Anson Lo與Jeremy表示，遠赴韓國跟宣美進行綵排，讓他們大開眼界！
2025年蛇年伊始，香港人氣男團MIRROR成員盧瀚霆（Anson Lo）與李駿傑（Jeremy）迎來最新聯乘舞台合作演出。二人將與前女團Wonder Girls成員宣美（SUNMI）在2月13日及16日，於亞洲國際博覽館Arena舉行《Katch the Pop SUNMI x ANSON LO x JEREMY》音樂會。兩人近日接受《巴士的報》專訪透露開騷前心情，本來已是K-POP鐵粉的他們，初次跟宣美見面時即化身心動小粉絲，既興奮又緊張，兩人透露今次這個騷與他們過往開過的騷截然不同，預告跳唱多首K-POP舞曲，勢要熱爆亞博。
點擊看圖輯
MIRROR成員盧瀚霆（Anson Lo）和李駿傑（Jeremy）將伙拍韓國天后宣美，於2月13日及2月16日，假亞洲國際博覽館Arena舉行音樂會。
Anson Lo與Jeremy日前接受《巴士的報》專訪。
（攝影：劉智源）
《Katch the Pop SUNMI x ANSON LO x JEREMY》音樂會
身為K-POP女團鐵粉，Anson Lo與Jeremy表示跟宣美合作表演視為成就解鎖。
Jeremy稱知道這個合作消息後，感到十分驚訝！
Anson Lo遇宣美秒變小粉絲。
兩人早前為演唱會飛韓國集訓。
至於粉絲們最期待的辣身舞，Anson Lo就表示要視乎對方排舞老師的編排。
Anson Lo與Jeremy被粉絲封為「95line」CP，除了因為源於兩人同是1995年出世，亦是因為他們感情十分要好！
MIRROR成員盧瀚霆（Anson Lo）和李駿傑（Jeremy）將伙拍韓國天后宣美，於2月13日及2月16日，假亞洲國際博覽館Arena舉行音樂會。
Anson Lo與Jeremy日前接受《巴士的報》專訪。
（攝影：劉智源）
首度跟韓國舞后宣美見面，兩人都讚不絕口，Anson Lo興奮表示：「好勁呀！無諗過佢係會識我哋嘅歌！哪怕可能佢只係聽過一段仔，你都會覺得好amazing，竟然會肯花時間去研究我哋嘅履歷呀，或者留意吓我哋嘅作品呀，咁我覺得好有心好sweet！」他形容對方給人感覺是位冰山美人，但私下的宣美其實非常可愛和沒有距離感，人又有禮貌，台上台下判若兩人。Jeremy更指宣美表示有聽他們的作品《Hey Hey OK!》和《TOXIC!》，令他難以置信！
《Katch the Pop SUNMI x ANSON LO x JEREMY》音樂會
身為K-POP女團鐵粉，Anson Lo與Jeremy表示跟宣美合作表演視為成就解鎖。
對於今次三人的合作舞台，問到眾人會以什麼形象造型示人？Anson Lo預告：「會霸氣一啲嘅！性感就要留返俾前輩性感，我哋就喺隔離到做樹啦！因為坦白講排舞部份，喺韓國排咗兩隻歌，主要係排返一啲主要嘅舞蹈部份，走位同陣型就留返喺香港，我哋到時三個一齊排，所以暫時就仲未收到通知會有啲咩辣身舞呀。」但Jeremy笑謂他們其實就不期待會跟宣美跳辣身舞：「即係我哋見到面都已經勁緊張，辣身舞真係驚到時唔識反應，唔夠膽掂囉！」
Jeremy稱知道這個合作消息後，感到十分驚訝！
Anson Lo遇宣美秒變小粉絲。
為求完美 舞步加大力度
提到今次遠赴韓國跟宣美進行綵排，兩人都大開眼界，Jeremy更坦言排舞時比在香港更吃力：「佢哋追求嘅力永遠都係唔夠，佢會要你push得再多啲，我哋排舞就係好深刻呢個印象，第一次我以為自己好大力，佢就話我覺得你哋可以再大力啲喎，咁我再試下大力啲，佢就話都幾好，但可以再俾多啲，即係佢不斷push你嘅極限啦！原來K-POP嘅嗰種力真係要去到極大、超大嘅情況，先會見到嗰個力量，呢個我好深刻印象。」
在旁的Anson Lo也表示認同：「排舞師都有同我哋分析，即係大力、大動作就可以令到所有動作都變得好清晰，觀眾睇起上嚟會興奮好多，舒服好多，而且通常表演你唔係會咁近距離，所以你要喺咁大嘅場館之下，你一定要再投放300%嘅力你先俾到對面嘅觀眾，睇到你嘅清晰動作或者你嘅力量，佢講到明大力係好緊要，仲話男仔應該要再大力啲，所以我哋再大力啲試一次，最後尾都仲係未達到佢覺得應該有嘅標準，喺最後尾嘅環節，但就學咗好多嘢，都發覺自己都要再加倍俾多啲power喺舞蹈上面。」
兩人早前為演唱會飛韓國集訓。
他指今次排舞是訓練的一部份，甚至透露排舞師更安排了韓國星級導師培訓，對方跟過不少韓星如少女時代和宣美等合作，Anson Lo續說：「個訓練唔係話學唔同舞種，係學個心態你肯唔肯去push自己，或者俾嗰度嘅排舞師去迫下自己去齊整啲、力度再大啲，可能你見到好多韓團，無論男團定女團都好，一上台嗰下個力度就一定係嗰個，可能佢哋就係經過長時間嘅練習，佢哋唔需要用個腦去諗就已經發放到咁大百分比嘅力。」
至於粉絲們最期待的辣身舞，Anson Lo就表示要視乎對方排舞老師的編排。
恨跟偶像泰民合作
Anson Lo亦劇透今次音樂會有什麼精彩表演準備獻給歌迷，他指：「今次想除咗自己歌，都想有啲新嘅安排，或者係啲舞蹈展現係新嘅，同埋多啲唱吓佢嘅歌，或者cover其他嘅K-POP歌，我哋兩個出道以來都cover好多K-POP，所以大家會好驚喜今次會有好多同K-POP有關嘅舞台表演。」至於曾報名參加過韓國練習生選拔的Jeremy就會苦練韓文做韓文擔當，更希望到時能教宣美一些廣東話潮語如「世一」等，讓她能跟香港粉絲互動，非常細心。
除了今次能跟宣美夢幻合作，問到日後再想跟哪位韓國男團合作？Jeremy選擇了偶像韓團SHINee成員泰民：「因為泰民都係我出solo嗰陣參考過嘅前輩嚟嘅，佢都係行一啲比較中性嘅風格啦，佢又好跳得又好唱得啦！啱啱出道時都有參考好多佢嘅表演，佢會令自己會更加進步，如果有機會都想同佢合作。」Anson亦附和：「我都係泰民、EXO嘅Kai都係我想合作，Kai係跳舞好叻啦，都係行偏霸氣sexy風，所以喺佢身上應該會學到好多嘢。」
Anson Lo與Jeremy被粉絲封為「95line」CP，除了因為源於兩人同是1995年出世，亦是因為他們感情十分要好！
Anson Lo
Wardrobe：Mr porter, I.T
Hair：Denny Ku @CHIC Private I salon
Makeup：Rainbow Chung @Annie G. Chan Makeup Centre
Jeremy Lee
Wardrobe：Fendi
Hair：Lydia Yung @CHIC Private I salon
Makeup：Rainbow Chung @Annie G. Chan Makeup Centre
Anson Lo, Jeremy Lee Stylist：PIPA Creative
