黃明德全新單曲《大鬧說謊城》怒轟社會荒謬大話精自爆被出賣：責任推晒俾我！

娛圈事

黃明德全新單曲《大鬧說謊城》怒轟社會荒謬大話精自爆被出賣：責任推晒俾我！

2025年04月10日 22:00 最後更新：22:19

唱作歌手黃明德（Dark）今日（10日）推出全新單曲《大鬧說謊城》。這次Dark一改以往青春清新形像，以強勁搖滾曲風直插社會虛偽現象。

相關影片可以按以下畫面觀看：

點擊看圖輯

唱作歌手黃明德（Dark）今日（10日）推出全新單曲《大鬧說謊城》

唱作歌手黃明德（Dark）今日（10日）推出全新單曲《大鬧說謊城》

新歌靈感來Dark對現實社會的不滿

以最直接的方式，以搖滾音樂來表達對這個「說謊城」的不滿

Dark更自爆曾被朋友出賣，難怪唱得有火

Dark坦言自己性格直腸直肚

Dark坦言搖滾更啱口味

影片連結： www.youtube.com/embed/tCzihEjJY0k

新歌靈感來Dark對現實社會的不滿，「攤開報紙，扭開電視，打開電話，接收過萬樣資訊，都唔知邊句真邊句假。」所以他便以最直接的方式，以搖滾音樂來表達對這個「說謊城」的不滿。作曲及編曲部份由Dark親自主理，又找來小克填詞，當中的「但大話總喜歡冚一個大話利疊利的風險知道嗎」一針見血地諷刺社會謊言連篇的荒謬現象。Dark更自爆曾被朋友出賣，難怪唱得有火，「最深刻係俾朋友背叛，佢做錯一啲事，但將個責任推卸咗落我度，我就俾人責備。」

提到「大話」，Dark坦言自己性格直腸直肚，就算遇上不快事，亦會直接說出來，並非一個經常講大話的人，但最大的一個大話是跟自己說：「有陣時唔開心嘅時候會呃自己冇事，但其實去到最尾嘅後果就係會將啲唔開心嘅嘢儲埋一齊，然後一次過爆發，所以一定要正視自己嘅情緒。」

新歌轉玩重型搖滾，有別於Dark一直以來的清新校園曲風，Dark坦言搖滾更啱口味，「其實我由細到大都接觸好多重金屬嘅音樂，好鍾意搖滾風，所以對我嚟講，搖滾嘅歌係容易過之前嗰啲青春輕鬆曲風。之前出過咁多首歌入面，我覺得最難駕馭係《留班同學》、《沒有穿校服的日子》嗰期比較輕鬆嗰啲。」

往下看更多文章

黃明德新歌靈感源自朋友慘痛經歷勸世：放開手唔係輸！

唱作歌手黃明德（Dark）2026年首支派台作品《我的世界不只有你》今日（3月10日）上架。向來喜歡用音樂講故事的Dark，這次摒棄以往歌曲如《框框》那種壓抑、《大鬧說謊城》的火爆，反而跟填詞人王澄晞聯手，炮製一首關於「放開手」的慘情歌。

新歌《我的世界不只有你》靈感來自一段愛到沒了自己的關係。Dark唱出那種為了愛情犧牲朋友、家人甚至夢想，最後換來的只是遍體鱗傷的經歷。歌詞「丟低了夢想誰為錯的愛付帳早忘掉志向」，聽到人心痛。雖然如此，但歌曲並非一味叫人死喊，反而勸大家退後一步，你會發現「單身一人人生都可精彩無憾」，學會留點空間給自己，重新找回生活節奏。

觀看相關影片按連結：https://youtu.be/57HX149MYC4

Dark坦言歌曲有部份係來自一些朋友的親身經歷，「佢哋以前拍拖拍到完全冇晒自己，連我哋成班兄弟約出嚟食飯，都要問准另一半。有次佢同我傾開計，話『我贏咗場交，但輸咗個自己，大家都唔開心，其實有咩意思？』就係呢句話，令我靈機一觸，決定要寫一首關於放開手嘅歌。」他續說：「我想用呢首歌話俾大家聽，有時放開手，唔係輸，而係俾機會自己同對方，重新搵返屬於自己嘅天空。」