知名雲吞麵店驚現肥碩大老鼠 引更多恐怖廚房內幕 網民睇開：證明食物有營養

近日，有網民影到一間知名雲吞麵店的廚房居然出現大老鼠！然而網民都話好正常，甚至PO出更多驚人廚房後幕相⋯⋯

網傳著名雲吞麵店影片 廚房有大老鼠出現

近日，社交平台流傳一條令人反胃的影片。有網民在一間著名雲吞麵店內拍攝到超大隻老鼠，更揚言「幾次收工經過都見到，忍唔住要話比大家聽，唔想大家再食老鼠口水尾」！

Threads圖片

Threads圖片

Threads圖片

透明櫥窗成「自爆」設計

該雲吞麵店應已關門，但因店舖設計是透明的櫥窗，所以老鼠的身影可以說是一目了然！沒想到，本應是為了讓客人觀賞餐點製作的設計，變成了「自爆」設計！

一隻老鼠未算最癲 豆腐舖1照片眾人嘩然

以為雲吞麵店的老鼠已經夠離譜，點知有網民冷靜地表示，單單一隻老鼠未算最癲，更主動貼出一張自己親手所拍攝的照片。照片中，可見一塊放在地上的木板，而木板上爬滿了密密麻麻的曱甴！拍攝者就表示是「紅磡某間豆腐店，放食物的板」。

Threads圖片

網民苦中作樂：證明食物好有營養

食肆的衛生情況令人憂慮，但都有網民好睇得開，指「做過廚房就知，基本上間間都有，再高級嘅餐廳都會有」、「其實有食物吸引到老鼠曱甴，我覺得唔出奇」、「出奇嘅係點解佢會有食材過夜放喺枱面，正常一間食肆都唔會咁樣啦，佢都真係幾冇衛生意識」。

同時，有網民苦中作樂地留言道：「五星級大鼠都食證明好好食」、「養到仲肥過我屋企隻貓，證明食物好有營養」。

大家日常光顧茶餐廳，或是到連鎖餐飲集團的食肆食飯，都理所當然以為米飯是現煮現做的，不過日前網上瘋傳，指本地某集團的連鎖餐廳疑似用內地產的預製米飯，相片曝光後掀起網友熱議。

示意圖。設計圖片

網友質疑「連飯都唔煮，直接叫貨」

近日有市民在FB群組「香港茶餐廳及美食關注組」發帖，指某間本地連鎖餐廳「百XX」集團，已經不再使用新鮮米煲煮米飯，質疑「連飯都唔煮，直接叫貨」，據網友分享的相片，疑似店外放有最少6箱的預製米飯，以及兩箱中國鮮雞蛋。

fb圖片

該網友又寫到，「唔覺得有問題，因為佢本身都唔好食」，並指現時很多食物「都可以預製或者工場貨，好唔好食係一個關鍵問題，而唔係叫貨定自家製」。

網上圖片

預製米飯放入微波爐以750w加熱4至5分鐘即可食用

翻查網上資料，生產米飯的企業為河源市飯飯得食品科技有限公司，而米飯的主要配料有大米、水、食用調和油及食用鹽，網上介紹指，只需將米飯封口膜割開，直接放入微波爐以750w加熱4至5分鐘，即可食用。

網上圖片

網友笑言預製米飯是「高科技化學餐」

帖文曝光掀起網友熱議，不少人都批評餐廳離譜，指預製米飯是「高科技化學餐」、「早估到，佢啲飯成個蘿蔔糕咁」、「唔知仲有幾多預製品呢？」