「元祖級Cosplay王」古巨基Cosplay動漫角色 Hedy突爆：你做番個人啦

娛圈事

「元祖級Cosplay王」古巨基Cosplay動漫角色 Hedy突爆：你做番個人啦

2025年04月12日 21:00 最後更新：21:15

古巨基最近帶住同門師妹「音樂女神」海兒（Hedy）及YouTuber程人富去大阪拍攝全新旅遊企劃《I REALLY LOVE TO Travel我真係好鍾意旅行》。去到出名動漫及Cosplay的日本，三人當然「入鄉隨俗」，於日本橋電器街喪玩Cosplay，更意外被爆原來基仔是「元祖級Cosplay王」，認真厲害。

點擊看圖輯

古巨基最近與海兒及程人富去大阪拍攝全新旅遊企劃兼大玩Cosplay。

基仔將自己Cosplay造型跟Tyson Yoshi的「合照」放上社交媒體。

古巨基最近與海兒及程人富去大阪拍攝全新旅遊企劃兼大玩Cosplay。

影片截圖

基仔將自己Cosplay造型跟Tyson Yoshi的「合照」放上社交媒體。

引來Tyson Yoshi留言。

觀看相關影片按連結：https://youtu.be/dYxJZtTWQZ0

節目一開始，Hedy及程人富均指自己於動漫範圍十分耍家，這時基仔淡淡然說道：「你哋知唔知我都係cosplay嘅元老，你哋可能冇睇過，我以前演唱會有cosplay。」隨後三人去到專賣cosplay服裝店舖shopping一番，在懊惱究竟扮演哪一部動漫時，Hedy指：「我呢排都有講話大推《膽大黨》（Dan Da Dan）。」雖然決定扮演哪一部動漫，但在選擇角色時，Hedy突然向基仔爆出一句，「不如你都係做番人啦。」即時激到基仔跳起，「咩叫做番人呀？！咩意思呀你？！嗌我做番個人？！咁即係我而家係唔係人呀？！哈哈。我呢幾廿年做咗啲乜嘢呀？」笑到在旁的程人富碌地。

最後，基仔Cosplay円城寺仁、程人富扮演高倉健、Hedy則化身Seiko Ayase。三人以神還原的造形喪玩大阪街頭，更特登走到人多的地方如機舖及夾公仔舖遊走一番，基仔笑言：「今日我哋搞到呢個look，要練嘅係乜嘢呀？膽大呀！因為係《膽大黨》吖嘛！無論見到所有人佢哋望我哋嘅目光係點，我哋仍然自信。」期間更吸引到不少途人圍觀兼拍照。

行到攰，三人到餐廳醫肚，一走進餐廳，又被店員「認出」，Hedy謂：「啲店員都話：『哦！Dan Da Dan！』」然後又大讚自己三人神還原角色，「都幾似喎真係我哋幾個，唔係講笑。」不過基仔認為自己cosplay Tyson Yoshi，「我己覺得好似Tyson Yoshi，你搵番佢紅色頭髮嘅時候對一對吖，哈哈。我send我呢個look俾Tyson先。」

隨後，基仔又拿出電話，跟Hedy及程人富分享自己過往演唱會的Cosplay造型，「應該有十九年前，差唔多二十年……」話未講完，Hedy看到電話便衝出來，「哦！《Devil May Cry》！」即時獲得基仔大讚：「真係識喎！識嘢喎！」節目出街後，基仔將自己Cosplay造型跟Tyson Yoshi的「合照」放上自己的社交媒體，即時引來Tyson Yoshi留言：「嘩有feel」基仔則回應：「下次cos埋你個body」十分搞笑。

往下看更多文章

中年好聲音4｜海兒今季再度大晒多元表情包「問題少女」谷婭溦狂拋四字成語夠特色

車婉婉主持的《保濟丸130週年呈獻：中年好聲音4》，昨晚（11月23日）翡翠台首播，首站內容是新馬賽區。昨晚登場的十位選手，最終有兩名五燈選手成功晉級，分別是獻唱《聽海》的尤淑情，及獻唱《夜夜夜夜》的卓猷燕。其餘在等待區等待翻盤的，則有4燈選手梁煜坤、3燈鄭仲豪、3燈鄧淑賢、2燈鄭夏韻，及2燈常曉然。

《中4》常駐評審有肥媽、周國豐、張佳添、海兒及新加入的「小辣椒」谷婭溦（小谷）。由於小谷是一位既熱血又充滿好奇心的評審，並經常化身「問題少女」及「成語專員」，令整個評審團的互動更為搞笑。小谷最搞笑的，是當第一位出場的黃紹祖獲得肥媽第一盞燈後，小谷即心急追問已看到參賽者真身的肥媽「靚唔靚仔」，結果遭肥媽公開篤爆，事件還「禍及」海兒，肥媽指完小谷指海兒謂：「呢啲冇義氣架！我一開咗（個板），佢哋就猛問『靚唔靚仔呀？』『高唔高大呀』」，海兒聞言即露出「心虛古惑樣」，場面搞笑。

問題同四字成語Round Round都多的小谷，對於參賽者的表現亦相當肉緊，面對無論顏值及唱功均甚有潛力的4燈選手梁煜坤，小谷即場教授發音技巧、表現認真。小谷：「高音扁了，要圓一點，（即時唱出來）你是～～聽到那個『是』嗎，那個『是』就是你聲音後面的力量。」煜坤被指教後果然唱出顯著進步，小谷教唱歌功力可見一斑。

上季貴為「可愛擔當」的海兒，今季繼續可愛表情包大放送，除了遭肥媽篤爆八卦參賽者「靚唔靚仔」時的妙趣尷尬樣，又會投入到跟住唱或是閉眼沉醉於參賽者的歌聲之中。例如昨晚一集，參賽者常曉然挑戰音域勁闊的超高難度歌曲《皮囊》，結果最高音部分因聲音太尖銳「技驚四座」，海兒與小谷嚇到皺晒眉，狀甚可愛。至於出名是《中年》手緊王的周國豐，第一集開頭貫徹手緊作風、並拋下豪語：「呢塊《中年》拍板，應該令到我唔使點見人架啦」，豈料語音未落，周國豐即連續兩round爽快撳燈讓參賽者過關，相當搞笑，亦曲線證明了本季參賽者何等高質。

第一集除了兩位「5燈殺手」，獻唱《你是我的眼》的4燈得主梁煜坤實力亦不容忽視。樣子酷似藝人梁俊一的煜坤，由於聲線磁性又有感情，只唱了不足10秒已吸引肥媽極速撳燈，肥媽「開板」後，更對煜坤的顏值讚嘆不已：「要樣有樣，要聲有聲，又靚仔又靚聲，得啦！」至於3燈選手鄭仲豪及鄧淑賢，實力同樣不容忽視，二人之所以未能獲得更高分數，全因揀錯了與自己風格「背道而馳」的歌曲，當中獻唱《春夏秋冬》的鄭仲豪，更獲得評審及主持車婉婉一致好評。周國豐：「把聲好有性格，有辨認度，有少少Beyond（黃）家駒早期影子。」小谷：「把聲有天生自帶滄桑感，你唱呢隻歌時，中間有啲部分好似想行前捉啲嘢、但又唔敢行前，嗰一種猶豫令我feel到你心入面有啲嘢，所以畀咗燈你。」車婉婉：「我睇海選我對你好大期望，因為Band仔感覺好出。」