有港女在網上發文，分享自己叫完外賣後被外賣員騷擾的經歷。她收到外賣員的騷擾訊息，又稱在其樓下，令樓主擔驚受怕，更加表示「瞓唔着」。樓主稱已報警及向涉事網上外賣平台投訴。
Getty示意圖
嗌外賣被外賣員傳訊息騷擾
樓主在社交平台Threads以「冇諗到嗌外賣都可以嗌到報警」發文講述事件，表示自己早前收到陌生人WhatsApp，起初不知道是誰就沒有理會。但見對方又傳訊息，樓主以為是認識的朋友在玩自己，因而回覆對方。
當事人帖文截圖圖片
對話過程中，樓主認為對方「講野嘅方式好怪」，又能「講埋我嘅住址 」，她頓時感到很恐怖，於是封鎖對方。
找到外賣員電話號碼
樓主細想後發現在陌生人中只有外賣員知道她的住址與電話號碼，於是在外賣平台尋找外賣員電話號碼，嘗試找出與騷擾她的人對應的號碼。最後真讓她找到，樓主直言「ching咁大膽」。
當事人帖文截圖圖片
樓主的朋友與外賣員在傳訊息期間，外賣員提到在樓主家樓下，「嚇到我喊+瞓唔着」。現時已報警及向涉事網上外賣平台投訴，更加直言「依家好驚佢會嚟搵我」。
當事人帖文截圖圖片
剛好與外賣員搭同一架升降機
樓主表示平時叫外賣，都會要求外賣員將外賣放在門口後離開，聽到他們走後才會開門拿外賣。這次她在街上叫了外賣，剛好與外賣員乘搭同一架升降機。
她回憶「睇到佢拎住我嘅外賣，就問佢係咪我嗰層，佢話係，我畀訂單佢睇，佢畀外賣我，我話唔該，到咗我嗰層佢搭𨋢落返去，全個過程就咁多」。
網民擔心樓主的安全
帖文一出，網民紛紛留言斥責外賣員，更有不少人擔心樓主的安全，「呢啲真係害群之馬嚟」、「真係影響到正常嘅同行，直情要炒啦」，「呢啲人手法可能會好極端，小心人身安全」、「建議去備咗案先」。
網民建議外賣app用男人名
有網民建議嗌外賣保障自己的方法，「我會整個勾喺門口，叫佢哋掛喺度就走得啦」、「外賣app用男人名，平時都係叫擺門口，等佢走咗我先出去拎」。
