面對一個開口就來的美國總統，我們也得開口就來。
在中美即將進行關稅對話前夕，美國總統特朗普接受保守派電台主持人修伊特訪問時說，「我認爲談論黎智英是非常好的主意，我們會將之納入談判中之一環。」一個關稅會談和黎智英有什麼關係呢？如果美國這樣喜歡談政治問題，中國也可以談談政治問題，更值得討論的是美國錯誤驅逐的薩爾瓦多男子加西亞。
加西亞現在於薩爾瓦多叢林中的「反恐怖主義監禁中心」囚禁，這是全美洲最大的超級監獄，所有囚犯全天候監控，每人都要剃光頭，只能穿着白色內褲，一天只有半小時可以離開牢房活動，睡在沒有床墊的不銹鋼板上，禁止使用任何餐具，只能用手進食，一日只有一桶水供飲用洗漱，生活條件極為惡劣，更被斷絕與外界一切聯繫。外界以「世上最恐怖的監獄」、「無路可逃」和「有去無回」，來形容這座超級監獄，加西亞就是囚禁在其中。
加西亞是薩爾瓦多人，1995年在薩爾瓦多首都聖薩爾瓦多出生，母親經營食品生意，遭當地幫派Barrio 18勒索，並威脅逼他的兒子加入幫會。加西亞爲逃避暴力威脅，尋找更好生活，在2011年，他年僅16歲時，就逃離家鄉，非法進入美國。5年後即2016年，與美國公民蘇拉結婚，其後育有3子女。
2019年他在馬里蘭州喬治斯王子縣一間家得寶店外，尋找臨時工作時，被美國警察拘捕。美國警方後來將他移交美國移民及海關執法局，啟動遣返程序。當局聲稱他是MS-13幫派成員，理由是他穿著芝加哥公牛隊棒球帽和連帽衫，亦有一個所謂秘密線人聲稱他參與紐約當地的MS-13幫派，但他否認和任何幫派有聯系。
加西亞後來申請美國庇護，但在美國庇護申請必須在抵美一年內提出，他的申請已經過期，因此最終被拒，但法官仍授予他「禁止遣返身份」，認爲不能夠將他遣返薩爾瓦多，因爲「他很可能在被遣返後遭到幫派暴力傷害」，其後將他釋放。
特朗普上台後，辣手對待移民，引用一條古老法例《外國敵人法》，在3月驅逐200多個委內瑞拉人和23個薩爾瓦多人。特朗普急於驅逐這些非法移民，是想盡快向支持者顯示他的反移民政績。當時很多拉丁美洲國家都拒絕接收被遣返的移民，但特朗普就和薩爾瓦多的出位總統布克爾傾好數，這個被外界指控獨裁的總統，大力打擊黑幫，並在薩爾瓦多設立那座恐怖監獄。
被錯誤遣送往薩爾瓦多超級監獄的加西亞。
布克爾爲了拉攏和特朗普的關係，就承諾收取美國支付的費用，接收薩爾瓦多和非薩爾瓦多籍的美國非法移民，將他們全部囚禁入那座超級監獄之內。加西亞今年3月12日在回家途中，被美國移民及海關執法局人員截停，告知他「移民身份已經更動」，隨即將他拘捕。3日後，加西亞搭上美國政府的飛機，移民局人員聲稱他和犯罪組織有關，將他們全部遣送到薩爾瓦多的超級監獄，自此加西亞無法再與家人取得聯絡。
不過，特朗普政府事後承認，將擁有「禁止遣返身份」的加西亞送走，是一項「行政錯誤」，但是這項錯誤無法透過美國的司法程序糾正，理由是美國法院對身處薩爾瓦多的加西亞無司法管轄權。4月4日，聯邦法官希尼斯頒令，要求當局必須不遲於4月7日將加西亞送回美國，但是特朗普政府很賴皮地無視法庭的命令。
4月14日，薩爾瓦多總統布克爾訪問美國，和特朗普在白宮會面，當時包括CNN在內的美國記者，紛紛追問加西亞的案件，問加西亞如何能夠被送回美國。特朗普和布克爾嬉皮笑臉地互相推諉，特朗普先諷刺一下提問的CNN無觀眾，就交由其他官員回答，在場的美國官員又說他們對身處薩爾瓦多的加西亞無管轄權。同在現場的薩爾瓦多總統布克爾說，他不會將加西亞送回美國，認爲這是一個荒謬的問題。在白宮這個嬉笑式的對答中，加西亞的自由和人權，完全被特朗普政府無視。
