蘇韻姿Fans Club取名「姿心批」 感激粉絲陪伴鼓勵走出低谷

早前簽約加盟昇陽娛樂文化的蘇韻姿，日前與數十粉絲聚會預祝生日，並宣布成立Fans Club並命名為「姿心批」，期間已兩年未有跟Fans聚會的蘇韻姿表現親民，除了跟粉絲逐一互相認識，又與粉絲玩遊戲及影相留念，她直言感謝粉絲們對她的不離不棄，透露不少粉絲陪伴她走過人生低谷，令她重新振作，再戰演藝界。

蘇韻姿日前與數十粉絲聚會預祝生日。

同時宣布成立Fans Club。

蘇韻姿直言很喜歡跟粉絲們互動，感激他們給予愛與力量：「如果講我人生低潮期，一定係離開《愛﹒回家之開心速遞》，當時好迷惘，因為入行6年以來都係做同一套劇、同一個角色，到離開咗自己熟悉嘅工作模式時，有其他監製搵我拍節目，發現自己原來係乜都唔識，好彩呢段時候好多Fans不停留言支持我，又叫我開live同佢哋傾偈，鼓勵我嘗試多啲唔同嘅嘢，所以嗰時我就去嘗試音樂劇。」

蘇韻姿Fans Club取名「姿心批」。

蘇韻姿感激粉絲陪伴走出低谷。

累父母擔心感內疚
雖然低谷已過，但蘇韻姿內心仍愧對粉絲及家人，她表示：「好想工作上做啲成績畀佢哋睇，例如做啲重要角色或主角，回饋佢哋；有時自己會覺得好內疚、覺得嚟香港發展係咪一個好任性嘅抉擇呢？爸爸、媽媽喺加拿大病，我又照顧唔到佢，仲要佢哋擔心我喺香港生活。」

令父母擔心感內疚。

提到成立Fans Club並命名為「姿心批」一事，蘇韻姿笑言覺得這個名字很有趣：「其實有好多粉絲，都喺我做處境劇時開始支持我，有啲Fans仲會場場嚟睇我做舞台劇，又會着住特製T恤嚟睇我做騷。」

其間她感動落淚。

蘇韻姿與粉絲玩遊戲及影相留念。

表現親民！

昨日大除夕，藝人朱智賢於社交平台大晒與好友蘇韻姿一同行花市的照片同短片，兩人全程笑容滿面，氣氛勁歡樂。朱智賢留言寫道：「每年都一定要行花市，要買風車同埋一定要去食糖葱餅！今年花市好似好多得意嘢，同蘇韻姿過我哋嘅Galentine's Day！」

朱智賢與好友蘇韻姿一同行花市

買風車

一路行一路玩風車

從分享畫面所見，當日花市人流不算擠迫，令兩人可以慢慢行、慢慢玩，朱智賢成功完成「願望清單」，包括入手應節風車、狂擦最愛嘅糖葱餅，食到一臉滿足。今年更特別加插一站，專程幫襯由伍富橋夫婦經營嘅檔攤，力撐圈中好友。

狂擦最愛嘅糖葱餅

蘇韻姿亦入手不少年花

今年馬年，馬仔一定唔少得

二人更專程幫襯由伍富橋夫婦經營嘅檔攤

兩人一踏入年宵市場即刻化身「大細路」，對各式各樣嘅應節公仔同裝飾充滿好奇，攞上手把玩兼瘋狂打卡，又忍唔住嘴嘟嘟狂擦現場美食，全程笑聲不斷，洋溢濃濃節日氣氛。