網車加個奶粉罐當櫈坐」、「我細個都係咁坐」、「童年回憶」、「細路應該覺得好玩」、「我想坐入去」。

相信大家不時都會在網上見到關於極品外傭的各種故事，日前一名僱主就在社交平台大吐苦水，指聘請僅3個月的外傭突然「走佬」，聲稱與男友前往英國展開新生活，更留下全部行李及一張酒店房間卡套，令僱主大感震驚。

示意圖片，非涉事外傭。小紅書圖片

事主在Threads發文指，該名外傭於去年10月6日入職，主要負責照顧初生嬰兒、兩隻小狗及一般家務。她回憶s首個月外傭表現一切正常，但第二個月開始「變身」，出現抱著嬰兒玩電話、在梳化抱著嬰兒睡着、擅自開電視煲劇、踢狗鬧狗、擅自將嬰兒奶嘴弄大、駁嘴及對指令扮聽不見等行為，行為越來越肆無忌憚。

threads圖片

踏入入職第3個月，外傭在出糧前數日開始不斷追問事主何時可以出薪，原來當時已在為「走佬」做準備。來到1月11日，該名外傭如常於早上7時放假外出，但中午12時便透過訊息通知僱主，稱要與男友一同前往英國，「好有交代咁走咗佬」。

示意圖片，《愛回家》劇照

不過，外傭所有行李均未有帶走，並即時封鎖了所有聯絡方式，事主晚上在執拾其行李時，更發現一張酒店房間卡套，驚呼「唔知出面做過啲咩！」幾日後，事主收到外傭寄往其住址的辭職信，信中通知日期及離職日期同為1月11日。她因此詢問網民，在此情況下能否追回代通知金。

示意圖片，《愛回家》劇照

貼文曝光掀起網民熱議：「工人姐姐搵老公都幾積極，佩服」、「唔太信會走咗去UK，似搵藉口走佬之後跳槽走去第到打工多啲」、「UK KK園？」，亦有大批網民提醒事主要小心：「有冇用你屋企地址借錢」、「有交帶咪算好囉，唔係搞大咗個肚繼續留喺你屋企供佛咁供」