特朗普政府急於展示遣返非法移民的功績，那個好像芭比公仔的美國國土安全部長諾姆，曾經在3月26日訪問薩爾瓦多的超級監獄。她站在牢房外，以一大班剃光頭、赤裸上身只穿短褲的薩爾瓦多囚犯作爲背景擺拍，並聲稱其他人進入美國，都可能面對牢房那班犯人同樣的後果，直指「這處設施將會是美國工具箱裏會使用的工具之一」。這些囚犯連面孔也沒有被打格，所謂私隱和個人權利，不知誰去管了。
美國那個像芭比公仔的國土安全部長諾姆，以薩爾瓦多囚犯作爲背景擺拍，無視囚犯的人權。
或許加西亞的故事，可以用特朗普的評論作結。特朗普在4月21日接受NBC訪問的時候，記者提到國務卿魯比奧被問及美國人是不是擁有「正當程序權利」時，認爲當然所有美國人都會享有正當的程序權利。但特朗普對此不以爲然，對美國人是否享有憲法保障的正當程序權利的提問，特朗普表示：「我不知道，我不是律師，我不知道，這樣的要求意味著我們將不得不進行一百萬，兩百萬或三百萬次審訊」。
美國的憲法「第五修正案」規定了法律的正當程序，意味着一個人面臨刑事指控的時候，擁有某些權利。但特朗普政府完全無視憲法保障的權利，加西亞就是一個活生生的例子。如果特朗普那麼喜歡在關稅談判中討論黎智英的話，我們也應討論一下加西亞的個案，因爲把黎智英放在香港的監獄，實在太仁慈了，如果付點錢把他放在薩爾瓦多那樣「有去無回」的超級監獄，恐怕阻嚇性會大一點，香港的工具箱會多一種工具。
盧永雄
二百幾年嚟美國一向都標榜自己係一個自由、平等嘅國家。不過自從「侵侵」再度封王之後，我零零發發現，超級大國嘅所謂普世價值，原來全部都係得個講字！
「侵侵」一登基之後，就即刻簽署第一個行政命令，去釋放千多名被司法部起訴，發動「國會山莊騷亂」嘅罪犯，包括兩個被判22年同18年監嘅「驕傲男孩」政治組織成員。「國會山莊騷亂」係因為「侵侵」2021年落敗，而發起嘅一場暴亂，令到有5個人死咗(包括1名警員) ；而「侵侵」又同成件事有關，點解可以咁兒戲，簽個名話放就放，唔使有任何司法程序嘅?！ 「侵侵」完全將美式嘅法治，異變為人治！如果喺香港，佢嘅行為，唔係衰「妨礙司法公正」，都「公職人員行為失當」啦！
另外，據媒體報導，有份參與呢單案件嘅檢控官同FBI探員，而家都被 「侵侵」追殺緊， 20多名檢控官已經被炒，至少6名FBI探員收到通知，要提早退休或自動辭職，這種討伐異己的手法在所謂民主國家真係聞所未聞。聽聞「追殺行動」陸續有來，因為「侵侵」上屆落敗後，都牽涉咗好多單官司，包括金融欺詐、逃稅、性侵女作家，推翻2020年大選結果，同不當處理政府機密文件等等。有份負責嘅檢控官同探員，派定散水餅都得啦！
而美國嘅所謂「新聞自由」，隨著「侵侵」回歸，亦難逃一劫！有消息話，數間與「侵侵」為敵嘅主流媒體，好似《紐約時報》、NBC等，已經被踢出國防部五角大樓嘅新聞採訪室，而《美聯社》由於唔肯跟隨「侵侵」將墨西哥灣改稱為美國灣，就被禁止入白宮同空軍一號做採訪！呢啲咪叫做「美式新聞自由」囉！點解香港「記怯」同黃色媒體咁靜，連作狀吠幾聲都冇嘅！
