容祖兒想問謝霆鋒借錢 阿Sa﹕唔好嘥時間

幾位朋友感情超好。

由霍汶希（Mani）任製作人，有「龍虎豹」之稱的容祖兒、阿Sa蔡卓妍及阿嬌鍾欣潼主理的旅行綜藝節目《因為是朋友呀》第一季大受歡迎，因此製作單位決定開拍第二季，同樣以三人友情作切入點，通過到不同地方旅遊，展現閨蜜情。第二季首站由香港開始，並找來好友關智斌（Kenny）任首集嘉賓。

這集主要紹香港地道的特色，如逐漸式微的手寫小巴牌、香港獨有的交通公具電車、港式絲襪奶茶等。提到坐小巴，祖兒表示很多人都怕大聲叫「有落」，但自己卻是喜歡大聲叫，阿Sa亦指自己是同類人，阿嬌坦言自己就那種不敢叫落車的人，「所以有時成日坐到過咗站。」又分享一次「恐怖」經歷，「有一次我搭Van仔搵我阿媽，突間坐喺我隔離個男仔話幫我俾錢，嚇到我即刻落車。」這時Kenny跟祖兒、阿Sa大叫羨慕，「靚女先有呢啲福利！」隨後阿Sa自爆最喜歡在小巴上扮拍MV，「以前小巴冇冷氣，開窗吹風……」然後便作狀微風吹起長髮飄逸的模樣，「我仲試過喊呀。」看到阿Sa陶醉入戲，祖兒忍不住大笑起來。

阿嬌手寫小巴牌

Kenny沖既奶茶一定好好飲

除後四人學習沖絲襪奶茶，又穿起傳統服式旗袍及唐裝，學習禮儀，例如打招呼、掉了東西在地上如何保持優雅姿態地拾起等，又自編自導自演《繁花》的情境戲，但笑料爆出，讓祖兒過足戲癮。四人難得聚首，少不了玩默契大考驗遊戲，當Kenny問到三人如需要借錢時，第一個會打給誰？阿Sa阿嬌異口同聲說老闆，祖兒卻說謝霆鋒，阿Sa即謂：「佢肯定唔會借俾你。」祖兒問：「真係？」阿Sa肯定地說：「真！」Kenny接着說：「你有喺佢身上攞到過任何嘢咩？」阿Sa續說：「個percentage好低，唔好嘥時間，哈哈。」祖兒直言有想個第二個就是找老闆，但害怕，阿嬌問道：「怕乜嘢？」祖兒笑說：「加長份約，哈哈。」四人隨即大笑。首集於一片笑聲中結束，第二站三人將會到新加城展開閨蜜爆笑之旅。

祖兒著旗袍好有韻味

阿Sa擺個女人味甫士

美美的嬌嬌著咩都靚

Kenny 成個十三少咁

爆笑爆肌又爆料。

由關智斌（Kenny）及楊天宇（Angus）主理的旅遊節目《孖夫遊記》，今次帶大家遊福岡，之前二人試玩日本占卜、豪玩遊布院等，今集玩浸溫泉，二人邊浸溫泉邊傾偈，絕對是「赤裸」剖白，爆肌之餘又爆料，養眼度及訊息量爆標。

浸溫泉前，由於要半裸出鏡，節目組問到Angus要不要做掌上壓谷肌，好讓拍攝時有爆肌效果，Angus隨即俯在地上狂操，更說：「千祈唔好俾Kenny見到。」不過最後仍被Kenny發現，Kenny亦立即做掌上壓，更笑說Angus有機心，「佢同我講：『我琴日食咗拉麵，我唔操啦，我放棄咗啦。』跟住俾我見到佢靜靜雞做掌上壓。」

浸之前為效果突出，Angus即刻做掌上壓

兩人都好有機心

Kenny都唔輸蝕

浸溫泉期間，節目組提議兩位「爆肌裸男」來個「你問我答 赤裸剖白」，答不到問題的一方需接受淋冰水懲罰。第一個問題：「你最討厭的藝人？」，Kenny指是阿Sa蔡卓妍，「佢真係射手座嚟㗎，約食飯時，佢係唔會理係邊一group嘅friend，例如佢會叫三十個人一齊出去食飯，而嗰啲人大家都唔識大家，所以有陣時出到嚟嗰個環境係幾尷尬。」Angus則指最討厭是周家怡，「我同周家怡拍《裡應外合》時，成日傾偈，佢係好靈性，佢可以放好多能量俾大家，佢嘅正能量滿到我有啲毛管戙。」第二題「你有幾多身家？」Kenny謂：「我就係多過六位數、少過八位數。」但Angus立即篤爆，「嗰日我聽老闆（英皇集團主席楊受成博士）講話你有七層樓喎，嗰度起碼都有九位數啦！」Kenny苦笑：「老闆嗰度啲消息有滯後㗎……」隨後立即反問Angus，Angus表示多過六位，少過七位。Kenny笑指Angus身家少於自己，所以要淋冰水，最後Angus自淋，笑爆Kenny。

爆肌場面揚眼

仲有料爆

場面爆笑

爆笑又爆肌