大方「認愛」89歲羅蘭？！胡楓：冇得解釋

娛圈事

大方「認愛」89歲羅蘭？！胡楓：冇得解釋

2024年09月07日 10:00 最後更新：09月08日 12:22

係咪真大家都好替修哥高興！

92歲的胡楓（修哥）與89歲的羅蘭一向好老友，又經常合作孖住現身，近年二人就突然傳出緋聞，隨得更一度傳出婚訊，不少網民都好睇好這段「暮年戀」，雖然修哥事後曾澄清純屬「美麗的謠言」，但近日他竟然大方「認愛」！

點擊看圖輯

修哥和羅蘭多年來合作無間。

近年突然傳出緋聞，但不少網民都好睇好這段「暮年戀」！

影片截圖

觀看相關影片按連結：https://youtu.be/p04b9IHovp0

修哥近日在YouTube頻道《修哥萬花筒》開設全新談心節目，邀請圈中朋友一起談天說地，最新一集就請來Twins的蔡卓妍（阿Sa）和鍾欣潼（阿嬌），除了大談入行談到爆紅，期間阿Sa和阿嬌感歎20多年前拍《明愛戀補習社》MV一事好像不久前才發生，修哥表示認同：「好似我做咗70年，回頭望吓，好似前幾年嘅事發生一樣，一樣㗎咋......又有啲唏噓，咁快就70年。」阿Sa和阿嬌隨即賣口乖修哥老而彌堅！修哥並直指Twins，「你哋有排做呀！」

說到工作到老，修哥直指Twins，「你哋有排做呀！如果你地有興趣嘅話，真係可以一路繼續做落去。」阿Sa就認為：「有陣時都好被動㗎嘛，都要有人鍾意睇，你先至可以繼續做。」修哥就表示反對：「我就唔係嘅，啲人唔鍾意我，我都會繼續做。」阿Sa和阿嬌即否認，指很多人都很喜歡修哥，阿Sa又重提他與羅蘭的緋聞，笑言：「你早嗰排先上咗頭條，你嘅緋聞呀！」阿嬌又說：「恭喜你呀！」三人聞言即時大笑。

修哥笑說：「真係，點解修哥成日冇新聞，伉家90歲先至有新聞，我自己都好開心！」阿Sa亦亦修哥的聞令大家都好高興，修哥就再度強調是「美麗的誤會」，但因為難以逐個解釋，所以只能「認愛」，「喺大陸好多人見到我，『恭喜、恭喜！』我只有話：『謝謝、謝謝！』（Twins：即係唔澄清？）點樣解釋呢？冇得解釋㗎嘛！只有話『謝謝』。」最後，修哥舉杯笑道：「替我高興飲杯！」

Tags:

胡楓

往下看更多文章

星光背後｜伍樂城大談歌手點滴見證Twins痴線時間表：一年等於人哋五、六年

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

你或有興趣的文章

大方「認愛」89歲羅蘭？！胡楓：冇得解釋