至於學術自由，「侵侵」就要求所有大學，開除有份參與反以色列，同埋聲援巴勒斯坦嘅校園示威學生，否則就停止聯邦對學校的撥款咁話。其中美國哥倫比亞大學一名巴勒斯坦學生，因曾參與反以色列校園示威而俾警察拉咗，仲話要逮解出境！好彩法官裁決時表示，佢嘅行為係受到美國法律保護，政府唔可以將佢驅逐出境！ 「侵侵」玩到咁癲，好多間大學已經頂唔順就範；但哈彿大學就偏偏唔聽佢支笛，仲反告政府違憲添！ 於是「侵侵」又指哈佛違反聯邦法律，凍結咗數十億元嘅資助，仲話如果哈佛繼續唔聽話，就會剝奪佢接收捐款的免稅嘅地位⋯⋯如果件事係香港發生，就「大鑊」了！唔單止咁，美國嘅科技一路都係領先全世界，但「侵侵」竟然要大幅削減科研開支，而家好多美國嘅科學家人心惶惶。無工做事少，仲隨時會屈你係間諜，咁就大件事喇，所以好多科學家都打算出走「超級大國」，向中國、歐洲、加拿大發展，可能呢啲就係「學術自由」嘅新概念，令知識流通世界囉！
另外，早排網上流傳一張「侵侵」扮教宗嘅相，本來喺網絡世界，呢啲二次創作無乜特別，但奇在呢幅相竟然post咗上去「超級大國」嘅官方帳號！而最激係「侵侵」喺記者會上嘅回應：「乜啲教徒唔喜歡咩？我太太覺得好可愛，好Nice喎！不過我真係做咗教宗，就唔可以結婚，咁就過份咗！教宗係唔鍾意結婚㗎，係咪？」我相信就算唔係天主教徒，睇到都覺得佢實在太輕佻無禮，一啲都唔尊重一個宗教，可能呢啲，就係我哋唔識嘅「宗教自由」啦！
特朗普社交平台截圖。
「侵侵」嘅另一「傑作」，就係任命玩具車老板「馬仔」，設立狗狗效率部 (DOGE) ，去整頓聯邦政府。媒體話「馬家軍」手起刀落，係冇預警之下，停止泵水俾美角國際開發署(USAid)，令到2000名員工即時被停職！ 由於「DOGE」行事都好囂張，周圍樹敵，搞到「玩具車」經銷商都到處俾示威者搗亂。「侵侵」為咗撐「馬仔」，一啲都唔避嫌，企出嚟話個啲暴力示威係恐佈主義，拉到呢班示威者，佢哋就會比死更難受咁話！ 「侵侵」仲即刻係傳媒面前買部「玩具車」表示支持，實行直播帶貨！咁都冇利益衝突？仲唔係活生生嘅官商勾結？如果係香港，佢哋隨時比老廉拉「公職人員行為失當」啦！
講番「間諜」，大家可能覺得只喺電影誇張嘅橋段，現實世界係唔存在嘅。不過最近美國「中情局」（CIA），就發佈兩個中文視頻，去招聘一啲不滿現狀嘅中國官員，向美國提供機密情報！ 講到真係同中國人好交心，幫緊你、幫緊你咁！呢個不但係佢哋一貫卑劣嘅伎倆:挑撥矛盾同仇恨；而且亦好橫蠻咁暴露咗佢哋為所欲為嘅野心！ 呢件事好清楚話俾大家聽，間諜係無處不在！今日「超級大國」可以向中國招募間諜，明天就輪到其他國家，無一倖免！
至於全球關稅戰，「侵侵」一時話加關稅，一時又話暫緩，又話同中國領導人好friend，呢樣嗰樣，但係次次問到佢係咪直接有通話，就講東講西，用語言偽術去誤導世界。其實中國商務部都講咗好多次，中國之前冇同佢溝通㗎啦⋯⋯點解佢哋咁做？高人話「侵侵」政府嘅官員、老友係公司大老闆，生意人，所以「侵侵」推出飄忽同瘋狂嘅「關稅政策」，攪到個股市短時間大升又大跌，咁係過程之中，有冇人賺大錢，就真係得佢哋先知喇！ 如果呢啲事係香港發生， 就算唔拉唔鎖，都起碼開個「特別調查委員會」啦，你話係咪?！
睇返美國歷史上受歡迎嘅總統，好似華盛頓、林肯、羅斯福、列根、奧巴馬……佢哋係個人特質方面，全部都表現出誠實、有親和力同好嘅溝通能力；政績方面，又能夠喺戰爭或經濟危機中展示決斷力；而最重要係，佢哋代表咗美國自由、平等同埋法治嘅價值觀。但睇返「侵侵」，人家受歡迎嘅嘢，佢一樣都冇！佢係上一屆政府提倡嘅「美國優先」，而家已經變成「侵侵優先」！而一向嘅美式價值觀，而家反而成為「侵侵」手起刀落嘅目標，或者係玩弄嘅對象！「侵侵大帝」將無賴、荒誕，人治、弄權同霸凌式統治，演譯得淋漓盡致！係短短一百日，就將「民主自由」無死角咁轉化為「暴政自由」。我零零發最後都係嗰句: 「我都戥佢啲國民好悲哀，竟然俾個咁嘅大帝去管治國家！ 」
鍾情局．零零發
