陳柏霖二百萬買名錶收藏 馮德倫被劉雅瑟嫌棄講普通話

馮德倫與陳柏霖都有收藏名錶習慣。

馮德倫Stephen Fung、陳柏霖Bolin Chen及郭采潔Amber Kuo日前出席愛彼澳門AP House開幕活動，一同慶祝品牌店鋪開幕。眾人一身型格西裝亮樣，罕有露面的馮德倫亦成為焦點，不少遊客駐足追星，他亦非常親民與途人揮手。

馮德倫、陳柏霖日前與郭采潔出席愛彼澳門AP House開幕活動。

兩位男神都有收藏名錶習慣。

馮德倫、陳柏霖都話自己都有收藏名錶習慣，陳柏霖仲話最貴一隻錶價值高達2百萬，而馮德倫就拒談太太舒淇：「（係咪要買情侶錶？）呢啲唔講啦！（要問準太太先可以買貴錶？）呢啲下次你見到佢時問翻佢！我其實買入價唔太貴，慢慢升值。」

盼能合作拍劇。

提到剛推出網劇反應不俗，馮德倫就話年輕時曾飾演醫生，隨成熟尋找挑戰角色：「今次啲人全部都好專業，有一場戲我要同劉雅瑟講廣東話，諗住補拍對方大頭時講普通話，點知佢話『你都係講翻廣東話啦！』」。

陳柏霖冇留意吳君如反應！

早前金馬獎順利完成，陳柏霖主演的電影成為大贏家，而女主角獎宣布時吳君如表情成為焦點，身處現場嘅陳柏霖就話未有留意：「我沒有看到，你不要問我啦！（有評委想翻案？）我今年不是評委，我覺得每屆評委都不同，有不同的特色，是很公正的。」

二人呢日出席AP House活動，陳柏霖就話與馮德倫未曾合作，但有共同朋友早已認識：「叫他開戲做導演，或者我們演兄弟。」但馮德倫就話現時市道差，有好劇本會考慮。

馮德倫自爆拍劇被劉雅瑟嫌棄講普通話。

藝人古天樂相隔逾20年再出碟，推出個人精選專輯《天命最高BACK TO THE PAST》，早前宣布重返樂壇的馮德倫就IG晒出與古天樂的合照，相中的他用對方的新碟遮住自己的樣子，並幽默留言：「最大機會阻擋我攞今年我最喜愛的男歌手嘅人。」網民紛紛留言指兩個都正，「一齊攞喇」、「你們永遠是男神中的男神，帥氣十足」、「做乜要俾個大難題我哋？」

古天樂早前相隔逾20年再出碟。

推出個人精選專輯《天命最高BACK TO THE PAST》。

馮德倫早前宣布重返樂壇，並推出新歌《屢戰屢敗又怎樣》。

此外，旗下藝人鄧麗欣（Stephy）近日亦在社交平台晒出與老闆古天樂的合照，相中她拿着對方的親筆簽名專輯，二人齊齊做出心心手勢，並得戚留言：「你買咗未？唔係！應該問你買唔買到？」令不少網民都紛紛表示羨慕，更有人表示：「買到都要簽到，簽到都要影到先最勁」。

鄧麗欣IG圖片