為江若琳製造情人節驚喜送老公 泳兒感動到喊埋一份

早前泳兒 （Vincy）找來江若琳（Elanne）拍攝情人節短片，為Elanne製造情人節驚喜給老公蕭唯展（Oscar）。 炮製驚喜前，Vincy跟Elanne更特別約出來開會，先了解Oscar的習性。

觀看相關影片按連結：https://youtu.be/wcRFAppr25w

多數女生或多或少都有點儀式感，當Vincy問Elanne時，她坦言自己是「零儀式感」，更指老公Oscar同樣沒有，Vincy十分驚訝，「你唔會嬲㗎？」Elanne坦言：「少嬲囉，口講話：『唔嬲、唔駛啦。』心裏面就反晒眼。拍拖頭一年就有嘅，哈哈，之後就冇啦。」Vincy追問她喜歡Oscar甚麼，Elanne指喜歡他「夠現實」，「好踏實嘅，佢嗰啲浪漫同埋情趣係得我一個人會明白，所以佢應該係溝唔到其他女人嘅，哈哈。情人節我哋冇plan㗎。」然後Vincy開始試探Oscar是否會猜到驚喜，Elanne笑說：「佢係唔醒目，因為佢係知道我係從來唔會做任何嘢，佢應該係諗唔到嘅，以佢嘅智商。」

影片截圖

影片截圖

一切準備就緒，原來驚喜是Camping，又與Vincy一齊煲了Oscar喜歡吃的臘味糯米飯、蛇羹，又於營地上掛了多張Elanne跟Oscar的合照、一家三口的合照，再加上燈飾，既溫馨又浪漫。當Oscar到達營地見到Vincy時，平淡地說：「喂，好耐冇見喎。」原來較早前Elanne已露出馬腳，Oscar問她當日有甚麼工作時，Elanne一時說拍賀年訪問、一時又說要回公司開會。

影片截圖

影片截圖

當Vincy回到露營車上跟Elanne準備糯米飯時，獨留在外的Oscar說：「呢啲環境我懷疑個仔已經出現埋㗎啦喎。好嘢呀，今日啱啱係最凍，出咗呢個寒冷天氣警報，俾咗呢個驚喜係非常之難忘嘅。」隨後，Vincy跟Elanne送上糯米飯及蛇羹，又播出他們一家三口的短片，三人看到眼濕濕，Vincy見Elanne喊出來，自己也忍不住喊了起來，最後更帶來二人一歲的兒子Owen，整個驚喜圓滿結束。

影片截圖

影片截圖

影片截圖

問到Vincy籌備這個企劃原因，她指雖然自己並非典型的sweet女生，但卻是一個喜歡給朋友或另一半驚喜的人，「我係一個行動型嘅女朋友，所以今次都想將我呢個好鍾意俾surprise人嘅一個喜好，送俾一啲圈中嘅情侶好朋友。」播片時，Vincy自己都喊埋一份，她謂自己是一個很容易被其他人情緒感染的一個人，「同埋條片個background music係我首新歌《無糖可樂》，聽番原來係有咁大威力，夾番落去一啲溫馨嘅畫面度，個威力好大，我覺得成件事係觸動到我。」

江若琳一家三口與泳兒合照。

問到今年情人節點過？她說：「就係喺公司間Concept Store唱歌，然後返屋企二人世界。我覺得最浪漫嘅情人節就係兩個人一齊過，做乜都冇所謂，唔一定要一啲好天花龍鳳嘅驚喜，食餐飯一齊渡過咗嗰日已經係好浪漫。」

泳兒（Vincy）早前推出2025年首支派台作品《無糖可樂》，經過過去幾年的暗黑系列，這次作特意找來本地情侶組合「小塵埃」合作，寫一首最純粹平實的愛情小品。或許日子久了，甜蜜會慢慢揮發，愛情也未必如想像中來得轟烈，不過只要有愛的人在身旁，細水長流才是最幸福的事，就是無糖可樂。

觀看相關影片按連結：https://youtu.be/g4uJlRQoPV0

為宣傳歌曲，早前Vincy為好友江若琳製造驚喜給老公Oscar，這次她便約了《無糖可樂》的作曲人之一「小塵埃」的Jonathan，為拍了十三年拖的女友、「小塵埃」女主音Pollie製造浪漫驚喜。

泳兒與小塵埃

製造驚喜前，Vincy向Joanthan收集Pollie喜好等資料，Jonathan指Pollie喜歡小貓小狗，他提議去寵物cafe，問到Pollie有沒有甚麼事情很想做，Jonathan笑說：「好想成日見到我囉，我估。」Vincy靈機一觸，「我哋整個你嘅一比一攬枕吖！」Jonathan更提議用他的頭key在韓星李敏鎬的身上，「因為佢成日話我瘦啲嘅時候好似李敏鎬，佢講㗎，唔關我事呀！」

影片截圖

影片截圖

驚喜當日，Vincy跟Jonathan先到花墟買花，Jonathan表示Pollie喜歡菊花，最後買了三束菊花、五朵向日葵及一張卡。隨後便到酒店佈置，Jonathan的一比一攬枕亦同時「出場」，而且安排它「睡」在大床上靜候Pollie來臨。一切準備就緒，Pollie在約定的時間地點出現，原來是要帶她到貓cafe，問到Pollie二人向來不太會特別慶祝一些日子，Pollie直言通常都跟朋友一起過，再問二人平時拍拖做甚麼，Pollie直言：「都係搵朋友一齊玩。」三人隨即大笑。

影片截圖

Vincy假意拍完節目，訛稱「兜」二人落尖沙咀，到達酒店後又指帶他們走秘道，其實驚喜在後頭，帶了Pollie上房，一面懵懂的Pollie這時才如夢初醒，Vincy指知道二人從沒去過staycation及二人旅行，所以特別安排了staycation給他們，「希望留個難忘嘅情人節俾你哋。」Room tour期間，Pollie看到睡房床上的「半裸猛男Jonathan」，立即露出嫌棄的表情，不過仍即時飛奔攬實兼大笑，「有少少唔想拎番屋企。」最後Jonathan送上寫滿愛意的心意卡，驚喜大成功。

影片截圖

影片截圖

影片截圖

不過，成功背後，當中亦發生了不少蝦碌事令驚喜差點穿煲，Vincy說：「今次我哋準備咗兩個驚喜，第一個係睇貓，但我覺得睇貓好似冇特別驚喜，所以第二個驚喜就係安排佢哋去staycation。去到第一個location嘅時候，我哋兩個爆響口，因為我哋講『我哋第一個地方⋯⋯』咁即係代表仲有第二個地方啦，哈哈。」她續說：「第二個蝦碌位係我哋呃佢（Pollie）去第二個地方話兜埋佢去攞車，其實係呃佢上酒店房，但係我哋唔記得咗我哋將間酒店房咭俾咗個同事，因為佢要先上房set cam，所以我哋去到樓下就搭唔到lift上房，喺嗰度糾纏咗一陣，講大話搵路、又話急尿去廁所，但我哋兩個都唔係好識講大話，哈哈。所以呢個驚喜最難就係講大話。」

浪漫驚喜成功！