前港姐陳思齊拍片大談做女演員辛酸 唔怕被笑決定跟蔡淇俊搵食誓做「雞腳王后」

前TVB女星陳思齊（前名陳凱怡）於2000年參選港姐，當時被外界封為「翻版朱玲玲」，可惜最終大熱倒灶五強不入，但仍簽約成為TVB旗下藝人，多年來參演過多部劇集；2013年約滿TVB後轉投港視，接連拍了六部劇集，但港視最終不獲發牌，陳思齊亦無奈退出娛樂圈，並轉行任職音樂治療及香薰按摩師。直到去年，陳思齊進駐抖音，並表示已移居內地生活，不時拍片分享日常，又直播帶貨，近日更透露決定跟自設廠房賣雞腳的前TVB藝人蔡淇俊「搵食」。

陳思齊參選2000年港姐後入行。

參演過多部劇集，但演出的大部分都是「妹仔」角色。

陳思齊日前拍片大談做女演員的辛酸，透露自己在TVB的日子中一直都有年齡焦慮，「經常擔憂被裁員，而且女演員好快就被人話年紀大。唉~又冇角色啱我做，叫我早啲嫁人喎。面對工作嘅瓶頸，又成30歲嫁唔去，所以我就決定離開娛樂圈。」雖然陳思齊自言有年齡焦慮，但影片中戴著圓框眼鏡的她，保養得非常好，而且依然一臉稚氣，完全看不出已經42歲。

影片截圖

影片截圖

影片截圖

影片截圖

影片截圖

離開娛樂圈，陳思齊就決定試試其他發展，但似乎不太順利，她慨嘆說：「點知我真係諗得太簡單，社會太殘酷啦！我話比人聽我識做戲，我係香港小姐咁又點啊，香港小姐嘅頭銜同演戲嘅經驗都冇辦法令我搵到一份好嘅工作，包括我依家嚟到佛山都係一樣。」

影片截圖

影片截圖

影片截圖

影片截圖

不過，陳思齊又豁達的表示：「人生呢，就冇咩唔可以做嘅，所以經過我深思熟慮之後，我決定過嚟同大家一齊擺攤！」原來她決定跟自設廠房賣雞腳的前TVB藝人蔡淇俊「搵食」，一起擺街檔做直播。

影片截圖

影片截圖

影片截圖

影片截圖

蔡淇俊為陳思齊舉行了一個小小的歡迎儀式，影片中可見，蔡淇俊與員工們一字排開列隊，並向陳思齊送上鮮花，哄得她好開心。蔡淇俊亦叫陳思齊想清楚，因為擺街檔好辛苦，亦可能會被笑「淪落到街邊搵食」、「一把年紀嫁唔出」，陳思齊堅定地說：「我唔怕！我要嚟呢度學習擺攤，我要做雞腳王后！」更表示不怕傳媒有負面的報道，誓要絕地反彈！

影片截圖

影片截圖

影片截圖

影片截圖

影片截圖

影片截圖

影片截圖

現年43歲、有「TVB御用丫鬟」之稱的陳思齊，近年移居內地生活。早前她突然拍片自爆決定轉行擺攤賣雞腳，更加入蔡淇俊的團隊，成為「擺攤大軍」成員之一，笑言要當上「雞腳皇后」。她亦不時透過內地社交平台分享生活和心事。

早前拍片自爆決定轉行擺攤賣雞腳

近日她再拍新片，標題相當搶眼 ——「有人要我嗎？大齡美剩女在線等！」片中她直言：「你哋一個二個咁催我結婚，其實我已經盡咗力。唔使直播嘅日子我都會返香港照顧阿媽。每次見到人哋一對對配對成功，我簡直係妒忌、羨慕、恨！」她又笑稱外界誤會她揀擇，「我只係想搵個多頭髮嘅，唔過份呀嘛？」

片中她直言：「你哋一個二個咁催我結婚，其實我已經盡咗力。」

表示只係想搵個多頭髮嘅另一伴

她強調結婚並非人生KPI，真正令她困擾的不是孤單，而是外界不斷追問：「你點解唔結婚呀？」片尾更向鏡頭大叫：「有冇人要啊？」語氣帶點玩味又無奈。她表示會繼續做好自己，希望所有人都找到屬於自己的幸福。

片尾更向鏡頭大叫：「有冇人要啊？」

陳思齊於2000年以陳凱怡之名參選港姐，賽前被封為「翻版朱玲玲」，但最終三甲不入，甚至曾被指因一句「朱玲玲係邊個？」惹來非議。落選後仍獲TVB簽入，十二年間參演過上百套劇集，包括《老婆大人》中的Bobo及《碧血鹽梟》四小姐等角色。2013年離巢轉投港視，惟因牌照事件無以為繼，她其後退出娛樂圈，轉行做骨妹。

她曾透露學按摩，是為幫有「五十肩」的母親止痛，孝順心意亦令最終成為她的新工作方向，可謂一舉兩得。