《膠戰RUN FOR YOUR LIVE》於4月20日開騷，Hillary劉沛蘅早前貼出多張演唱會相片，並有感而發發長文感歎：只想帶快樂俾大家嘅初心，勇敢地去做自己 ，活好自己嘅人生。
《膠戰》係我人生中絕對係重要嘅一環佢帶俾我嘅嘢實在太多！當初2020年開始拍膠戰嘅我哋，絕對無諗過今時今日可以開到一場8000人嘅show。
點擊看圖輯
6膠入面，我話比較少，但其實感受很多。我唔擅於用言語表達， 亦比較被動。想喺度同5膠講我好開心好開心識到你哋，我哋6個大纜都扯唔埋嘅人可以走埋一齊，然後建立到呢種感情係一種緣份，所以我真係好希望我哋嘅友誼可以直到永遠。
膠戰嚟到第四季， 大家都各自經歷咗好多，經歷同環境都迫我哋急速成長。世界好殘酷， 但點樣去看待同面對，就係我哋嘅課題。希望我哋可以守護住拍膠戰嗰陣嗰一顆小孩嘅心，一直都保持住，只想帶快樂俾大家嘅初心，勇敢地去做自己 ，活好自己嘅人生。
在 Instagram 查看这篇帖子
一段友誼就好似愛情咁， 有熱戀期有平穩期有冷淡期，儘管我哋冇以前聯繫得咁頻密，但每次一見面， 個bonding同默契就會喺度“六個人一起不作他選”。
多謝5膠， 你哋每一個都好叻好charm，上到台見到你哋喺身邊，我就特別安心，我哋又一齊完成多一件事啦。Love you all ！
講返個show，辛苦晒製作團隊咁努力去配合我哋，接受同盡力去實行我哋瘋癲嘅意見。
仲有 @alijai 同各位dancers，令到唔識跳舞嘅我哋望落都好似有啲型，我知道教我哋跳舞好辛苦，喺台上冇甩Step總算冇白費你哋嘅教導。
多謝Band好有耐心咁逐首逐首歌幫我哋處理，令到我哋可以有自信咁唱出我哋想表達嘅嘢。多謝 @ki.neks_ho 同 @seikosinhair 嘅神手次次都好放心將妝頭交俾你哋(然後做完嘢都會唔捨得落妝 唔捨得拆頭)。多謝 @kongvenus.photography 影嘅靚相，記錄低我哋喺台上嘅每一個moment!多謝我公司 @coolstylemgt你哋係我強大嘅後盾 ，每次都撐住我俾信心我愛你們。最後要多謝膠粉們 & @hillarylau.fp你哋每一位都有份成就6膠。多謝你哋鍾意我哋，多謝你哋嘅每一份支持同鼓勵希望我哋可以繼續互相用笑聲感染大家。
