VIVA酒後大膽整蠱Mani Macy自爆：我鍾意咗公司A字頭男藝人

Mani話拍指唔緊要，工作還工作，拍拖還拍拖。

女團VIVA的真人show節目「VIVA Medium Rare House」第七集，同居多日，四人多次被分派不同任務，這天終於可以坐下來「把酒談心」，實行要「Let’s get drunk」，邊飲酒邊玩「Truth or Dare」遊戲，最後更連大膽到整蠱Mani（霍汶希）！

觀看相關影片按連結：https://youtu.be/o_Kby5JIeJg

「Truth or Dare」遊戲玩法簡單，先將空酒樽放於枱中心，然後其中一人轉動酒樽，當酒樽停下時，樽蓋指向誰，那個人便要先喝一口酒，然後選擇Truth或Dare，完成指令。為了盡快進入氣氛，遊戲前，四人已飲了不少梅酒作熱身。其間Carina選了Truth，被VALC問初吻地點；VALC選擇的Truth又被問最想踢走哪位成員等等。

影片截圖

隨後Macy選了Dare，眾人商議後，決定要Macy整蠱Mani，發訊息跟她說自己喜歡了公司中英文名A字頭的男藝人，看看Mani有甚麼反應。Macy裝出一副無奈的表情說：「想我退團都唔係用呢種方式㗎嘛！」訊息發出後，Ada、Carina及VALC均猜Mani會問是否楊天宇（Angus），因為二人之前合作拍攝電影《裡應外合》，節目主理人枉阿姐問Macy有否喜歡Angus，不知是否「飲大咗」，Macy竟說：「呢個問題好難答呀，唔可以話有，亦唔可以話冇。」三人露出驚訝表情，大笑說：「咁咪即係有囉！呢個仲爆過我哋整蠱Mani喎！佢自爆咗喎，完全冇expect過佢會咁講喎！」

影片截圖

影片截圖

影片截圖

隨後Mani回覆問：「Andy（黎展峯）？Angus（楊天宇）？」Carina回覆：「希望你唔好嬲我。」隨後四人繼續玩遊戲時，又收到Mani回覆，「唔緊要，最緊要工作還工作，拍拖還拍拖。」四人頓時尖叫並說：「其實公司真係好好、好開明。」

影片截圖

影片截圖

最後，四人決定跟Mani視像，「我哋玩緊大冒險呀。」Mani說：「咩呀？玩咩呀？邊個呀？邊個A字頭呀！」你哋開心啦，我叫你哋減肥，見到你哋又有零食又有酒，我聽日搬架跑步機上嚟俾你哋，你哋食嘢就要做運動啦，唔好諗住冬天喪食。」四人飲得興趣，便裝作聽不到Mani說話，更向電話舉杯大叫「Cheers」，然後又表示「收唔到」：「bye bye Mani，bye bye。」認真大膽！

影片截圖

之後輪到VALC選Dare，任務是致電一人，通話期間cut線，VALC打給同公司的歌作黃明德（Dark），然後又是一輪吹「講經」，「我啱啱聽到啲勁爆嘅嘢，你唔好同人講呀，我哋隊有一個人對你有少少感覺。」Dark大「吓」一聲問：「你喺邊度聽番嚟？我個心跳得好快喎……咁癲？」三女即時掩嘴爆笑，VALC追問：「咁你估吓係邊個？」Dark口窒窒地說：「A（da）囉……」VALC說了句：「好啦，其實係……」然後便立即cut線！」任務完成，三人即拍手大笑，VALC續說：「等我下次見到佢先同佢講。」遊戲結束，是集MVP由Macy奪得。

影片截圖

影片截圖

最新一集團綜《VIVA Medium Rare House S2》，成員Ada、Carina跟Macy接到新任務，走入理工大學接修讀物理治療的VALC放學，而且要想䀆方法令她尷尬！三人事前拍心口話：「如果係好fun同搞笑嘅嘢佢唔怕，仲會join埋一齊，反而Warm嘅嘢佢會尷尬。」而與VALC同學們傾談期間，更發現原來VALC不單跳舞勁，更是校園中的勤力典範，展現「好學生」的一面。

Ada、Carina跟Macy走入理工大學接修讀物理治療的VALC放學！

觀看相關影片按連結：https://youtu.be/jhMTFwqQ55U

影片截圖

為了「隆重其事」，三位成員打扮奇特，以氣球頭箍先聲奪人，Ada拿着導遊咪、Carina高舉「VALC VALC 大紅大紫」手牌兼呼籲大家Follow VALC IG，Macy就負責搖小鈴鼓，三人又夾定大唱《好想你》，原來這首歌是VALC於韓國訓練時的「噩夢」！三人笑着解釋：「我哋喺韓國training時佢好怕呢首歌，因為韓國好鍾意用啲好sweet嘅tone唱，當佢知要唱嘅時候已經喊咗，哈哈，而家要再俾佢體驗多次佢當時嘅尷尬。」

影片截圖

影片截圖

影片截圖

等到VALC現身，三人即刻嗌口號又跳又唱，誰不知VALC尖叫一聲之後，居然跟着一齊癲！直到唱《好想你》，VALC終於受不了掩面傻笑，但轉頭就話自己已經克服心魔，還solo幾句。問她覺得尷不尷尬，VALC指不但沒有，而且見到她們十分開心，看來三人任務失敗。冤枉娛樂主理人枉阿姐見勢色不對，即啟動Plan B，叫VIVA成員拉住同學Follow VALC IG。VALC一聽到即時彈起，兼尖叫暴走，Ada拿着導遊咪追住嗌：「各位同學Follow吓啦！」場面混亂得似捉迷藏。

影片截圖

影片截圖

影片截圖

影片截圖

影片截圖

影片截圖

最後，VIVA跟VALC幾位同學傾談，三人十分關心VALC的學習情況，同學紛紛大讚VALC是勤力好學生：「上堂好專心」、「好活躍」、「上堂絕對唔會瞓覺」、「佢會約我溫習」、「溫習到midnight」，言談間充滿對這位「學霸偶像」的欣賞，果然是文「舞」雙全。同學們的真心讚賞及跟他們的自然互動，令今集的搞笑情景轉為暖心，可以VALC在學業與事業間平衡努力的成果。

影片截圖

影片截圖

影片截圖